Kingdom of history👑📖📜

 رحلة جدارية للامبراطور ( تراجان ) 🫣 نقش على اللوحه دى الامبراطور تراجان كفرعون مصرى و هو بيقدم القرابين للمعبودات المصرية 🥖🥩   و الامبراطور تراجان كرس معبد كوم امبو لعبادة المعبود سوبك 🐊 ( سوبك 👈🏻 المعبود التمساح ) طب تعرف مين اللى اكتشف اللوحه دى ؟  #نجوى_تيمور_صلاح  #هنسافر_بألة_الزمن  #تاريخ

 #هنلف_العالم_النهاردة 🌏 و هنروح نزور اعلى قصر تاريخى فى العالم🏢 هنروح الصين 🥳 قصر ( بوتالا )🤩 القصر اتبنى فى القرن السابع و اتبنى بمناسبة زواج ( سونغستان غومبو ) من الاميرة ( ون تشنغ ) سنة 618 م 👰🏻‍♀ و فى الوقت ده كان اسمه ( قصر الجبل الاحمر )🏔️🔴 القصر بيتكون من 9 ادوار و 999 اوضه😳 و الدور الاخير كان متخصص كمعبد بوذى القصر من جوا فيه كنائس و معابد و اضرحه 💒🏛️ و فيه متحف من دورين هتلاقى فيهم مشغولات من الماس و الذهب و الاحجار الكريمه و تماثيل بوذا 💎 و بسبب الحروب القصر انهار و مبقاش فاضل منه غير كهف ( فاوانغ ) جى القرن ال 17 بدأ بناء القصر تانى سنة 1645 م  و بنائه خد 50 سنه 🏚️🥵 و بعد كدة اتسمى باسم ( بوتالا ) و جى ( الدالاى لاما ) و وسع القصر و الدالاى لاما ده لقب القائد الدينى الاعلى للبوذيين 👳🏻‍♂️ #نجوى_تيمور_صلاح #تاريخ

 فى اوروبا انغمس البابوات بملذات الحياة و بعدوا عن تعاليم الكنيسة و بقى كل همهم انهم يجمعوا صكوك الغفران و اللى بسببها شعب اوروبا انغمس فى الاخطاء لحد ما جى رجل المانى و سافر لروما و شاف حال البابوات و قرر انه يعرف طريق خلاص الروح من الخطاية بنفسه و اتحدى البابوات و جى فى يوم الشعب كان متجمع عند الكنيسة و علق ورقة على باب الكنيسة فيها حوالى 95 احتجاج و اللى بيطلب فيها منع صكوك الغفران و ان الكتاب المقدس من حق اى مسيحى يقراه و يفسره و كان بيطالب ان سلطة الامراء تفوق سلطة البابوات  و طبعا ده ادى لغضب البابوات و اتجمع حول الراجل ده جزء كبير من شعب المانيا و أطلق عليهم البروتستانت و اللى معناها المحتجون / المحتجين  مين الراجل ده 🤔 هو مارتن لوثر   #نجوى_تيمور_صلاح  #هنسافر_بألة_الزمن  #تاريخ

 #هنسافر_بألة_الزمن ⏳و نروح لعهد الملك امنمحات الثالث اللى هو سادس ملوك الاسرة ال 12 🥰 اتولى العرش بعد وفاة سنوسرت التالت 🥲 و اتخذ لقب ( نى ماعت رع ) 👈🏻 ( صاحب عدالة معبود الشمس )☀️ اتميز عصره اللى دام 48 سنة ب الهدوء و السكينة 😌 و عمل اصلاحات داخليه زى الزراعه و التعمير الدينوى و الدينى 🫶🏻 و استصلح 17,000 فدان من الاراضى الخصبة 🌿 امنمحات التالت حفر قناة تربط نهر النيل و منخفض الفيوم ( مر ور ) و اللى اسمها ( بحر يوسف ) 🏞️ و انشأ سد عشان ينظم فيضان المياه فى بحيرة قارون 🌊 امنمحات التالت هنا بيتمثل فى هيئة كاهن و هنلاقيه لابس جلد الفهد و هنلاقى ان راس الفهد على صدر الملك و مخالب الفهد على كتف الملك🐺 و الجلد متثبت ب شريط مزدوج على صدر الملك و هنلاقى الملك لابس سلسلة  و لابس شعر مستعار🧑‍🦱 التمثال مصنوع من الجرانيت الاسود و اللى لقاه ( اوغست مارييت ) سنة 1862 م فى الفيوم #تاريخ   #نجوى_تيمور_صلاح

