الكنيسة المعلقة

 جاهز 🤌🏻🌝

يلا اربط حزامك 🎽 عشان هنروح مصر القديمه 😍 المعنى الحقيقى لجملة ( مصر هى مجمع الاديان و الوحدة الوطنية ✝️🫱🏻‍🫲🏻☪️🫱🏻‍🫲🏻✡️ )

 لانها بتضم مسجد عمرو بن العاص 🕌 و السبع كنائس ⛪ و المعبد اليهودى🕍 و كل ده جنب بعض 😍♥️

 بس هنتكلم النهاردة عن معلم منهم و هو ( الكنيسة المعلقة ⛪ )

و زى ما قولت هى موجودة فى مصر القديمه ، اتبنت فى اواخر القرن الرابع الميلادى عشان تبقى رمز للتسامح الدينى 💙 و رمز الانتصار على الديانه الوثنية ✌🏻 ، و اتسمت بالمعلقة لانها اتبنت فوق البرج الجنوبى القريب لحصن بابليون 🤷🏻‍♀️ و الكنيسة دى اتبنت ( للسيدة مريم ) ❤️ 

----------

الكنيسة اتشهرت لان الانبا " خرستودلوس " 👈🏻 البطريرك ال ٦٦ ، نقل الكرسى المرقصى ليها من الاسكندريه فى القرن ال 11 م ، و اللى صلى بها اول صلاة قداس لما وصل مصر 🛐

 فضل الكرسى المرقصى فى الكنيسة المعلقة لمدة طويلة لحد ما اتنقل لكنيسة ابى سيفين فى القرن 14 م ⚔️

----------

مساحة الكنيسة حوالة 23.5 م فى 18.5 م و ارتفاعها حوالى 9.5 م ، اتصممت الكنيسة على الطراز البازيليكى ، و بتحتوى على صحن بينقسم الى 4 اقسام بيفصل بينهم صفوف من الاعمدة الرخاميه 🏛️ و السقف بتاعها على هيئة جمالونات من الخشب و بيقال انها اتصنعت على هيئة " سفينة سيدنا نوح عليه السلام " 🚢 الباب بتاعها من خشب الصنوبر مزخرف و مطعم بالعاج بيرجع للقرن ال 11 م 🚪،

 بتتشهر بردو بوجود الايقونات الجميلة اللى بتمثل السيد المسيح عليه السلام فى مراحل مختلفة من حياته 😍 و اقدم الايقونات دى بترجع للقرن ال 15 م 

  موجود فيها بردو كتلة خشبية منقوشة للسيد المسيح عليه السلام و هد بيدخل القdس و هو منتصر ❤️ ، فى وسط صحن الكنيسة هنلاقى 15 عمود فوقيهم منبر رخامى 

حصل عدة ترميمات للكنيسة منذ العصر الفاطمي لحد دلوقتى 🏗️

و بس كدة سلام 🙋🏻‍♀️ 

----------------