حرب 6 اكتوبر

 

🇮🇱 :- الساعه 2 الظهر و الدنيا صيام اكيد المصريين مفرهضين من الحر و العطش دلوقت..

* و مكملوش كلامهم و اذ فجأتا 👀

مصر و سوريا طلعوا متفقين مع بعض و هجموا هجووم مفاجيء على قوات اللى ميتسموش 🇮🇱 فى الاراضى المحتله

_ مصر ضربت فى سيناء المحتله 

_ سوريا ضربت فى هضبة الجولان المحتله

طب تعالى اصلنا #هنسافر_بألة_الزمن و نرجع بالتاريخ لورا شوية اصل اللى ميتسموش 🇮🇱 عملوا فيها ناصحين ، بعد حرب 1967 م بنوا خطوط تحصينية من التراب بارتفاع حوالى 20 او 22 م ( خط بارليف ) بعد ما احتلوا سيناء لمنع مرور القوات المصرية للضفه الغربية لقناة السويس ، 

بس المصريين دماغهم شغالة مبتنامش لان فى 6 اكتوبر 1973 م اقترح اللواء باقى زكى يوسف انهم يستخدموا خرطوم الماية فى هدم الخط التحصينى ، و فعلا قدروا بخرطوم ماية انهم يهدوا خط بارليف و يدخلوا سينا و يرفعوا علم مصر كمان 🇪🇬 ،

استمرت الحرب لمدة 18 يوم و اللى فى اول كام يوم من الحرب قدروا المصريين انهم يدخلوا سينا و السوريين قدروا يسيطروا على جزء من هضبة الجولان ،

اللى ميتسموش مصدقوش نفسهم

🇮🇱:- ازاى احنا اقوى و نتهزم من شوية مصريين و سوريين 

فاقوا كدة لنفسهم و جم فى اخر ايام ال 18 يوم بتوع الحرب و حققوا شوية اهداف زى انهم يفتحوا ثغرة الدفرسوار و يعدوا للضفة الغربية لقناة السويس و يحاصروا الجيش الثالث الميداني ومدينة السويس ، و جم ف الاخر و الاهداف دى متحققش منها حاجة ( فشلوا فى احتلال السويس و الاسماعيليه و تدمير الجيش التالت الميدانى ) ،

و للاسف بردو فشل المصريين انهم يعدوا للضفه الغربية تانى ،

* الحرب بتزيد و الجيش بيموت و محتاجين امدادات ، ف جت الولايات المتحدة و امدت إسرائيل بجسر جوى فيه اطنان المعونات من اسلحه بقى و غيره ، و الاتحاد السوفيتي زود مصر و سوريا بامدادات جوية و اسلحه بحرية ،

الحرب زادت و الناس بتموت 

 * يوم 24 اكتوبر اتفقوا على وقف اطلاق النار ، بس مين المصريين حلفوا انهم يرجعوا سينا تانى و يضموها لارض الوطن 🇪🇬

و فعلا مصر استعادت جزء كبير من سينا يوم 28 اكتوبر ، و بعد كام سنه و فى يوم 26 مارس 1979 م تم التوقيع على معاهدة السلام بين مصر و اللى ميتسموش 🇮🇱 ، و من نصوص المعاهدة انسحاب اللى ميتسموش 🇮🇱 من الاراضى اللى احتلتها فى حرب اكتوبر و مدينة القنيطرة ، استردت مصر سيادتها الكاملة على سينا و السويس ماعدا طابا فى 25 ابريل 1982 م ، و فى يوم 19 مارس 1989 م و عن طريق التحكيم الدولى تم تحرير طابا ، و بكدة سينا رجعت كاملة لينا و مصر اليوم ده كانت فى عيد .

تحيا مصر سالمة مطمئنه حره و ام العالم 🫡🇪🇬

#نجوى_تيمور_صلاح 

#٦اكتوبر