الحملة الصليبية الاولى ⚔️
بعد خطبة البابا اوربان التانى انطلق دعاة فى سائر انحاء اوروبا يحرضون الناس على الانضمام للحروب الصليبية و من اشهر الدعاة ( بطرس الناسك _ والتر المفلس ) و قدروا يكونوا مجموعات كبيرة اتعرفت بأسم ( الحملة الشعبية ) و الاغلبية العظمى من اللى اشتركوا فى الحملة كانوا من الطبقة الدنيا ( الفلاح _ الراهب المغامر _ قاطع الطرق _ الهارب من السجن _ النساء _ الاطفال)
و فى مايو 1096 م اتحركت المجموعات دى اتجاه القسطنطينية عشان تروح الاراضى المقدسة ،
بطرس الناسك قال ان المدينة اللى هنتجمع فيها و هننطلق منها هى ( كلونيا ) ، جى والتر و خد مجموعه و فضل يمشى و يعدى من ( محاذاة الراين ثم الدانوب ثم البلاد المجارية ثم بلغاريا ثم القسطنطينية ) و بعده جى بطرس الناسك مع المجموعه الاخرى الى القسطنطينية.
و طبعا لما كانوا بيعدوا على البلدان زى ( البلاد المجرية و البلقان ) كانوا بينهابوها و بيدمروها و ده ادى ل اصطدام الصليبيين بجنود الامبراطوريه البيزنطية و نتيجة الاصطدام ده قل عدد الصليبيين اللى هيروحوا القسطنطينية ، الصليبيين يسكتوا لا فضلوا ينهبوا و يسلبوا فى العاصمة البيزنطية ،و بسبب نهبهم ده اضطر الامبراطور ( الكسيوس كومنين ) انه ينقلهم بسرعه لاسيا الصغرى عن طريق البسفور .
و قد سار المشتركين فى الحملة الى القسطنطينية على دفعات و انقسموا ل 3 فرق ، الفرقة الأولى كانت تحت زعامة ( جود فرى دى بوايون ) دوق اللورين السفلى و تحت زعامة بلدوين اخو جود فرى و اتخذوا طريق ( البحر ثم البلقان ثم القسطنطينية ) ،
الفرقة الثانية كانت تحت زعامة ( بوهيموند النورماندى و ابن اخته تانكرد ) و اتجهوا للقسطنطينية عن طريق ( جنوب إيطاليا برا و بحرا ) و وصلوا القسطنطينية سنة 1099 م ،
الفرقة الثالثة كانت تحت زعامة ( ريموند سان جيل و المندوب البابوى اوهيمار دى مونستى ) اتحركت من فرنسا و اتخذت طريق ( ايطاليا للدالماشيا و البلقان ) وصلوا للعاصمة البيزنطية بس الامبراطور الكسيوس كومنين حرص على مراقبتهم عشان مينهبوش و يسلبوا حاجة زى اللى حصل من الصليبيين اللى وصلوا قبلهم ، و حرص انه ينقل اى مجموعه تيجى لاسيا الصغرى بسرعه .
ج 7
.jpeg)
تعليقات
إرسال تعليق