سقنن رع

 لماذا انزل الله بنا نقمته ..؟ 

المؤرخ مانيتون بدأ روايته عن الغزاة الاسيويين اللى احتلوا مصر و حكموها من نهاية القرن 8 ق .م و اللى التاريخ عرفهم بأسم الهكسوس 🐎

و هما القبائل الجبلية الغير متمدنه و اللى كانت ساكنه فى اسيا الوسطى ، و اللى ابتدوا يهاجروا و يبحثوا عن المناطق اللى فيها زراعه و خير و ده من القرن ال 20 ق.م ، و من الهجرات دى هجرة ( الرعاة / امراء المناطق الجبلية ) اللى وصلت ل سوريا و فلسطين ، و لما استقروا لوقت معين طمعوا فى انهم يستمروا فى البحث عن مناطق الزراعه و الخير ف ابتدوا يتحركوا نحية مصر ، و مصر فى الوقت ده كانت فى عصر الاسرة ال 13 ( عصر التفكك و الاضمحلال ) ، استغل الهكسوس الفوضى و اختلاف الحكام و التفرقه الداخليه لمصر و قدروا يدخلوا مصر بكل سهولة عن طريق الدلتا سنة 1710 ق.م ، و استقروا و سيطروا على مصر و مدوا سلطانهم لحد جنوب اسيوط ، احتلال الهكسوس لمصر يعتبر اول مذلة فى تاريخ مصر لان الهكسوس فضلوا يقولوا ان مستواهم اعلى من مستوى مصر و انهم ارقى حضارة و اسمى مكانه ، المصريين حاولوا لمدة قرن انهم يتخلصوا من الهكسوس و كبريائهم و بسبب كرههم الشديد للهكسوس اطلقوا عليهم اسماء كتير بتدل على الكراهية زى ( الطاعون / الوباء ) ، المصريين معجبهمش حال العبودية و الذل اللى عايشين فيه فبدأوا ينظموا صفوفهم و يدفعوا الاذى عنهم ، لحد ما جى البطل ( سقنن رع ) ( الاسرة 17 ) و استعان بأوليائه من بيوت الصعيد ، و مراته الملكة ( اياح حتب ) كانت ديما واقفه جنبه و بتسانده ، اعلن سقنن رع عن حربه ضد الهكسوس و بسرعه قدر يكون جيش من الشباب اللى عايزين يكافحوا من اجل تخليص الوطن من العبودية ، و حصلت معارك بين سقنن رع و الهكسوس و اللى اتقتل فيها سقنن رع ب 3 طعنات فى فكه الايسر ، بعد كدة تولى ( كاموس بن سقنن رع ) لواء الثورة بعد ابيه و وجد ان الهكسوس نفوذهم بتزيد و بيهددوا ملك مصر فى الشمال ، كاموس ابتدا يجمع رجال بلاطه و امراء جنده عشان يتخلص من الهكسوس ، بس كاموس كان مقهور اوى من الهكسوس و قال ( وددت لو اعرف ماذا تجدى شجاعتى و انا ارى عدوى يجلس فى ديارى و يقاسمنى ملكى ) ، لكن المنافقين ردوا على كاموس و قالوله ان الهكسوس مش بيهددوا سلطانه و ان البلاد امنه و مازال الرخاء سائد فى البلاد لان العدو محتل الشمال يعنى بعيد عنه ، كاموس اتضايق جدا بسبب الكلام ده و قال ( سأجعل الناس تقول ها هو كاموس محرر مصر ) و اقسم انه هيخرج ليحارب الهكسوس ،

خرج كاموس و ابتدا يجمع جيشه من ابناء الصعيد و كانت امه الملكة اياح حتب فضلت واقفة جنبه و ساعدته زى ما عملت مع سقنن رع ، كاموس خد جيشه و ابتدا يتحرك لشمال مصر و يخلص المدن من الهكسوس لكن جاله خبر و اضطر يرجع تانى للجنوب و ميكملش مسيرته و حربه طب اى اللى حصل ؟

ج 1 

#نجوى_تيمور_صلاح 

#

هنسافر_بألة_الزمن 

#تاريخ