ابو العباس السفاح

 انقسم التاريخ العباسى لعصرين👈🏻👉🏻

العصر العباسى الاول و اتميز بقوة الخلفاء و سيطرتهم على مقاليد الامور فى كل ارجاء الدولة و استمر ( 132 : 232ه‍ ) 💪🏻

و العصر العباسى التانى و هتكلم عنه فى وقته👈🏻👉🏻

العصر العباسى الاول 👇🏻

و حكم فيهم 9 خلفاء ( ابى العباس 👈🏻 الواثق )

فى اختلاف فى تاريخ تولية ابو العباس للخلافة 

1️⃣ فى شهر ربيع الاول 132 ه‍

2️⃣ فى ذى الحجة 132 ه‍

و بيعته تمت على مرحلتين 

1️⃣ فى الكوفة من شيعة العباسيين

2️⃣ بيعة الامصار له بعد مقتل اخر الخلفاء الأمويين ( مروان بن محمد 👳🏻‍♂️ )

كان ابو العباس اول الخلفاء ف كان لازم يدعم ملك بنى العباس و تثبيت دعائم الدولة العباسية الناشئة💪🏻

اول حاجة عملها انه عين العمال على الامصار و الولايات و طبعا حرص على انهم يكونوا من قرايبه و شيعته عشان يضمن بقاء الولايات دى فى حوزته👀

و قسم الولايات

( دمشق 👈🏻 عبدالله بن على )

( بلاد ارمينية و الجزيرة و اذربيجان 👈🏻 ابو جعفر المنصور ) 

( مصر 👈🏻 عمه صالح بن على ) 

( اقليم خراسان و بلاد الجبال 👈🏻 ابو مسلم الخرسانى) 

( البصرة و اعمالها البحرين و كور دجلة و عمان 👈🏻 اخوه يحيى بن محمد و عمه سليمان ) 

( الاهواز 👈🏻 اسماعيل بن على )

* اتقتل كتير اوى من الامويين و الخليفة الاموى ( مروان بن محمد ) على ايد العباسيين ف طبعا الامويين مش هيسكتوا و هيجروا شكل العباسيين 😒

اقاموا الامويين ثورات كتير عشان يدفعوا عن دولتهم ( الدولة الأموية)🔥

فجى ابو العباس و عبد الله بن على و استخدموا الشدة عشان يقضوا على امراء البيت الاموى😡 لدرجة نهب قبورهم و تماثيلهم

بس على مهلك كدة متظلمش ابو العباس مكنش شرير كدة 🤌🏻

اصل فى مصادر بتقول انه كان بيعامل الامويين معامله حسنه لا و كمان بيغدق عليهم بالاموال و الهدايا 👀

 بس حد وسوسله انه لازم يتخلص منهم عشان خطر على الدولة العباسية 😈

غير ان عبدالله جمع الامويين على اساس انه هيديهم فلوس و هدايا و طلع جايبلهم 80 راجل عشان يقتلهوهم 🔪 و غير كدا كل الاكل على جثثهم 😰

و الوالى سليمان اللى قدم الامويين كطعام للكلاب 😖

و طبعا دى كلها اسباب تخلى بنى امية تحس بالخوف و ده سبب فى انهم يتفرقوا و يختفوا عن عين العباسيين🫣

و لما الامويين ضعفوا امن ابو العباس  اللى لسه عايش من الامويين 😍

بردو مش بيسكتوا بيجروا شكل العباسيين و يرجعوا يزعلوا 🤡

عملوا ثورات ضد العباسيين تانى 😡

حاول ولاة الامويين اعادة دولة بنى امية  

و اتخذ والى ( حوران ) من البياض شعار لهم🏳️ طب ليه اللون الابيض 🤔

لان العباسيين كانوا واخدين اللون الاسود شعار لهم 🏴

و عشان دمشق كانت عاصمة الامويين فثار اهلها ضد العباسيين و غير كدة فى ولاة كتير ثارت ضد العباسيين😡

* 

الدولة البيزنطية بقى 👈🏻 كان فى توتر بينها و بين المسلمين و غير كدة كانت ساحه للجهاد و الفتح الاسلامى☪️

جى بقى قسطنطين و حاول يرجع المدن اللى استولوا عليها المسلمين فى عهد الدولة الاموية

و راح ل ( ملطية ) و حاصرها حصار شديد⚔️

لدرجة ان اهل المدينه سلموا لقسطنطين المدينة 😰

و نجح الروم فى الاستيلاء على مدينة قاليقلا و قتلوا معظم سكانها😞

فاكرين العلويين 🤔

 ابو العباس كان ذكى اوى معاهم

كان متقرب منهم عشان يضمن ولائهم ليه😏

و لما ابو العباس حس انه قرب يموت كتب كتاب بخط ايده و اداه لعمه ( عيسى بن على ) و قاله لما اموت تاخد البيعه لمن اختارته

 

ف عمه ( عيسى بن على ) مكنش يعرف مين ولى العهد اللى اختاره ابو العباس

و لما مات ابو العباس فى ذى الحجة 136 ه‍  ادفن ف قصره فى الانبار 😞

فتح عمه الكتاب😳 

و كان ابو العباس كتب ان اللى يتولى الخلافه بعده هو ( استنوا الجزء 3 🤫 )

#نجوى_تيمور_صلاح