 مهو مش عشان يكون امبراطورية فرنسية كبيرة و عشان يقطع طريق التجارة عن انجلترا يحتل مصر 😡 ده غير فضوله فى كشف اسرار مصر الفرعونية 🤔 بس لما جى مصر اكتشف اكتشاف عظيم و بسبب الاكتشاف ده اتفك لغز مصر القديمة 🤩 و لما جى اتهم اتهام كبير اوى و هو انه كسر جزء من اثار مصر القديمة يلا بسرعه انا بتكلم عن مين ؟ 🫶 نابليون حب انه يكون امبراطورية فرنسية كبيرة فى الشرق الأوسط و كان عايز يقطع الطريق فى وش تجارة انجلترا👿  يقوم عامل اى 🤔 فكر شوية كدة و عرف ان مصر بتقع فى منتصف طريق التجارة بين انجلترا و الهند 🌏 فقال انا هستولى على مصر اهو منه نعوق حركة التجارة الانجليزيه 😌و منها نكتشف اسرار مصر الفرعونية 🤩 بس الجيش الفرنسى كان ذكى عملوا اى بقى😉  عشان الانجليز ميخدوش بالهم من ترتيبات الحملة 👀 رمم الجيش الفرنسى الطوابى العسكرية الموجودة على الشاطئ الغربى لفرنسا 🚧 و لما جهز الاسطول الفرنسى للحمله🚢 الانجليز افتكروهم بيعملوا ترميمات للبحر المتوسط 🤡 و فى ليله مظلمه 🕯️ اتسلل الجيش الفرنسى فى البحر المتوسط 🫣  تعالوا نشوف مسار الحمله ( جنوب فرنسا 👈🏻 الجزائر 👈🏻 الشرق محاذيا للشاطئ الشمالي لافري

 هنتكلم بقى عن الهريم المغناطيسى بن بن 👽 اولا كلمة بن بن معناها ( الحجر المقدس ) 😍 و بن بن ده كان تسميه عامة مش بتطلق على حاجة معينه  لكن حاليا بدلنا كلمة بن بن و بقينا نقول هريم 🫶  و الهريم قمة الهرم  بالنسبة بقى ان الهرم مصنوع من مواد مش على كوكب الارض الكلام ده طبعا غلط ☝️ الهريم مصنوع من الجرانيت الاسود 🖤 و اثار كتير جدا مصنوعه من الجرانيت الاسود اما بقى بالنسبة لمادة النحت ف المصريين القدماء كان عندهم معدات كتير كانوا بيستخدموها و مش صعب اوى اننا ننحت الجرانيت الاسود بمادة غير الليزر 🤷 والهريم ده قمة هرم امنمحات التالت 👑 لقوا الهريم فى دهشور و حاليا موجود فى المتحف المصرى بالتحرير ♥️ يعنى الفضائيين ملهمش علاقة بالمصريين القدماء و مش اى حاجة نسمعها على السوشيال ميديا نصدقها هما بس عايزين ريتش مش اكتر 🫶 #نجوى_تيمور_صلاح  #تاريخ  #هنسافر_بألة_الزمن

 كان ياما كان كان فى امير ماشى فى الحر و الشمس ف تعب 🥵 و قال يستظل بظل رأس ابو الهول ف الامير ده راح ف النوم 😴 و لما نام حلم بأن ابو الهول بيبشره انه هيحكم كيميت / كمت 👈🏻 مصر 🇪🇬 و قاله لما تبقى حاكم ارفع عنى الرملة عشان خنقانى 😫   و فعلا الامير ده حكم مصر و بقى الملك تحتمس الرابع 👑 طب عرفنا القصة دى منين 🤔 من لوحة الحلم اللى قدام ابو الهول 🤩 و اللى فيها تحتمس الرابع بيقدم القرابين لاتنين ابو الهول مش ابو الهول واحد 🥰 طب السؤال هنا اشمعنا اتنين ابو الهول و احنا عندنا ابو الهول واحد بس 🧐 #نجوى_تيمور_صلاح  #هنسافر_بألة_الزمن ⏳ #تاريخ  #اثار

