طرد الهكسوس

 كاموس خد جيشه و ابتدا يتحرك لشمال مصر و يخلص المدن من الهكسوس لكن جاله خبر و اضطر يرجع تانى للجنوب و ميكملش مسيرته و حربه طب اى اللى حصل ؟

النوبيين ابتدوا يشكلوا خطر لجنوب مصر و ده اللى خلى كاموس يرجع تانى مهو مش هتبقى خطر من ناحية الشمال و الجنوب ،

وده خلى الهكسوس يرجعوا يستولوا على بعض المدن اللى حررها كاموس من تانى، 

و لما مات كاموس 

مين كمل مسيرته و حرر مصر 🤔 

( وحوى يا وحوى ايااااحاا ) 😂

#هنسافر_بألة_الزمن و نرجع لعصر الهكسوس ⏳

 بعد الملك كاموس تولى اخوه الملك ( احمس الاول ) لواء الحرب ،

و كالعادة وقفت امه جنبه بردو و دعمته ، و فضل احمس يطارد الهكسوس فى الصحراء الشرقيه ، لحد ما تحصنوا جنوب فلسطين فى حصن يسمى ( شاروهين ) ، احمس يسبهم لا ازاى ، حاصرهم احمس لمدة 3 سنين لحد ما اضطروا يسيبوا الحصن ، و بعدها طردهم احمس تماما من كيميت 🇪🇬 ، و بعد ما طردهم رجع تانى لعاصمته و هو منتصر على الهكسوس و ده كان سنة 1580 ق.م ،

الملك احمس جلس على كرسى العرش و هو سنه صغير ، فقامت امه بالوصاية عليه ، و لما تم العشرين من عمره قام بعدة اصلاحات و اللى كانت مصر فى حاجه ليها ، و فتح المناجم و المحاجر تانى فى اسيوط و سيناء ، غير الانشطة المعمارية فى مصر العليا ( جنوب مصر ) و بكدة اسس الملك احمس الاسرة ال 18 ،

المصريين صوروا الهكسوس فى صورة البرابرة القساة الذين لا عقيدة ولا دين لهم ، الذين يحرقون المدن و يهدمون المعابد و يقتلون الابرياء ، و لما المصريين تخلصوا من الهكسوس ، احتفلوا بهذا النصر العظيم ، 

و هتف الجنود المصريين ( واح واح اياحا ) و اللى معناها تعيش الملكة اياحا اللى هى اياح حتب و اللى معنى اسمها ( القمر السعيد ) ، و حاليا احنا بنغنى الاغنيه دى فى رمضان بس حرفناها ( وحوى يا وحوى ايااااحاا ) 😂 ، و بقى الملك احمس بالنسبالهم بطل و مقدس ، و خلدوه فى نصبا تذكاريا فى ديار امون بالكرنك يتمثل فى لوح حجرى يصور ما قام به احمس من اعمال الاصلاح فى هذا الوادى ، و مذكور على اللوح ده دور المعبود امون و ازاى ادى للملك احمس ميراثه و بكده جعله ملك ، ثم تحدث عن امه ( الملكة اياح حتب) و دورها فى حرب الهكسوس و كيف رعته حتى صار شابا قادرا على القتال ، 

احمس كان عنده خطه لتحرير وطنه كيميت من كل شيء يقيد حريتها ، و بعد ما قضى على الهكسوس التفت الى اصلاح البلد و اعلن عن انهاء عصر الاقطاع تماما ، 

و غير كدة استخدم اسرى الحرب فى بناء الوطن و خاصة اعمال الترميم و قطع الصخور من محاجر الوادى و حملها الى اماكن البناء و العمل 

ج1 👇🏻

https://m.facebook.com/story.php?story_fbid=287592220757815&id=100085211166557&mibextid=Nif5oz