السياحه العلاجية واحة سيوة

 #السياحه_العلاجيه 😷

لو تعبان او عندك روماتويد او روماتزم او خشونه او الام فى المفاصل او سموم او غضروف او عضمك بيوجعك و مش بتحب تروح لدكاترة او تاخد ادوية 🤒

متقلقش روح اتدفن شوية فى رملة مصر و انت هتتحسن و تحس براحة البال كمان 😉

ادفن فى التراب 😡

استنا بس هقولك 🤌🏻

اصل رملة واحة سيوة احسن من 100 دكتور كمان 

تعالى احكيلك عنها 🤌🏻🌝

واحة سيوة شمسها دفيئه و رملها لونه دهبى ده غير الهوا النقى هناك 😌 

غير بقى العيون الكبريتية و البحيرات المالحه و غير الملح و الرمل اللى الانسان بيتدفن فيها عشان يتعالج🤒

طيب بيدفنوا الناس ازاى ؟

بيجوا على الساعه 6 الصبح و بيحفروا فى الرملة حفرة كبيرة زى حجم الانسان و لما الساعه بتيجى 1 بيبتدوا ينزلوا الناس الحفرة دى بس من غير هدوم و يردموا جسمهم بالرمل ماعدا راسهم و بيجيبوا شمسية صغيرة بيحطوها على راس الناس عشان ميجيلهمش ضربة شمس 🤯

بيفضلوا فى الرملة من 15 ل 20 دقيقة بعد كدة بيدخل خيمة درجة حرارتها نفس درجة حرارة الرملة 🥵

و بيلبس هدومه و فوقيها بالطو تقيل 🧥

بس و هو جوا الخيمة بيشرب مشروبين 

1️⃣حلبة 

2️⃣ ينسون

 و قبل ما يروح الفندق اللى قاعد فيه بيشرب عصير لمون 🥤 عشان ميصدعش و عشان درجة حرارة جسمه مترتفعش 😌

و لما بيروح الفندق بينام ساعه او ساعه و نص و هو لابس البالطو عشان يعرق و السموم اللى فى جسمه تخرج مع العرق 🥱

بعد كدة بيتعمل مساچ بزيت الزيتون و الخل عشان يقفلوا مسام الجسم💆

طيب اى هى فايدة الدفن فى رمال واحة سيوة 🤔

علاج ( الروماتزم _ الروماتويد _ الخشونه _ الام المفاصل _ الغضروف _ السموم اللى ف الجسم )

كبير صغير راجل او ست مسموحلهم بالسياحه العلاجيه و الدفن فى رملة سيوة طب مين الممنوع منها 👇🏻

( اللى عنده ضعف فى عضلة القلب _ اللى بيعانى من ارتفاع درجة الحرارة بشكل مستمر _ اللى عندهم مرض السرطان _ او اللى عنده كسر حديث فى جسمه )

و دى كانت السياحه العلاجيه فى رمال واحة سيوة ☺️

و متنساش تدعى ان ربنا يشفى مرضانا 🤲

#نجوى_تيمور_صلاح