 عايزاك تتخيل معايا كل كلمة انا بقولها عشان تعيش القصه😌 احنا دلوقتى فى سنة 1811 م  و حاكمنا هو ( محمد على ) و كانوا المماليك عايشين فى مصر بس حاكمنا محمد على مش مطمنلهم 😰 و عايز يخلص منهم بأى طريقة 🤔 و فى ثورة فى ارض الحجاز و نجد بقيادة واحد اسمه محمد بن عبد الوهاب ⚔️ حاكمنا محمد على عمال يفكر دلوقتى ازاى يخلص منهم و هوب مرة واحدة قام وقف و قال انا لقيت الحل ✌🏻 و قال انا هخلى ابنى طوسون هو قائد الحملة ضد محمد بن عبد الوهاب 😌 مرة واحدة وقف لاظوغلي باشا و بيعرض على ( محمد على ) انه يعمل وليمة يوم الجمعه احتفال بتنصيب ابنه طوسون قائد للحمله 🤺و تبقى يوم ( 1مارس 1811 م ) و يعزم رؤساء المماليك و نتفق على وقت معين نقفل فيه باب القلعه و ندبح المماليك 😎 و فعلا حصل كدة بعت ( محمد على ) دعوة للمماليك و لبى الدعوة 470 مملوك و راحوا لابسين احلى اللبس 🤩 و احتفال القائد طوسون بدأ و الموكب ماشى و المماليك مش عارفين اى اللى مستنيهم و بطريقة اتجمع المماليك فى مكان و اتقفل عليهم الباب و هوب ابتدوا يقتلوا فيهم 😖 المماليك عاملين يجروا بيحاولوا ينقذوا حياتهم مفيش مفر 😭 اى ده ا

 #هنسافر_بألة_الزمن و نعرف اصعب مذبحه حصلت للمسلمين لاغراض شخصية تحت راية الصليب 🏳️✝️ اى هى الحروب الصليبية ؟  تعريفها تاريخيا :- هى الحملات المسعورة التى قامت بها اوروبا المسيحيه ضد الشرق الاسلامى فى العصور الوسطى . بداية الحروب الصليبية كانت فى فرنسا 1095 م لما البابا اوربان التانى بشر بضرورة حركة الحروب الصليبية فى مجمع ( كلير مونت ) ،  و نهاية الحروب الصليبية لما السلطان ( الاشرف خليل ) استولى على اخر معاقل الصليبيين ( عكا ) . الحروب الصليبية كانت حلقة فى سلسلة صراع بين المسيحية و الاسلاميه ، و اللى بدأت بظهور الاسلام فى جزيرة العرب و الفتوحات الإسلامية على حساب الدولة البيزنطية و الغرب اللاتيني ج 1  #نجوى_تيمور_صلاح  #الحروب_الصليبية

 اللى دعا للحروب الصليبية هو بابا اوربان التانى سنة 1095 م و كنيسة روما اشرفت على الحملات دى و كان كل محارب اشترك فى الحروب كان بيترسم على زيه و سلاحه صليب .  طبعا الحروب دى كان دوافعها دينيه ( تخليص الاراضى المقدسة و خاصة القدس و استردادها من المسلمين و فتح الطريق بتذليل المصاعب لحجاج اوروبا حتى يتمكنوا من اداء حجتهم و زيارة مقدساتهم فى ارض فلسطين) بس يا ترى هل هو ده الدافع الحقيقى للحروب الصليبية ؟دراسات العصر الحاضر و نقد الحروب الصليبية اثبتت ان كان فى دوافع تانية مستخبيه ورا الدافع الدينى لكن البابوات استخدموا الدافع الدينى عشان يحمسوا الجنود و الفرسان و نبلاء اوروبا و المدن التجارية عشان يشتركوا فى الحروب دى . طب ازاى استخدموا الصليب او ازاى اقنعوا الفرسان و النبلاء ان دى حروب دينية ؟  _ البابا اوربان التانى القى خطبة فى نوفمبر 1095 م فى مجمع كلير مونت فى فرنسا و استخدم اسلوب الاغراء و الاثارة الدينية و ضرورة مد يد العون لاخواتهم المسيحيين فى الشرق و قالهم اد اى المسلمين بيعذبوا المسيحين ( المسيحيين فى الشرق يتعرضوا لمعاملة سيئة و ظلم على يد الاتراك السلاجقه الذين دمروا اضرحتهم

