مسجد احمد بن طولون

لو انت فاكر ان اليونانيين دخلوا مصر و اتميزوا عن المصريين مع دخول الاسكندر الاكبر تبقى غلطان لأن الموضوع اقدم من كدة بكتير 🤌🏻🫣 ---- خلينا نبدا رحلتنا النهاردة بتعريف من هم اليونانيين و ايه حكايتهم بالظبط 🧐 _____ اليونان دى اسمها هيلاس و دى عبارة عن ( شبه جزيرة البلقان + مجموعة جزر منتشرة فى بحر ايجه + مدن ساحل شبه جزيرة اسيا الصغرى ) بلاد اليونان كانت بلاد جبليه و ده كان سبب فى ان اليونان تتقسم لاقاليم منفصله و ده طبعا كان سبب فى ظهور كيانات سياسية مستقله و خلينى اعرفك ان اليونانيين مدخلوش مصر مع الاسكندر لان العلاقات بين مصر و اليونانيين اقدم من كدة بكتير على سبيل المثال 👇🏻 -لاقينا عدد من القطع الاثريه مصرية الطابع فى ( كريت و موكيناى ) و دى بترجع لحوالى ٢٩٠٠ ق.م -فى نقوش من الاسرة ال 18 تشير بوجود علاقات متبادلة بين مصر و اليونان -اما بقى فى القرن 7/6 ق.م تم استيطان تجار اليونان فى ارجاء البحر المتوسط -نيجى بقى للاسرة 26 فى عصر الملك ابسماتيك لما اشور غزت مصر راح ابسماتيك مستعين بالجنود المرتزقه اليونانيه عشان يصد هجوم اشور على مصر و مش بس كدة لا ده كمان استعان بيهم فى حملته العسكريه على اثيوبيا و مش بس كدة لا ده كمان اسسلهم مدينه خاصه بيهم و هى اول مدينه يونانيه فى مصر اسمها " نقراطيس " -فى بقى ملك اسمه اماسيس 👈🏻 احمس التانى ده لما تولى العرش حب يكسب حب المصريين اللى كانوا زعلانيين من تميز الاغريق عليهم ف قال و الله انا عدو للاغريق ف هلغى معسكر من معسكرات الاغريق فى مصر و هخليهم حرس خاص ليا طب ازاى عدوهم و ازاى حرس ليك يا سيادة الملك يرد الملك اماسيس و يقول " اصل انا عايزهم تحت عينى عشان اعرف اراقبهم "😉 طب احنا كدة عرفنا بلاد اليونان و اسمها و العلاقات بين مصر و اليونانيين قبل دخول الاسكندر طب ايه ظروف تولى الاسكندر الحكم 🤔 طبعا اى بلاد متقسمه لكيانات سياسيه هيبقى فى بينهم حروب كتيرة كان فى بقى حروب بين اثينا و اسبرطه فى اواخر القرن 5 ق.م الحروب دى ارهقت كل اللى اشترك فيها و بسببها فشلت الوحده اليونانيه و ده خلى الملك فيليب التانى ابو الاسكندر الاكبر يبقى عنده طموح انه يجمع بلاد اليونان تحت حكمه ف فضل ينظم شئون بلاده الداخليه و يوحد دولة مقدونيا دعا الملك فيليب التانى كل الدويلات الاغريقيه لمؤتمر فى كورنثه سنة ٣٣٨ق.م و طبعا كل الدويلات وافقت ماعدا اسبرطه و كل الدويلات اللى حضرت المؤتمر وافقت على الصلح و الوحده و هنا قرر الملك فيليب التانى اعلان الحرب على الفرس بس للاسف يغتيل فيليب التانى سنة ٣٣٦ ق.م ليتولى ابنه الشاب اللى عنده 20 سنه الحكم و من هنا ندخل فى حقبه جديدة فى سلسلة حروب و فتوحات و بناء امبراطوريه عظيمه يقودها اعظم ملك و قائد جيش فى تاريخ العالم القديم و الحديث نعم انها فترة حكم الاسكندر الاكبر 🫡♥️ بس بردو متفتكرش ان الكيانات السياسية المستقله اللى وافقت على الصلح هتوافق ان شاب فى سن العشرين يحكمهم و هنا هيبان ذكاء الاسكندر لما يدعى اكتر من اسطورة تثبت شرعية حكمه ده غير طبعا انه هيستولى على ال ... اللى هيخلى اليونان كلها تحت رجله 🫢🤫