مسجد احمد بن طولون

يا ترى لازم عالم الاثار ينزل الارض الاول عشان يعرف يدور فين على الاثار ؟ 👀 لما نقول اكتشاف أثري اول صورة بتيجي في دماغنا غالبا هي عالم اثار ماسك فرشة صغيرة🖌️ أو حفريات في الصحراء او بعثه اثرية بتحفر في الأرض لحد ما تلاقي بقايا مدينة او مقبرة او معبد 🤷🏻‍♀️ الحقيقة ان الموضوع اتغير جدا مع تطور التكنولوجيا ومن هنا بييجي السؤال ايه علاقة الأقمار الصناعية بالاثار؟ وهل القمر الصناعي فعلا ممكن يشوف أثر مدفون تحت الأرض؟ 🤔 و الحقيقه هى ان القمر الصناعي مش بيبص جوه الارض الأقمار الصناعية بتحمل اجهزة استشعار بتقيس خصائص مختلفة لسطح الأرض مش بس الصورة اللي عيننا بتشوفها 🤔 بعض البيانات بتكون في نطاقات من الطيف الكهرومغناطيسي زي الأشعة تحت الحمراء وبعض الأقمار الصناعية بتستخدم الرادار 📸 والبيانات دي ممكن تكشف اختلافات في التربة او الرطوبة او الغطاء النباتي او شكل سطح الارض او تغيرات في التضاريس 🏞️ والاختلافات دي احيانا بتكون مرتبطة بوجود بقايا لمنشآت او انشطة بشريه قديمة طب ازاي مبنى مدفون ممكن يبان من فوق؟ تخيل مثلا ان فيه حائط قديم مدفون تحت التربة الحائط ده ممكن يغير طبيعة التربة اللي فوقه وبالتالي يغير طريقة احتفاظها بالمياه أو تصريفها ولو فيه نباتات فوق المكان ممكن يحصل اختلاف في نموها مقارنة بالمناطق اللي حواليها وفي ظروف معينة الاختلافات دي ممكن تظهر في بيانات الاستشعار عن بعد 🛸 وعشان كده عالم الاثار لما يشوف شكل غير طبيعي في صورة فضائية مش بيقول فورا :-اهو لقينا مقبرة لكن ممكن يقول :-المكان ده محتاج دراسة أكتر 🤓 الأقمار الصناعية هنا بتساعد الباحثين في تحديد الأماكن المحتملة وبعدها بييجي دور وسائل البحث الأثري والمسح الميداني والحفائر للتأكد من طبيعة اللي موجود في الأرض 🔍 ------ طيب والرادار؟ هنا الموضوع بيبقى اكتر اثارة. فيه أقمار صناعية بتستخدم تقنية اسمها SAR Synthetic Aperture Radar يعني الرادار ذي الفتحة التركيبية. الرادار مش كاميرا عادية📸❌ هو بيبعت موجات رادارية وبيحلل الاشارة اللي بترجعله وفي دراسة علمية عن الصحراء المصرية والصحراء الكبرى استخدم الباحثون بيانات رادارية من الأقمار الصناعية لرصد شبكات أودية قديمة كانت مغطاة بالرواسب الرملية بينت الدراسة ان بيانات الرادار ساعدت في اظهار تراكيب كانت مخفية تحت الرمال بس مش معنى كده إن الرادار يقدر يشوف اي اثر مهما كان عمقه أو نوع التربة اللي فوقه قدرة الاستشعار بتختلف حسب نوع التربة وخصائص الهدف وعمقه ونوع وطول الموجة المستخدمة يعني مفيش رادار سحري بيشوف كل حاجة تحت الأرض ومصر تحديدا استفادت من التكنولوجيا دي؟ مصر من الاماكن اللي التكنولوجيا دي ليها اهمية كبيرة جدا، مش بس بسبب كثرة المواقع الأثرية، لكن كمان بسبب طبيعة البيئة المصرية. تخيل مساحة ضخمة من الصحراء أو أرض اتغير شكلها عبر آلاف السنين مجرى نهر قديم اختفى مستوطنة اندفنت طريق قديم اتغطى بالرمال او جزء من منظر طبيعي كان موجود وقت ما كانت الظروف المناخية مختلفة تماما عن دلوقتي دراسة الحاجات دي مش لازم تبدأ بالحفر في كل متر من الأرض لان ممكن الباحث يبدأ من فوق باستخدام صور وبيانات الاستشعار عن بعد ويكون صورة اكبر عن المنطقة وفي مصر فعلا تم استخدام بيانات الرادار وصور الأقمار الصناعية في دراسة خصائص جيولوجية ومناظر قديمة مدفونة تحت الرمال كما أن Space Archaeology نفسها أصبحت مجالا معترفا به ضمن تطبيقات علوم الأرض والاستشعار عن بعد والأقمار الصناعية مش مهمتها اكتشاف الآثار وبس وده يمكن الجزء اللي ناس كتير متعرفوش بيانات الأقمار الصناعية والاستشعار عن بعد ممكن تساعد في: _ تحديد مناطق محتمل وجود مواقع اثرية فيها _ رسم خرائط للمواقع والمناظر الأثرية على مساحات كبيرة _ دراسة تغيرات البيئة والمناظر الطبيعية اللي أثرت على حياة الإنسان القديم _ متابعة التغيرات اللي بتحصل في المواقع بمرور الوقت _ الوصول لمناطق صعب جدًا أو مكلف ان الباحثين يغطوها كلها ميدانيا وده بالذات مهم في مصر لان عندنا مساحات شاسعة جدا وفي نفس الوقت عندنا تاريخ ممتد لآلاف السنين🤗❤️ ------ القمر الصناعي مش بديل لعالم الآثار هو اداة من أدوات البحث ممكن الصورة الفضائية تلفت نظر الباحث لمكان معين بعدها الباحث يستخدم بيانات أخرى ويمكن يعمل مسح ميداني او يستخدم تقنيات جيوفيزيائية و في الاخر لو احتاج الامر تبدأ الحفائر يعني الرحلة ممكن تكون قمر صناعي 👇🏻 بيانات وصور👇🏻 مؤشر غير طبيعي👇🏻 تحليل أثري وجغرافي👇🏻 مسح ميداني👇🏻 وسائل استشعار أخرى👇🏻 حفائر👇🏻 التأكد من طبيعة الموقع ----- علم الآثار طول عمره بيعتمد على ملاحظة التفاصيل لكن التكنولوجيا الحديثة خلت الباحث يقدر يشوف الصورة بشكل مختلف تماما بدل ما يبص على متر واحد من الارض يقدر يبدأ بصورة لمنطقة كبيرة جدا وبدل ما يعتمد على العين فقط يقدر يستخدم بيانات في نطاقات مختلفة من الطيف او بيانات رادارية او نماذج لسطح الأرض وبدل ما يبدأ الحفر بشكل عشوائي ممكن التكنولوجيا تساعده في تحديد الأماكن اللي تستحق الاهتمام الاول وده مش معناه ان كل شكل غريب في صورة فضائية هو أثر✋🏻 بالعكس التفسير الاثري محتاج علم وتحليل ومقارنة وتحقق على الأرض وده بالضبط اللي بيخلي الموضوع مش مجرد صور من الفضاء لكنه تعاون بين علم الآثار والاستشعار عن بعد والجغرافيا والجيولوجيا والتكنولوجيا ----- يمكن اجمل حاجة في الموضوع اننا بقينا نستخدم ادوات حديثة جدا عشان نقرأ اثار ناس عاشوا من آلاف السنين انسان عاش على ضفاف الني، وبنى مدينة وشق طريق وزرع ارض ودفن موتاه وترك وراه اثار و بعد آلاف السنين ممكن جزء من الحكاية دي يظهر لنا من صورة التقطت من الفضاء 🚀 مش لان القمر الصناعي شايف الماضي لكن لان الماضي احيانا بيسيب علامات في الأرض والعلم الحديث اتعلم ازاي يقرأ العلامات دي ☝🏻🤓 وده يمكن يكون أجمل لقاء بين تكنولوجيا المستقبل وحضارة الماضي 🛰️🏺🇪🇬 ----- #نجوى_تيمور_صلاح #هنسافر_بألة_الزمن #تاريخ #اثار #NASA #Egypt