حملات الحروب الصليبية

 هتكلم بنبذة عن كل حملة صليبية بعد كدة هتكلم عن كل حملة بتفاصيل اكتر .

هتكلم عن اشهر 8 حملات صليبية 

الحملة الاولى :- دعا اليها البابا اوربان التانى فى مجمع كلير مونت 1095 م الحملة استمرت من ( 1095 : 1099 م ) الحملة حققت نجاح كبير جدا و قدر الصليبيون انهم يستولوا على القدس فى يوليو 1099 م و اسست مملكة بيت المقدس اللاتينية. 

الحملة التانية :- كان سببها سقوط مدينة الرها اللاتينية فى يد عماد الدين زنكى و اللى تزعم الحملة دى ( كونراد الثالث ملك المانيا و لويس السابع ملك فرنسا ) و دعا للحملة ( القديس برنارد كلير الفرنسى ) بس الحمد لله الحملة فشلت فى تحقيق هدفها و مقدرتش انها تسترد مدينة الرها الحملة استمرت من ( 1147 : 1149 م ) .

الحملة الصليبية الثالثة :- كان هدفها الانتقام من صلاح الدين و مواجهته بعد ما استرد القدس و هزم الصليبيين فى معركة حطين 1187 م و طبعا الحملة فشلت و مقدروش انهم يستردوا القدس ، الحملة استمرت من ( 1189 : 1192 م ) .

الحملة الرابعه :- هدفها الاتجاه ل فلسطين ثم تغير اتجاه الحملة ل القسطنطينية و استولى عليها و قدر الصليبيون انهم يجعلوا القسطنطينية مملكة لاتينية حتى 1261 م و الحملة دى يعتبرها المؤرخون مثال حى لانعدام الباعث الدينى بسبب تغيير اتجاه الحمله ، استمرت الحملة من ( 1201 : 1204) .

الحملة الخامسه:- كان هدف الحملة الاتجاه لمصر و كانت مصر وقتها تحت حكم الملك الكامل ابن اخو صلاح الدين ، قدر الصليبيون انهم يستولوا على دمياط بس انسحبوا من مصر من غير تحقيق اهدافهم و اطماعهم ، استمرت الحملة من ( 1218 : 1221 م ) .

الحملة السادسه:- قائد الحملة دى هو ( فريدريك التانى امبراطور المانيا ) بس فريدريك كان ذكى عمل اى بقى راح الشام لابس لبس زائر عادى مش لبس قائد على اساس انه رايح يتفاهم مع المسلمين و فعلا اتفق مع الملك الكامل و عقدوا معاهدة صلح و فى المعاهدة دى الملك الكامل تخلى عن القدس و الناصرة و بيت لحم و ممر بين القدس و ساحل البحر و اداهم للصليبيين ، الحملة استمرت من ( 1228 : 1229 م ) .

الحملة السابعه :- كان اتجاه الحملة لمصر بقيادة ( لويس التاسع ملك فرنسا ) الحملة فشلت و لويس التاسع بقى اسير فى معركة بالمنصورة و مش لويس بس اللى اتأسر لا ده عدد كبير من جنوده و حاشيته اتأسروا معاه بس لويس اتحرر بعد مدة قصيرة لانه دفع فلوس للمماليك فسمحوله بالعودة لبلده ، استمرت الحملة من ( 1248 : 1254 م ) .

الحملة الثامنة :- سنة 1270 م لويس التاسع راح للشام و منها راح لتونس عشان يستولى عليها بس لويس فشل و الحملة انتهت بوفاته .

ج 6

#نجوى_تيمور_صلاح 

#الحروب_الصليبية 

#تاريخ