انشاء الاسكندرية

 بعد ما انتصر على ( دارا ) القائد الفارسى فى موقعة ( ايسوس ) ⚔️ عدا على الاردن عشان يدخل مصر ، و الحاكم الفارسى اللى كان بيحكم مصر مقدرش يواجهه ف سلمه مصر 😰 ، و لقى ترحيب جامد جدا من اهل مصر 🫡 ، لان المصريين اعتبروه اللى هيخلصهم من الحكم الفارسى الجائر ، ها عرفت انا بتكلم عن مين 🤔 ، عن الاسكندر الاكبر 🫣

 

طب يلا بينا نكمل ، 

لما الحاكم الفارسى سلم الاسكندر مصر ، راح الاسكندر ( ممفيس ) و اللى كانت وقتها عاصمة مصر ، راح اتوج ك ملك على مصر و بقى ملك مصر 👑 ، بعدها حب يبنى مدينة ف اتجه للشمال نحية البحر المتوسط عن طريق الفرع الغربى للدلتا و اللى كان اسمه ( كانوبى ) ، بدأ يخطط لانشاء مدينة مصرية جديدة على ساحل البحر المتوسط عشان تكون حلقة وصل بين مصر و اليونان و العالم الأوروبي🌍 ، و ده بعد ما افتكر المكان المميز اللى هومر فى كتاب الاوديسة و هيرودوت قالوا عنه ، و جى على جزيرة ( فاروس ) و قال هيبنى مدينته هنا و اللى اتسمت بأسمه و هى مدينة ( الاسكندريه) ايوة يا عم عروس البحر المتوسط 🧜🏼‍♀️ ، و مش بس كدة لا ده كمان الاسكندر خطط بنفسه نماذج لشوارع المدينة و ميادينها و معابدها لا و كمان وضع نموذج للصرف الصحى فيها ، بس للاسف الاسكندر مقدرش انه يشوف مدينته اللى خطط لبناءها ، و اللى بقت فيما بعد مركز للثقافه و الفنون و العلوم و خصوصا بعد ما انشئت بها  ( مكتبة الاسكندرية ) ، 

و اللى فيها واحدة من عجايب الدنيا السبعه و هى ( منارة الاسكندريه ) ،

 طب ازاى مشفهاش ؟ لانه راح عشان يكمل فتوحاته فى الشرق بس للاسف مرجعش تانى على مصر غير و هو ميت 💔

طيب فى روايات حول موت الاسكندر الاكبر حد يعرف اى هما 🫣

#نجوى_تيمور_صلاح 

#هنسافر_بألة_الزمن