تونيس هيراكليون
مدينة تونيس هيراكليون الغارقة فى ابى قير بالاسكندرية لقوا فيها معبد للمعبودة افروديت بيعود تاريخها للقرن الخامس ق.م ، و ذلك من خلال اعمال التنقيب تحت الماء بمدينة تونيس هيراكليون من قبل البعثة الاثرية المصرية الفرنسية المشتركة بين المجلس الاعلى للاثار و المعهد الاوروبى للاثار البحرية .
طب اى هى مدينة هيراكليون ؟ المدير العام لادارة الاثار الغارقة دكتور اسلام سليم عرفنا على تاريخ مدينة تونيس هيراكليون و قال انها تعتبر اكبر ميناء لمصر على ساحل البحر المتوسط من قبل ما الاسكندر الاكبر يؤسس مدينة الاسكندرية سنة 331 ق.م و حصل زلازل تسببت فى غرق المدينة بالكامل تحت سطح البحر و تم اعادة اكتشافها سنة 2000 م من قبل دكتور فرانك جوديو ، تم اعادة اكتشافها يعنى اكتشفوها قبل كدة 🤔
.jpeg)
طب لقوا فيها اى ؟ الامين العام للمجلس الأعلى للاثار دكتور مصطفى وزيرى وضح ان البعثة عثرت على اثار برونزية و خزفيه مستوردة من اليونان و بقايا ابنيه مدعومة بعوارض خشبيه يعود بردو تاريخها للقرن الخامس ق.م .
و رئيس المعهد الاوروبى للاثار البحرية دكتور فرانك جوديو قال ان البعثة عثرت على المنطقة اللى كانوا بيخزنوا فيها القرابين و النذور و العناصر الثمينة ( حلى ذهب و اقراط على شكل رأس اسد و عين حورس و دلاية سلسله و اوانى من المرمر لتخزين العطور و مراهم التجميل و مجموعة من الاطباق الطقسية المصنوعه من الفضة و اللى بتستخدم فى الطقوس الدينيه و الجنائزية و قبضة يد نذرية من الحجر الجيرى و ابريق برونزى على شكل بطة ) بمعبد امون الغربى .
Dr. Mostafa Waziry ❤️🌹
#نجوى_تيمور_صلاح
.jpeg)
تعليقات
إرسال تعليق