الحروب الصليبية

 اللى دعا للحروب الصليبية هو بابا اوربان التانى سنة 1095 م و كنيسة روما اشرفت على الحملات دى و كان كل محارب اشترك فى الحروب كان بيترسم على زيه و سلاحه صليب .

 طبعا الحروب دى كان دوافعها دينيه ( تخليص الاراضى المقدسة و خاصة القدس و استردادها من المسلمين و فتح الطريق بتذليل المصاعب لحجاج اوروبا حتى يتمكنوا من اداء حجتهم و زيارة مقدساتهم فى ارض فلسطين) بس يا ترى هل هو ده الدافع الحقيقى للحروب الصليبية ؟دراسات العصر الحاضر و نقد الحروب الصليبية اثبتت ان كان فى دوافع تانية مستخبيه ورا الدافع الدينى لكن البابوات استخدموا الدافع الدينى عشان يحمسوا الجنود و الفرسان و نبلاء اوروبا و المدن التجارية عشان يشتركوا فى الحروب دى .

طب ازاى استخدموا الصليب او ازاى اقنعوا الفرسان و النبلاء ان دى حروب دينية ؟ 

_ البابا اوربان التانى القى خطبة فى نوفمبر 1095 م فى مجمع كلير مونت فى فرنسا و استخدم اسلوب الاغراء و الاثارة الدينية و ضرورة مد يد العون لاخواتهم المسيحيين فى الشرق و قالهم اد اى المسلمين بيعذبوا المسيحين ( المسيحيين فى الشرق يتعرضوا لمعاملة سيئة و ظلم على يد الاتراك السلاجقه الذين دمروا اضرحتهم و توغلوا فى البلاد المسيحيه و شكلوا عقبة كبيرة فى طريق حجاج اوروبا الذين لقوا على ايدى السلاجقة ابشع انواع العذاب و المتاعب ) ، طبعا الكلام ده مش صح هو بس مجرد كلام عشان يحفز الفرسان و النبلاء بضرورة القيام و الاشتراك فى الحروب الصليبية .

طبعا معروف ان لكل حاجة مقابل يعنى هتعمل حاجة هتاخد مقابل عليها ف البابا اوربان التانى وعدهم بمقابل و هو ان اى حد هيمسك السلاح فى الحروب دى هياخد صك الغفران و التكفير عن الذنوب و عن المعاصى ، البابا اوربان كان بيتكلم بطريقة حماسية و اللى خلى الناس اللى بتسمعه متحمسة جدا للحروب دى و بقوا بيقولوا بكل حماس ( هكذا اراد الله ) و معنى الجمله ( ان الله ارادهم ان يسارعوا الى استجابة نداء البابا و ان يحملوا السلاح للقيام بغزو المسلمين فى عقر دارهم ) .

بسبب خطبة البابا اوربان التانى ناس كتير جندوا انفسهم و بينهم رهبان و رجال الدين و من بينهم ( بطرس الناسك ) اللى اتنقل فى انحاء اوروبا فوق حماره و هو حافى القدمين و لابس هدوم خشنة و معاه صليب كبير و بيعرف الناس حال اخواتهم المسيحيين فى الشرق و اد اى بيلاقوا اضطهاد من المسلمين و بيحمسهم عشان ينتقموا من المسلمين و عشان يستردوا القبر المقدس .

بس السؤال هنا 

هل فعلا البابا اوربان التانى و كنيسة روما دعوا للحروب دى عشان يخلصوا الاراضى المقدسة من المسلمين و انقاذ المسيحيين فى الشرق من الاضطهاد الاسلامى ؟ 

هل فعلا البابا اوربان التانى و كنيسة روما كانوا متاثرين بسبب متاعب السلاجقه اللى كانت بتواجه حجاج اوروبا ؟ 

اهم سؤال هل فعلا الدوافع اللى قالها البابا اوربان التانى كانت هى سبب استجابة فرسان و امراء اوروبا لهذه الدعوة ؟

ج 2

#نجوى_تيمور_صلاح 

#الحروب_الصليبية 

#تاريخ