في مصر القديمة، كان الملوك على العرش، لكن مش دايمًا كانوا الحكام الحقيقيين… ورا الكواليس، فيه قوة خفية بتحرك الخيوط، قوة بتتحكم في المعابد، الذهب، وحتى قرارات الفرعون نفسه! دول مش مجرد رجال دين… دول كهنة المعابد، حكّام الظل في عصر الفراعنة! ⚡
----
لما بنتكلم عن مصر القديمة، أغلب الناس بيفتكروا الفراعنة، الأهرامات، والتوابيت الذهبيه… لكن فيه شخصيات كانت بتتحكم في الخيوط من ورا الستار وأحيانًا كانوا أقوى من الملوك نفسهم دول مش السحرة ولا الجنود، دول " كهنة المعابد " الناس اللي كانوا بيحكموا بعقولهم قبل سلطتهم طب ازاى 🤔
في العصور القديمة المعبد كان مش بس مكان للعبادة ده كان أشبه بالحكومة، البنك، ومركز الأبحاث العلمي في نفس الوقت
الكهنة كانوا بيتحكموا في الأراضي، الضرائب، وحتى القرارات السياسية، يعني ممكن تقول إن الكاهن الكبير كان بمثابة " رئيس وزراء من تحت لتحت كدة "
تصوّر إنك ملك وبتحاول تاخد قرار مهم مين أول حد تستشيره🤔 كهنة المعابد طبعًا، لأنهم كانوا بيقولوا إنهم وسطاء بين البشر والآلهة وكلامهم كان مقدس عند الناس وده خلى بعض الكهنة يتحولوا لملوك في الظل بيتحكموا في قرارات الملك الحقيقية
في أواخر عصر الدولة الحديثة، وتحديداً في زمن رمسيس الثالث، حصلت أخطر مؤامرة دينية في التاريخ المصري كهنة معبد آمون في طيبة جمعوا نفوذ رهيب وكانوا بياخدوا أراضي وأموال أكتر من اللازم وفي النهاية بقى عندهم جيش خاص بيهم وقرروا يسيطروا على الحكم تماما وفعلاً بعد فترة، ملوك كتير بقوا مجرد لعبه في إيد الكهنة، لحد ما مصر دخلت في فوضى سياسية
الكهنة كانوا معروفين بقدرتهم على السحر وقراءة الطالع، وده زوّد من سيطرتهم على الناس والملوك. كانوا بيستخدموا معرفتهم دي لتحقيق مصالحهم الشخصية والسياسية، وده خلّاهم قوة لا يُستهان بيها في المجتمع المصري القديم
-----
مع مرور الزمن، بدأ الملوك ياخدوا بالهم من الخطر اللي بيمثّله الكهنة على سلطتهم. فبدأوا يقللوا من نفوذهم ويحدوا من سلطاتهم، وده أدى في النهاية إلى تراجع دور الكهنة في الحياة السياسية، ورجوع السلطة الكاملة للملك
في النهاية الكهنة كانوا جزء لا يتجزأ من تاريخ مصر القديمة، ودورهم السياسي السري كان له تأثير كبير على مجرى الأحداث قصتهم بتفكرنا دايمًا إن القوة مش دايمًا بتكون في إيد اللي على العرش، لكن أحيانًا بتكون في إيد اللي وراه 🤷🏻♀️
------
الجزء الاول من سلسلة #سلطة_الكهنه
المصادر
- "الكهنـة والكهنوت في مصر القديمة"
- "المعابد والديانة في عهد الأسرة الساوية" - موسوعة مصر القديمة (الجزء الثاني عشر): عصر النهضة المصرية ولمحة في تاريخ الإغريق
- "الحياة السياسية ونظام الحكم عند المصريين القدماء"
-----
#اربط_حزامك_ايها_المحارب_الزمني عشان #هنسافر_بألة_الزمن مع #نجوى_تيمور_صلاح و نعرف اكتر عن #تاريخ #مصر و #العالم و #هنرجع_رأس_نفرتيتي
ليه اسمهم الص8اينه part 2 👩🏿🦱🧑🏿🦱 قبل ما ابدأ موضوع النهاردة خلينى اقولك 3 حاجات حصلوا فى التاريخ و بيخططوا للرابعه👇🏻 الحاجه الاولى 👈🏻 فى مصر القديمه فى عصر الدوله الوسطى لجىء لمصر 37 شخص اسيوى دخلوا مصر عشان خيراتها و اكلها و شربهم كان عندهم زعيم اسمه " ابشا " ال37 شخص عاشوا فى مصر اتجوزا و خلفوا ( جنسيتهم من غير اختلاط ) جوازه على خلفه عددهم زاد شافوا نفسهم اقوياء و للاسف عندهم اسلحه متطورة عننا هوب مرة واحده قلبوا ع الشعب المصرى مسكوا الحكم ( الهكسوس ) الحاجه التانيه 👈🏻 فى مصر القديمه فى عصر الهكسوس بنى إسر١ئيل دخلوا مصر ( قصة سيدنا يوسف ) عددهم زاد كانوا شعب لوحده مبيخطلتش مع المصريين ف ملك الهكسوس لما خاف من عددهم و لحسن يعملوا فيهم زى اللى عملوه ف المصريين راح هوب حلم حلم ان طفل هياخد ملكه ف امر بقتل كل اطفال بنى إسر١ئيل ( قصة سيدنا موسى ) و اه فرعون موسى هكسوسي مش مصرى تالت حاجة 👈🏻 و كلنا عرفينها و هى حركة الص8اينه لما دخلوها ك لاجئين و مرة واحدة بقت ارضهم و بأسمهم و شوية لعب العيال اللى عارفينه 🥴 الرابعه اللى بيخططولها بقى دى بيطلق عليها لقب ا...
تعليقات
إرسال تعليق