 بس السؤال هنا   1️⃣ هل فعلا البابا اوربان التانى و كنيسة روما دعوا للحروب دى عشان يخلصوا الاراضى المقدسة من المسلمين و انقاذ المسيحيين فى الشرق من الاضطهاد الاسلامى ؟   ___________ الجواب لا  لان المسيحيين فى مصر و فى بلاد الشام و فى بلاد اسلامية كتير متعرضوش لاى اضطهاد من حكام المسلمين الا فى حالات نادرة ، يعنى مثلا فى الدولة الفاطمية اليهود و النصارى تمتعوا بحريتهم و متعرضوش لاى اضطهاد الا فى خلافة ( الحاكم ) و بعد خلافة الحاكم استعادوا حريتهم ، ده غير ان ناس مسيحية اتولت مناصب هامة فى الوزارة و مناصب تانية كبيرة فى الدولة ، و فى الدولة العباسية كانوا بردو العباسيين مش بيضطهدوا المسيحيين ، المؤرخ ( رنسمان ) كاتب فى كتابه ( تاريخ الحروب الصليبية) و بيقول ( لم يكن المسيحيون فى جملتهم اشقياء فى ظل الحكم العباسى فيصح انهم تعرضوا لهجمات عنيفة من قبل بعض المسلمين فى القرن التاسع غير ان ذلك يرجع الى ما اصابوا من ثراء وافر ) و لما بعت مكتوب الى صديقه فى القسطنطينية قال ( عن السلطات الاسلامية انها عادلة و لم تنزل بنا الضرر و لم نظهر شيئا من العنف و ما اشتهروا المسلمين به من العدل و ضبط النفس

 و من الدوافع اللى ادت لقيام الحروب الصليبية الدافع الاقتصادى ،  فى اوروبا عصور وسطى كانت اوروبا عايشة فى ظل النظام الاقطاعى و كانت الطبقات الدنيا بتعانى من مساوئ النظام ده ، و كانت العلاقة بين الامراء الاقطاعيين علاقة حرب مستمرة ، و حياة الفلاحين كانت مليانه مخاطر و خصوصا القرية اللى سيد الاقطاع مش بيحميها، اما بالنسبة لصغار لملاك فكانوا بيطلبوا الحماية من كبار الاقطاعيين ، (اللى مش عارف يعنى اى النظام الاقطاعى _ الاقنان_ صغار الملاك ، هعرفهم فى بوست لوحده النهاردة بليل او بكرة بإذن الله ) ،و بسبب ان السيد مكنش بيحمى القرية ف اتعرضت الاراضى للنهب و السلب و التدمير ده غير ان كبار الاقطاعيين استولوا على الاراضى و وزعوها على بعض و ده غير الاوبئه و الفيضانات اللى اتعرضتلها اوروبا قبل الحروب الصليبية و كل ده كان سبب فى ان الزراعه تتدهور و اللى ادى الى انتشار المجاعات، طبعا ده كان سبب مهم جدا ان الاغلبية من الطبقة الدنيا تنضم للحروب الصليبية اللى كان املهم من الحروب دى انقاذ حياتهم و التخلص من الذل طب هما جابوا الامل ده منين ؟ هقولك من خطبة البابا فى مجمع كلير مونت لما قال ( ليس بوسعكم ان

