اكتشاف مقبرة توت عنخ امون

اعظم الاكتشافات 

 فى سنة 1899 م اكتشف ( هوارد كارتر ) مقبرة الملكة حتشبسوت ، لكن هو الان امام اكتشاف اعظم مقبرة على الاطلاق ،

كارتر كان معجب جدا بالاعمال الفنية الرائعه لمصر القديمه ، و بدأ عالم الاثار ( اللورد كارنارفون ) يشارك ( كارتر ) فى مجال الاهتمام بالاثار المصرية القديمه من سنة 1907 م ،

#هنسافر_بألة_الزمن ليوم 26 نوفمبر 1922 م و اللى فيه تم اكتشاف اعظم مقبرة ، بواسطة ( هوارد كارتر ) بس هنعرف ان المقبرة كانت مكتشفه قبل اليوم ده ب 3 اسابيع ،

لكن

اتأخروا فى دخول المقبرة لحد ما ( لورد كانارفون ) صديق ( هوارد كارتر) وصل من لندن للاقصر ،

لما كارتر وصل لباب المقبرة قال ( هل هذا باب حجرة للمؤن و الذخائر ؟ ) ، بعدها خرم الباب خرم و ولع شمع بس شاف الحجرة معتمه فوسع الخرم و شافوا ( كارتر _ كارنارفون ) مجموعه من المقتنيات النفيسة ،

 و الاتنين عرفوا انهم قدام اكتشاف اعظم مقبرة و هى مقبرة ( توت عنخ امون ) ، و لما دخلوا المقبرة حصل شوية حوادث غريبة و اللى بسببها ظهر موضوع ( لعنة الفراعنة) ، فى نفس اليوم اللى دخلوا فيه المقبرة رجع ( كارتر ) البيت و لقى عصفوره العزيز ميت ، و فى فصل الربيع اللى بعد اكتشاف المقبرة توفى ( كارنارفون) بتسمم الدم ،

 و اللى خلاهم يقولوا لعنة الفراعنة عبارة مكتوبة على مقبرة توت عنخ امون ( الموت سوف يدرك كل من يزعج الفراعنه فى قبورهم ) ، و لحد دلوقتى موضوع لعنة الفراعنه فى اختلاف و جدل بين. علماء الاثار ، بس اغلبهم فسروا الحوادث المرتبطة بدخول المقبرة بأسباب تانية زى ( تلوث هواء المقبرة المغلقة منذ مئات السنين بكم هائل من الجراثيم المعدية ) ، و لحد دلوقتى يعد كشف مقبرة توت عنخ امون و مقتنيات المقبرة اهم الكشوف الاثرية فى تاريخ مصر القديمة و العالم .