التيجان ف مصر القديمة

- يوليو 31, 2023

كان فى طفل صغير عنده حفلة فى المدرسة و كان لازم يلبس تاج المعبود تحوت راح محل ملابس تنكرية و شاف هناك تيجان كتير جدا تعالوا نشوف عمل ايه 🌝

دخل الطفل ده المحل

الطفل :- السلام عليكم يا عمو عندك تاج المعبود تحوت 🙋

عمو :- عليكم السلام اه عندى التاج

الطفل :- طب عايز التاج ممكن تدهولى💁

عمو :- طيب اى رأيك تطلع انت التاج بنفسك

الطفل :- طيب هحاول 🤷

الولد ده شاف تاج ازرق مزركش بنقط مستديرة لفت انتباهه جرى عليه و خده و سأل عمو اذا كان هو ده تاج تحوت ولا لا فرد عمو عليه و قاله

عمو :- ده تاج اسمه ( خبرش ) 👑💙

الطفل بص تانى شاف تاج فيه قرص الشمس و سأل عمو تانى فرد عمو و قاله

عمو:- ده تاج المعبود رع 👑🌞

شاف الولد تاج فيه قرون البقرة فبص لعمو 👀

عمو :- ده بقى كان بيلبسه المعبودة حتحور و ايزيس👑🐮

و قرون الثور كان بيلبسها المعبود خنوم و امون 🦬

جى بقى الطفل ده عند التاج الابيض و وقف و سأل عمو عن التاج ده

عمو:- ده من اقدم التيجان اللى عرفها المصريون القدماء فى إقليم الجنوب

اتنشأ التاج الابيض فى مدينة ( نخن ) فى الوجه القبلى و اتنقش فى معبد فيلة نقش للمعبودة ( نخبت ) و هى بتوج بيه واحد من الملوك 👑🤍

اتصنع التاج فى الاول من البوص بعد كدة من القماش و الكتان اللى بيرمز للطهارة

لبسته المعبودة ( نخبت) كرمز للعظمة و الالوهية 👑🤍

زهق عمو من الطفل اللى مش عارف اى حاجة عن التيجان فقرر عمو يعرفه على التيجان دى 👑♥️

بص يا بنى ده بقى تاج الشمال الاحمر اتصنع اول مرة من اللباد

كان شكلة فى الاول مدبب من اعلى و ليه انحراف للامام و بقت الهيئة دى نمطية و الجزء المدبب بقى اطول و ممتد للاعلى

بيتكون من مجموعة من الخطوط المتقابلة بحيث يظهر الخطوط الامامية و الخلفية مستقيمين فى وضع مائل و بتظهر المقابلة فى الخطين القوسين خط بيمثل ضلع من اضلاع التاج و التانى حلزونى و التموج بيمثل الكوبرا و اللى بترمز لمصر السفلى 🐍👑♥️

انما ده بقى التاااااج المزدوج رمز توحيد البلاد♥️👑🤍

بيتميز بأنه بيجمع بين تاج مصر العليا و السفلى و ده بيدخل من ضمن التيجان المركبة اللى بيتكون الواحد منها من اجزاء كتير و متعددة متاخدة من تيجان تانية

فى نقوش للتاج فى معبد فيلة اتنقش جمبه كلمات كتير بالهيروغليفية و تقريبا النقوش دى بتدل على اسم التاج♥️👑🤍

بيتكون التاج من جزئين الجزء الاول و هو التاج الابيض و الجزء التانى التاج الاحمر

و لبسه الملك نعرمر لما وحد البلاد ♥️👑🤍

عمو :- اكيد عارف مين نعرمر ده يا حبيبى صح 👀

الطفل :- اه يا عمو عارف ده اللى وحد البلاد🤗

عمو:- اخيرا لقيتك عارف حاجة 😏

انما يابنى ده بقى التاج الازرق 👑💙

التاج ده بقى ظهر فى الاسرة ال 18

ده بقى شكله ايه🤔

ده عبارة عن قلنسوة مصنوعة من الجلد و تعلو باستدارة خفيفة و كانت القلنسوة دى مليانه بدوائر صغيرة من الدهب

و التاج من ورا كان متدلى منه شرايط كتير كل شريط لون واحد ( ابيض _ احمر _ ازرق) و الشرايط دى كانت بتتحط على كل التيجان منذ الدولة الحديثة 👑💙

نيجى بقى للتاج الجميل ده اللى عمك اوزير كان بيلبسه 🪶🐏

تاج اتف كان بيتكون من قرنين كبش 🐏 و بيعلوا القرنين دول ريشتان من اجنحة النعام 🪶🪶

و كان بيلبس التاج ده معبود اسمه ( عنجى ) كان المعبود ده مشهور فى شرق الدلتا و بالتالى اتاخد التاج ده كرمز من رموز الدلتا و كان تاج للمعبود اوزير زى ما قولتلك

جى بقى الملك و ضاف عليه التاج الابيض و كان بيعتبر انه رمز للتوحيد بين الشمال و الجنوب 👑🪶🪶🐏

شايف بقى التاج اللى فيه ريشتين ده اسمه تاج الريشتين سبحان الله 👑🪶🪶

كان عبارة عن ريشتين مزدوجتين و متلاصقتين و التبسيط ده ادى للتركيز على المعبود الاكبر امون رع

الصقر الحامى لمنطقة طيبة و حامى عدد كبير من ملوك الاسرة 11 و اللى كان معبود محارب و ديما بيلبس تاج الريشتين و يتوسطه قرص الشمس 👑🪶🌞🪶

نيجى بقى عند قرون البقرة ده اول ما تشوف قرون بقرة اعرف ان ده تاج حتحور 🐮

شكله دائرى و بيحيطها من كل جانب خطين متموجين متمثلين لقرون البقرة 🐮

نيجى بقى لتاج ايزيس 👑

شكله هندسى على هيئة زاوية قائمة و خطوطه مستقيمة عمودية و يعتبر فريدا فى شكله و مش متاخد من تيجان تانية

و التاج ده بيرمز لاسطورة ايزيس و حورس و الصراع على العرش مع المعبود ست 👑🛋️

نيجى بقى لتاج نفتيس 👑

ده عبارة عن نص دائرة فوق مستطيل و بسبب التنسيق بين نص الدائرة و المستطيل خلى التاج شكله حلو اوى 😍

عمو :- نيجى بقى للتاج اللى انت عايزه و هو تاج