 هتكلم بنبذة عن كل حملة صليبية بعد كدة هتكلم عن كل حملة بتفاصيل اكتر . هتكلم عن اشهر 8 حملات صليبية  الحملة الاولى :- دعا اليها البابا اوربان التانى فى مجمع كلير مونت 1095 م الحملة استمرت من ( 1095 : 1099 م ) الحملة حققت نجاح كبير جدا و قدر الصليبيون انهم يستولوا على القدس فى يوليو 1099 م و اسست مملكة بيت المقدس اللاتينية.  الحملة التانية :- كان سببها سقوط مدينة الرها اللاتينية فى يد عماد الدين زنكى و اللى تزعم الحملة دى ( كونراد الثالث ملك المانيا و لويس السابع ملك فرنسا ) و دعا للحملة ( القديس برنارد كلير الفرنسى ) بس الحمد لله الحملة فشلت فى تحقيق هدفها و مقدرتش انها تسترد مدينة الرها الحملة استمرت من ( 1147 : 1149 م ) . الحملة الصليبية الثالثة :- كان هدفها الانتقام من صلاح الدين و مواجهته بعد ما استرد القدس و هزم الصليبيين فى معركة حطين 1187 م و طبعا الحملة فشلت و مقدروش انهم يستردوا القدس ، الحملة استمرت من ( 1189 : 1192 م ) . الحملة الرابعه :- هدفها الاتجاه ل فلسطين ثم تغير اتجاه الحملة ل القسطنطينية و استولى عليها و قدر الصليبيون انهم يجعلوا القسطنطينية مملكة لاتينية حتى 1261 م

 الحملة الصليبية الاولى ⚔️ بعد خطبة البابا اوربان التانى انطلق دعاة فى سائر انحاء اوروبا يحرضون الناس على الانضمام للحروب الصليبية و من اشهر الدعاة ( بطرس الناسك _ والتر المفلس ) و قدروا يكونوا مجموعات كبيرة اتعرفت بأسم ( الحملة الشعبية ) و الاغلبية العظمى من اللى اشتركوا فى الحملة كانوا من الطبقة الدنيا ( الفلاح _ الراهب المغامر _ قاطع الطرق _ الهارب من السجن _ النساء _ الاطفال)  و فى مايو 1096 م اتحركت المجموعات دى اتجاه القسطنطينية عشان تروح الاراضى المقدسة ، بطرس الناسك قال ان المدينة اللى هنتجمع فيها و هننطلق منها هى ( كلونيا ) ، جى والتر و خد مجموعه و فضل يمشى و يعدى من ( محاذاة الراين ثم الدانوب ثم البلاد المجارية ثم بلغاريا ثم القسطنطينية ) و بعده جى بطرس الناسك مع المجموعه الاخرى الى القسطنطينية. و طبعا لما كانوا بيعدوا على البلدان زى ( البلاد المجرية و البلقان ) كانوا بينهابوها و بيدمروها و ده ادى ل اصطدام الصليبيين بجنود الامبراطوريه البيزنطية و نتيجة الاصطدام ده قل عدد الصليبيين اللى هيروحوا القسطنطينية ، الصليبيين يسكتوا لا فضلوا ينهبوا و يسلبوا فى العاصمة البيزنطية ،و بسب

 حبيت النهاردة اعرفكم مين هى ايزيس 🤗  اولا كدا هى مرات و اخت ( اوزوريس ) و ام ( حورس ) 𓂀 👪 ايزيس دى اكتر معبودة ليها شعبية و تأثير فى مجمع الالهة فى مصر القديمة و عبدتها كل البيوت المصرية و خصصولها هيكل خاص بيها🛐 معنى اسمها ( العرش ) و تقريبا كدة اصل ايزيس انها كانت تجسيدا للعرش الملكى 🛋️👑 و بما انها مرات اوزوريس اعتبرت انها الزوجة المثالية و التجسيد الحى للاخلاص الزوجى🫶 و غير كدة هى ام حورس𓂀 اللى اتولد بعد وفاة ابيه اوزوريس💔 و اللى كانت بتقدمله الحب و الرعاية👩‍👦 و اهتمام المصريين القدماء بعبادة ايزيس بسبب الدور اللى لعبته ايزيس فى اسطورة ( ايزيس و اوزوريس ) هبقى اكتبهالكم 🌝 كانت ايزيس شعرها اسود و بشرتها نحاسية 👸🏻 عبدها المصريون و لقبوها بأكثر من لقب ( الام الإلهية الكبرى _ ملكة كل الاراضى _ النائحة _ الساحرة الكبيرة ) 😍 ايزيس واحدة من الالهة اللى بيلقبوا ديما بلقب ( امهات )🫶 و حصلت على لقب ( الساحرة الكبيرة ) و نسب اليها المصريون 7 ثعابين بتقوم بحراسة جسمها 🐍 و نسب ليها صفات جنائزية لما اتحدت مع اختها ( نفتيس )👩🏻‍🤝‍👩🏻 بقت واحدة لازم تحضر و تدخل فى مراسم الدفن

