مسجد احمد بن طولون
المسجد الذى لا يغرق ولا يحترق 🕌❤️
#هنسافر_بألة_الزمن
و نرجع لزمن الدولة الطولونيه ⏳🌀
مؤسسها فى مصر هو احمد بن طولون عندما استقل عن الخلافة سنة 266 ه بس كان بيعترف بالخليفه اعتراف اسمي فقط 🫣
------
فى عهد احمد بن طولون كان مصر فيها مسجدين ( عمرو بن العاص ، العسكر ) 🕌
هو اه مسجد بن طولون هو تالت مسجد جامع فى مصر لكنه الوحيد اللى لسه محتفظ بملامحه الاصليه لحد النهاردة
أمر احمد بن طولون ببناء ثالث مسجد فى مصر و يكون على طراز مسجد مدينة سامراء ❤️🕌
طب تعالوا بينا نشوف وجه التشابه بين المسجدين ( مسجد سامراء ، مسجد احمد بن طولون) 😍 كلاهما
1️⃣ مسجد حصن
2️⃣ مئذنة ملوية
3️⃣ مادة البناء ( الطوب الاحمر )
4️⃣ اركان الاعمدة دائرية
5️⃣ نقوش العقود
-------
محتوايات مسجد ابن طولون بقى 😌
1️⃣ اربع ايوانات
2️⃣ صحن مربع مفتوح
3️⃣ يتوسط الصحن بناء مربع به فسيقة رخاميه تعلوه قبه محمولة على صفوف من المقرنصات
3️⃣ اسفل المقرنصات شريط مكتوب عليه آيات قرآنية للوضوء
4️⃣ يحتوى على ظلات اكبرهم هى ظلة القبلة ، باقى الظلال تحتوى كل ظله على بلاطتين
5️⃣ عقود من الحجر المغطى بزهارف جصيه تشبه طراز سامراء على اشكال نباتيه
6️⃣ عقود مدببه قريبة من شكل حدوة الحصان ( و الشكل ده استخدم فى مسجد عمرو بن العاص بمصر ، المسجد الأقصى بالقدس ، المسجد الاموى بدمشق 🕌❤️ )
7️⃣ يوجد به 6 محاريب 5 منهم جصيه سطحيه مرسومه على الجدران واحدة منهم طرازها فاطمى و اللى امر بأنشائه هو " الافضل شاهنشاه بن بدر الجمالى "
المحراب الرئيسى مجوف و تم انشائه فى عهد السلطان "سيف الدين لاجين" المملوكى و المحراب ده مزخرف بالفسيفساء الزجاجية و لونها ذهبى و اتنقش بينهم الشهادتان ، اعلى المحراب الرئيسى قبه صغيرة من الخشب محمولة على مقرنصات و دى اللى بتميز ايوان "القبلة من اعلى و بترجع للسلطان"لاجين
و يسار المحراب الرئيس هنلاقى محراب تانى بيرجع لعصر المماليك و اسمه محراب السيدة نفيسة ♥️
8️⃣ مئذنة المسجد بقى 😍
سلالمها بتتميز بالتفافها حول المئذنه من الخارج و بتتكون من قاعدة مربعه ، فى قمة المأذنه فى طاقيه مضلعه على شكل مبخرة 🪔
------
من مميزات المسجد انه اتبنى من غير عامود واحد و قيل ان احمد بن طولون بناه على الطريقه دى لان الأعمدة هتكون رخاميه و الرخام ميتحملش النار ... فاكرين احمد بن طولون قال ايه ( اريد مسجداً اذا احترقت القطائع لا يحترق و اذا غرقت لا يغرق ) ف طبعا لو بنى المسجد بعامود رخامى كان الرخام هيطق من النار و مش هيتحمل و بكدة هيكون المسجد اتحرق 🤷🏻♀️
و السبب التانى لان لو اتبنى بعامود هيكون متاخد من كنيسة او معبد 👀
ف عشان كدة استخدموا الدعامات 🌝
-------
تعالوا نشوف مين رمم المسجد 🧐
فى سنة 696 ه فى سلطان اسمه السلطان حسام الدين لاجين" ( سلطان مملوكى حكم بعد" السلطان كتبغا و دى قصه لوحدها هنتكلم عنها 🫣 ) ده بقى اصلح المسجد اصلاحا شاملا
1️⃣اعاد بناء المأذنه مرة اخرى و نقش على جسد المأذنه عقدين بينهما عامود ذو طراز اندلسى بيرجع للقرن السابع الهجرى
جدد النافورة و المنبر و الخشبى و القبه2️⃣ الخشبيه الموجود فوق المحراب الرئيسي
-----
لجنة حفظ الاثار العربية منذ 1882 قامت بجهود لاعادته الى حالته الاولى طب عملت ايه بقى .......
1️⃣ ازالت العشوائيات حول المسجد ( العشش ، المنازل )
2️⃣ رممت الجدران و اعادت زخارفه و عقدوه زى ما كانت فى الاول
3️⃣ عمليات ترميم شاملة المسجد كله
4️⃣ عالجت الاسطح و الجدران
5️⃣ قامت بعمليات تقوية للمسجد
------
و اخيرا تم افتتاح المسجد فى عهد الرئيس الراحل حسنى مبارك ♥️
-----
لو عايزين تعرفوا اكتر عن نشأة الدولة الطولونيه فى مصر شوفوا الفيديو ده 👇🏻🌝
https://youtu.be/GfRxKT32w9w?si=Usy6SH-QH11yEJVf
----
تعليقات
إرسال تعليق