جبانة البجوات

 تعرف يعنى اى بجوات 🤔

طب سمعت قبل كدة عن جبانة البجوات 🤷🏻‍♀️

اربط حزامك 🎽 عشان #هنسافر_بألة_الزمن ⏳و نرجع للقرن الرابع و الخامس الميلادى 🕟

 دى جبانه مسيحيه موجودة خلف معبد " هيبس " بواحة الخارجه 🏛️

و اسم بجوات ده نطق اهل الوادى لكلمة ( قبوات ) 👈🏻 جمع ( قبو ) و دى اشارة لان كل مقابر الجبانه تعلوها قباب 

________

 الجبانه مبنية من الطوب اللبن و ليها اهميه لانها بترجع لأوائل العصر المسيحى ✝️ لان ف الوقت ده فر اقباط مصر بدينهم خوفا من اضطهاد الرومانيين للمسيحيه و المسيحيين ✝️ استقر المسيحيين فى الصحراء 🏜️ بعيد عن اباطرة الرومان، و الجبانه اشبه بمدينه مهجورة 🧟 ، فيها حوالى ٢٦٣ هيكل معظمهم مزخرفين من الخارج و القباب مزينة بمناظر مختلفه من التوراة 🤗 و مناظر مسيحيه بتتميز بالوانها الزاهيه المرسومه بطريقه الفريسكو 🤩

( الفريسكو 👈🏻 خلط الالوان بالماء للرسم 🖌️) و دى طريقة سريعه التآكل و الاندثار 🥺

 و طبعا بسبب الجو الجاف للمنطقة اللى فيها الجبانه 🌞 فضلت موجودة و منهارتش طول القرون دى ✌🏻

 و فى كام هيكل من الهياكل فيها الاف الكتابات مكتوبة باللغه الإغريقية و اللاتينية و القبطية و العربيه 🤩

________

 من اهم العناصر الاثرية للجبانه 👇🏻 

1️⃣ ( مزار السلام 👈🏻 و اتسمى كدة لوجود رمز السلام مصور بقبة المزار 🕊️ و ده من اكتر المزارات شهرة للى بيدرسوا الفن ، و الاوروبيين بيطلقوا عليه اسم " مقبرة بيزنطيه " ) 

2️⃣ ( مزار الخروج 👈🏻 مصور فيه قصة خروج بنى اsرائيل من مصر و يتعقبهم فرعون بجنوده و صورت بعض الرسوم بالوان زاهيه لبعض القصص المقتبسه من كتاب العهد القديم مثل " قصة سيدنا نوح عليه السلام " و " قصة فداء سيدنا اسماعيل عليه السلام " و غيرهم ، فيها مخربشات لكتابات و خطوط اللى سجلها زوار البجوات و دى موجودة بكثرة على جدران المقابر المزينه بالصور و عددها ٦٣ مخربشات منهم ٢٩ مكتوب باللغه العربية و دى اتكتبت منذ القرن التاسع الميلادى و ١٩ اغريقية و ١٢ قبطيه ، و جنب البجوات اكتشفوا بقايا مساكن " عين سعف " اللى كانت المساكن الرئيسية للبجوات 🏚️ ) 

3️⃣ ( الكنيسة ) ⛪ موجودة وسط الجبانه و بتطل على بلدة الخارجه القديمه و بتتكون من ٣ اروقه يؤرخ بنائها للقرن الخامس الميلادي ❤️

__________

و بس كدة يا جميل سلام 🙋🏻‍♀️

----------------