حجر رشيد

 #هنسافر_بألة_الزمن ⏳ و نروح لسنة 196 ق.م عشان نقرا مرسوم ملكى اصدره كاهن كرسالة شكر لبطليموس الخامس📜

خلونا نشوف الموضوع من الاول 👈🏻👉🏻

فى سنة 1799 م ايام الحملة الفرنسية على مصر و فى مدينة رشيد فى جندى اسمه ( بيير فرانسوا )

ده اكتشف حجر مصنوع من الديوريت و مكتوب ب 3 كتابات

الهيروغليفية 👈🏻 الكتابة الدينية المقدسة المتداولة فى المعابد

الديموطيقية 👈🏻 لغة الكتابة الشعبية 

الاغريقية 👈🏻 لغة حكام الاغريق و ترجم للغة اليونانية

طبعا محدش كان فاهم اى ده و اى المكتوب و بيبعبر عن اى 🤔

بس العالم البريطانى ( توماس يانج ) اكتشف ان الكتابة الهيروغليفية لها دلالات صوتية و ان الملوك اسمهم بيتكتب جوا اشكال بيضاوية اسمها خراطيش 🤩

جى واحد اسمه ( شامبليون ) و اعتمد على نظرية توماس و اعتمد ع الكتابة الاغريقية القديمة و قدر انه يفك شفرة حجر رشيد ده 🥳

و بكدة قدر يفك شفرة الهيروغليفية 🥳 سنة 1822 م

و لما فك الشفرة بقت الهيروغليفية بتدرس لكل اللى عايز يدرس علم المصريات 🥰

طيب اى محتوى الحجر🫣

كان تمجيد ل بطليموس الخامس بسبب انجازاته الطيبة تجاه الكهنه و شعب كيميت 👈🏻 مصر و بسبب انه رفع الضرايب عنهم🥰

 و كتبه الكهنه ب ال 3 كتابات دول عشان كل الناس تقراه ( العامة و الخاصة من كبار المصريين و الطبقة الحاكمة )😌

طيب الحجر دلوقتى فين🥲

الاول كان مع الفرنسيين و خدوه البريطانيين و موجود حاليا فى المتحف البريطانى😡

بإذن الله الحجر يرجع تانى هو و باقى اثار مصر🤲🏻