رمسيس الثاني

 مش هو فرعون موسى 🙆🏻‍♀️

النهاردة #هنسافر_بألة_الزمن ⏳

و نرجع لعصر الرعاااامسة 👀

الاسرة ال 19 😉

و هنتعرف على تاريخ خد نفس كدة و اقرا الاسم معايا 🤌🏻😮 ( اوسر _ ماعت _ رع ستب _ إن _ رع ) قولتلك خد نفسك 🤌🏻🥵

رمسيس التااانى 🤗

بعد الملك ( سيتى الاول ) تولى ( رمسيس التانى ) الحكم 👑

من اشهر ملوك مصر و ده بسبب الاعمال الكتيررررر اللى كان بيعملها 😍

من نشاط داخلى و نشاط خارجى 😗

طب ما تيجى نشوف عمل اى 🫣

اولا كدة فى ناس اسمهم ( الحيثيين ) و دول كان فى بينهم و بين الملك سيتى الاول حرب / معركة و عرفنا احداث المعركة دى من رسائل ( بوغاز كوى ) و من النقوش اللى ع جدران معبد الكرنك 🏛️

المهم ان المعركة انتهت بعقد معاهدة بين مصر و الحيثيين 🫱🏻‍🫲🏻

ف جى الملك رمسيس التانى و فى الفترة الاولى من حكمه ( 1290 ق.م ) و فضلت علاقته بالحيثيين فى سلام لان فى بينهم معاهدة من ايام الملك سيتى الاول🫱🏻‍🫲🏻

بس السلام ده مفضلش مدة طويلة 😞

الحيثيين خلفوا المعاهدة و جهزوا جيش مكون من 20 شعب و على رأسهم الملك القوى ( مواتالى ) و اتخذوا من مدينة ( قادش ) حصنا عشان يحاربوا ( كيميت / مصر ) و عشان يثبتوا قوتهم😩

معركة ( قادش ) ⚔️

جهز رمسيس التانى جيش و استعد لمحاربة الحيثيين و فى السنة الخامسة من حكمه راح عشان يحارب الحيثيين 👊🏻

كون جيش من 20 الف مقاتل و قسمهم لاربع فرق كل فرقة باسم معبود ( امون _ رع _ بتاح _ ست )

لا ده كان ذكى كمان لانه خلى قواد الجيش على السواحل عشان يحموا ضهرهم 🛡️

الملك رمسيس التانى خد فرقة امون و راحوا مدينة ( شاتبونا 👈🏻 ربلة حاليا ) و بعت جواسيس عشان يجيبوله الاخبار 👀

بس فى مشكلة كبيرة اوى😩

ملك الحيثيين كان باعت جاسوس لرمسيس التانى و الجاسوس ده قدر يقنعه ان الحيثيين مشيوا من مدينة قادش و راحوا حلب 😡

جرى رمسيس عشان يلحق الحيثيين و يهزمهم 🏃🏽‍♂️ 

بس عند نهر العاصى قبض رجال رمسيس على جاسوسين و قالولهم ان الحيثيين فى شرق قادش مش حلب 🙆🏻‍♀️

رمسيس حس بالخوف و طلب النجدة من فرقة بتاح اللى خلاهم فى نهاية للمسيرة 

بس للاسف فرقة بتاح موصلتش فى الوقت المناسب 😞

فتقدم فريق امون نحية الشرق عشان رمسيس كان بيظن ان الحيثيين هناك 👮🏻‍♂️

بس الحيثيين كانوا متجهين نحية الجنوب و قدروا انهم يقسموا فرقة رع لقسمين قسم انسحب و القسم التانى كملوا طريقهم و انضموا لفرقة امون 💪🏻

و حصل اضطراب فى فرقة امون و انسحب جزء منه 🥺

رمسيس فضل يدعى معبوده انه ينصره🙏🏻

 و النصوص المصرية القديمه قالت ان رمسيس هجم على صفوف الاعداء لوحده 😳

بس الحمد لله جاتله الفرقة اللى كان سايبها عند الساحل عشان تحمى ظهر الجيش 🛡️

و اشتد و قوى بيهم ف الاعداء خافوا و رموا نفسهم فى النهر و كان منهم امير حلب 🌊

 على حسب الروايات المصرية ان بعدها بيوم جت فرقة بتاح و ست و انضموا لرمسيس و كان النصر حليف رمسيس التانى 💪🏻

و احداث المعركة اتسجلت على جدران معابد ( الكرنك _ الاقصر _ الرامسيوم _ ابيدوس _ ابى سمبل ) 🏛️

بعد معركة قادش قام رمسيس التانى بعدة حملات على سوريا و فلسطين و احتل فيها عسقلان و كانوا 6 حملات و رجع يسيطر على فلسطين و بعض الامارات الامورية و استولى على مدينة تونب و سيطر سيطرة كاملة على الشاطئ الفينيقى 💪🏻

عرف الحيثيين انهم مش قد المصريين فقرروا يعقدوا معاهدة سلام مع المصريين 🫱🏻‍🫲🏻

النصوص المصرية قالت ان الملك ( خاتوسيلى ) هو اللى بدأ بالعرض على رمسيس بمعاهدة سلام و ارسل رسولين ليه و وافق رمسيس على المعاهدة و كان النص مكتوب بالخط المسمارى على لوحة من الفضة 📃

و ترجمتها فى منها نسختين واحدة على جدران معبد الكرنك و التانية على جدران معبد الرامسيوم 🏛️

و نص المعاهدة ان ( خاتوسيلى و رمسيس التانى ) يريدان السلام 🫱🏻‍🫲🏻 و تعهد كل منهم بعدم الاعتداء على ارض الاخر و الدفاع عن الاخر 👊🏻

و وقع على المعاهدة المعبودات المصرية و و معبودات الحيثيين🪶

و اتجوز رمسيس التانى من ابنة الملك خاتوسيلى و النصوص المصرية سمتها ( ما حور - نفرو - رع ) 👰🏻‍♀

و اتجوز رمسيس كتير بس اللى كانت قريبة من قلبه هى الملكة ( نفرتارى ) 😍

و اتجوز من 3 من بناته و كان عنده حوالى 79 ولد 🙃

بس كان اهمهم ابنه الامير ( خع ام واس ) اللى اتنحتت صورته على تمثال رمسيس التانى الضخم اللى موجود فى ( ميت رهينة ) 🤩

نشاطه الداخلى 🫣

كان بيحب يبنى عشان يعرفنا تاريخه زى صالة الاعمدة الامامية اللى فى معبد الاقصر و معبده الجنائزى فى طيبة ( الرامسيوم ) و معبده فى ابيدوس و بهو الاعمدة الشهير بالكرنك و منشأت تانية كتيررر فى اسيوط و الاشمونين و منف و هليوبوليس 🏛️🤩 

و بنى مدينة ( بر _ رعمسيس ) و اللى معناها بيت رمسيس و كانت العاصمة السياسية فى عهده 🎑

لا ده غير انه كان بينسب الاثار القديمة ليه😅

لانه كان بيمسح اسمهم من على المسلات و المنشأت و يكتب اسمه و بكده يبقى اثار كتير مش من حقه اتنسبت ليه😔

مات رمسيس التانى بعد ما حكم 67 سنه 💔 و ادفن فى مقبرة فى وادى الملوك و تولى من بعده ابنه ( مرنبتاح )

#نجوى_تيمور_صلاح 

#هنسافر_بألة_الزمن 

#تاريخ