 نصوص الاهرام المنقوشة على حجرة دفن الملك اوناس اخر ملوك الاسرة الخامسه 😍 متكونه من حوالى 700 جملة دينيه او اكثر بتتردد فى طقوس معينه 🛐 بتتكلم عن الوهية الملك و رحلته للسماء و انضمامه الى الالهة ، زى مثلا صعود الملك الى الإله رع و تحوله الى اوزير 🫣 طبعا فى اراء حول هذه النصوص 👇🏻 *فى اللى قال انها ظهرت فى الاسرة الرابعه و كانت تتلى اثناء نقل جثمان الملك من معبد الوادى لحجرة دفنه و بعد كدة بتتكتب على جدران الاهرامات و كانت تتلى اثناء الكتابه 🗣️ *و فى اللى قال ان نصوص الاهرامات تتلى و تتردد فى حجرات و ممرات الهرم اثناء عملية الدفن ⚰️ *و يجى رأى مهم ل( بونيت ) و بيقول انها ترجع لاصول قديمة ، و النصوص فى البداية كانت عبارة عن نصوص سحريه لحماية الملك فى تابوته و بتوضح للملك طريقه للسماء و بتضمن له الحياة الأبدية 🌠

 #هنلف_مصر النهاردة و هنروح نشوف واحد من اكبر 10 مناجم دهب فى العالم 🤩 منجم السكرى / جبل السكرى , موجود فى صحراء النوبة اللى هى جزء من الصحراء الشرقيه . الدهب فى المنجم ده موجود فى الصخور السطحيه يعنى انت لو جبت صخره هتلاقى فيها دهب ، انا رايحه حد جاى معايا 🤌😂 و موجود كمان كتلة ذهبيه وزنها مليون طن 😲  درجة نقاء الدهب اللى فى المنجم ده كبيرة اوى و بتصل ل 90 : 97 % نقاء 😯 فى العصر الحديث منجم مصر الاول هو منجم السكرى بس فى اماكن حفر فى المنجم ده بتدل على ان المنجم استخدم زمان فى عصر المصريين القدماء ، ده غير الخرائط اللى بترجع لعصر المصريين القدماء 😍

 و اخيرا افتتاح مسجد سليمان باشا الخادم اللى معروف بمسجد سارية الجبل بقلعة صلاح الدين الايوبي بعد ترميمه🤩 تم انشاء الجامع سنة 1528م و اتسجل و بقى من ضمن الاثار سنه 1951 م  الجامع موجود فى القسم الشرقى من قلعة صلاح الدين الايوبي و متشيد على الطراز العثمانى ، و اللى بيميز الجامع انه متغطى بالقباب و متزود بالمأذن اللى واخدة شكل القلم و جدران الجامع الداخلية مكسيه ببلاط خزفى ، بس فى الاساس الجامع كان متشيد للجنود الانكشارية اللى دخلوا مصر سنة 1517 م مع السلطان سليم ، و سكنوا داخل الاسوار الشمالية للقلعه بعد ما جزء كبير من مسجد الناصر قلاوون اتهدم و مبقاش صالح لاقامة شعائر الصلاة فيه . الجامع واخد شكل مستطيل كبير من الشمال للجنوب و بيتقسم قسمين ، الاول مغطى و بيعرف باسم بيت الصلاة و ده بيمثل الجامع نفسه ، القسم التانى مكشوف و يعرف باسم الحرم او صحن الجامع . بدأ مشروع الترميم من سنة 2018 م و افتتح الجامع سنة 2023 م و تكلفة الترميم 5 مليون جنيه ، اللى اترمم ( الضريح من الداخل و الخارج و الزخارف اللونيه بالقاب الداخليه و الواجهات و تنظيف الاحجار المتسخه و ترميم الرخام و بيت الصلاة و المنبر ا

