محكمة العالم السفلى
لو مات شخص مش بيموت 😳
اومال ايه اللى بيحصل 🤔 تعالوا نعرف مع بعض 🤗
فكرة البعث و الخلود و الجنه و الجحيم 😥
#محكمة_العالم_السفلى💀
طبعا فى اعتقاد المصرى القديم ان الانسان هيبعث و يخلد بس فى العالم الاخر بمعنى انه لما يموت هيقوم تانى و يعيش فى الحياة الابدية اللى هى الحياة بعد الممات 🧟♂️ و ان المعبود ( اوزير ) هو معبود العالم السفلى و معبود مملكة الموتى 👑⚰️
و هو اللى بيحاسب الموتى على افعالهم فى الدنيا🤌🏻
المحكمة دى بقى فيها ايه
المعبود اوزير قاعد ملك على العرش بتاعه 👑 و ورا اوزير كان واقف اخواته ايزيس و نفتيس 👩🏻🤝👩🏻 و قدامه ولاد حورس الاربعة ( امستى _ دواموت اف _ قبح سنوف _ حابى ) 𓂀
و 42 قاضى👨🏻⚖️ و المعبود تحوت🦤 و انوبيس 🐶و حورس 🦅
لما المصرى القديم يموت كان لازم يمشى فى متاهة و يدخل من ابواب و بيجاوب على الاسئلة اللى بتتسأله صح ✅ و بعد كدة بيسمحله المعبود ( اكر )🦁 انه يعدى من البوابة الأخيرة عشان يقابل ال 42 قاضى فى محكمة اوزير 👨🏻⚖️ كان الميت بيدخل منحنى الظهر كأحترام للمعبود اوزير 🛐
طيب فى حاجة اسمها 👇🏻
#كتاب_الموتى 📜
اى هو الكتاب ده🤔 ده كتاب كتبه الكهنة عشان تساعد الميت فى انه ينجح فى اختبار و اجتياز العالم السفلى و بيبقى فيه نصوص التبرئة اللى بيدافع بيها الميت عن نفسه 📜
و بعد كدة بيبدأ بالدفاع عن نفسه باستخدام كتاب الموتى اللى فيه نصوص التبرئه و بيبدأ كلامه بتحية اوزير🫡 و بعدها بيقول
الميت :- لقد اتيت اليك يا الهى متحليا بالحق متخليا عن كل خطيئة فإنى لم اظلم احد و لم اسلك طريق الشر و لا اشتهى مال غيرى و لم اكذب و لم أخالف الاوامر الالهية🥺
بعد كدة بيجى دور المعبود انوبيس اللى بياخد الميت لقاعة المحكمة و بيجيبه عند الميزان⚖️ عشان يوزن قلبه 🫀 قدام ريشة ماعت🪶 و بعدها بيتحط قلبه على الميزان فى الكفة الشمال قدام ريشة المعبودة ماعت ربة العدل و الحق فى الكفة اليمين⚖️
لو كان الميت اتكلم بصراحة و دافع عن نفسه من غير كدب ف كدة ريشة ماعت هى اللى هتبقى اتقل🪶 و بكدة الميت دخل الجنه🎋
بس لو كدب كدة قلبه هيبقى اتقل و بكدة دخل النار 🔥 تلك الحفرة اللى عرف المصريون انها موجودة تحت الارض رغم عدم وجود البراكين فى مصر 🔥
بيجى دور المعبود تحوت🦤 و اللى عليه انه يسجل نتيجة الميزان و اذا كان القلب اتقل ولا الريشة اتقل و بيقدم النتيجة ل اوزير 👑
لو الميت نجح فى الاختبار و كانت الريشة اتقل
اوزير :- فليخرج الميت فائزا من محكمة العالم السفلى قاعة العدل و ليذهب حيثما يشاء لتفتح له ابواب الجنه ( حقول القصب ) 🎋
بس لو كان قلبه اتقل
اوزير :- ابعد عن وشى يا شرير يا وحش روح للجحيم عشان تتعاقب اشد العقاب 😡🔥
و بيلتهم قلبه المعبود ( عمت )🐊 و بكدة هو اتحرم من البعث و الخلود
نبذة بسيطة عن محكمة العالم السفلى 🧟♂️⚖️
#مملكة_التاريخ👑📖📜
.jpeg)
تعليقات
إرسال تعليق