 #هنلف_العالم و هنروح نتزلج على جليد جبل القوقاز ف جورجيا 🏂 جبال القوقاز فيها منتجعات تزلج للى عنده خبره ف التزلج و للى معندوش و اشهرهم منتجع جودورى 👀 طب انت لسه اول مرة تتزلج على الجليد و متعرفش اى حاجة عن التزلج متقلقش في هناك مدرسة بتدربك على التزلج بتحجز و بتتعلم و هتبقى محترف كمان 😉 هتلاقى هناك كمان تضاريس و مسارات للتزلج السريع و المسترخى 😌 طب اروح امتى 🤔 موسم التزلج فى جبال القوقاز بيمتد من ديسمبر حتى مارس 🏂  و متقلقش مش لازم تشترى ادوات التزلج لان فى هناك مرافق و خدمات بتأجر ادوات التزلج و فى اماكن للاستراحه و مقاهى و مطاعم كمان 😴 طب انا شخص بسهر و بصحى متأخر 🤔 فى منتجعات هناك بتقدم خدمة التزلج الليلى على ضوء الشموع 🕯️ هنام فين 🤔 فى فنادق بتناسب ميزانية الجميع 💃 حاسة انى بعمل دعايا مش بكتب مقالة 😂 اللى يروح ياخدنى معاه بليز 👈🏻👉🏻 #نجوى_تيمور_صلاح

 فى العصور الوسطى و فى العصر الايوبى انشأ صلاح الدين الايوبى سور لتوصيل المياه من نهر النيل بالمنيل للقلعه ( نظام قنوات مائية ) و السور معروف بسور مجرى العيون بمصر القديمة ، ولا يزال السور و برج سحب الماء قائمين و لكن لا فائدة لهم ، استعمل السور حتى سنة 1872م و اتسجل من ضمن الاثار الاسلامية سنة 1951 م ، يمتد السور من فم الخليج حتى بوابة مقابر السيدة عائشة  طب تعالى بقى احكيلك على شعب مصر 🫣 طبعا لان اغلبية المصريين جاهلين بالتاريخ و اهميته و مش بيحافظوا على الاثار هتلاقى السور حواليه قمامة و السور مكتوب عليه حروف و اسامى كعادة المصريين ، نيجى بقى للسور فى عيد الاضحى طبعا الناس بتضحى و بتدبح و بيعلقوا الجلد على السور 😐 طب عرفت ازاى ؟ ما انا كنت ساكنه هناك بس عزلت الحمد لله 😂 الوضع ده فضل على كدة لحد مشروع تطوير سور مجرى العيون و اللى شالوا فيه حوالى 700 طن قمامه 👍 و تم انشاء مبانى جديدة فى عهد الرئيس عبد الفتاح السيسي ، و الشقه هناك ب 2 مليون جنية 🙂😂 #نجوى_تيمور_صلاح

 مدينة تونيس هيراكليون الغارقة فى ابى قير بالاسكندرية لقوا فيها معبد للمعبودة افروديت بيعود تاريخها للقرن الخامس ق.م ، و ذلك من خلال اعمال التنقيب تحت الماء بمدينة تونيس هيراكليون من قبل البعثة الاثرية المصرية الفرنسية المشتركة بين المجلس الاعلى للاثار و المعهد الاوروبى للاثار البحرية . طب اى هى مدينة هيراكليون ؟ المدير العام لادارة الاثار الغارقة دكتور اسلام سليم عرفنا على تاريخ مدينة تونيس هيراكليون و قال انها تعتبر اكبر ميناء لمصر على ساحل البحر المتوسط من قبل ما الاسكندر الاكبر يؤسس مدينة الاسكندرية سنة 331 ق.م و حصل زلازل تسببت فى غرق المدينة بالكامل تحت سطح البحر و تم اعادة اكتشافها سنة 2000 م من قبل دكتور فرانك جوديو ، تم اعادة اكتشافها يعنى اكتشفوها قبل كدة 🤔 طب لقوا فيها اى ؟ الامين العام للمجلس الأعلى للاثار دكتور مصطفى وزيرى وضح ان البعثة عثرت على اثار برونزية و خزفيه مستوردة من اليونان و بقايا ابنيه مدعومة بعوارض خشبيه يعود بردو تاريخها للقرن الخامس ق.م . و رئيس المعهد الاوروبى للاثار البحرية دكتور فرانك جوديو قال ان البعثة عثرت على المنطقة اللى كانوا بيخزنوا فيها القرابين