منتوحتب التانى

 #هنسافر_بألة_الزمن  ⏳

و نرجع لسنة 2061 ق.م 

يعنى للاسرة ال 11 🫣

هيبقى فى كام سؤال فى المقالة 👈🏻👉🏻🌝

 هنتكلم عن اهم شخصية  فى الاسرة دى ( منتوحتب الثانى ) 🤩

فى البداية كان اسمه الحورى ( حور سعنخ ايب تاوى ) و اللى معناه 👈🏻 ( معطى الحياة لقلب الارضين )🩵

س 1 👇🏻

تفتكر اى معنى لقبه معطى الحياة لقلب الارضين ؟ 

فضل يحكم بالاسم الحورى ده لحد السنه ال 14 من حكمه بعد كدا خد لقب تانى و هو ( نب حبت رع ) اللى معناه 👈🏻 ( رع هو سيد الدفه ) 

س 2 👇🏻

تفتكر اى معنى لقبه رع هو سيد الدفه ؟

قبل السنه 39 من حكمه خد لقب ( سما تاوى ) و اللى معناه 👈🏻 ( موحد الارضين ) 

س 3 👇🏻

تعرف مين هما الملوك اللى وحدوا مصر العليا و مصر السفلى فى مصر القديمة ؟

تعالوا بقى نشوف اعمال منتوحتب التانى🫣

بعد ما منتوحتب وحد البلاد أمن حدودها 👈🏻👉🏻

و أمن الطرق اللى بتوصل للمحاجر و المناجم 💎

النشاط الداخلى للملك بدأ فى اعادة استخراج الاحجار من البلاد المختلفة🌍

طب عرفنا ازاى 🤔

هقولك ان فى نقوش هى اللى عرفتنا 🤷🏻‍♀️

طب عد معايا🤌🏻

1️⃣ النقوش القريبة من محاجر الجرانيت فى الشلال الاول 👈🏻👉🏻

2️⃣ النقوش اللى فى محاجر الديوريت فى واد الحمامات 👈🏻👉🏻

3️⃣ محاجر الالبستر فى حتنوب 👈🏻👉🏻

ده غير انه استورد من النوبة ( خشب الارز ) و استورد من لبنان ( السنوبر ) 🤩

الملك اهتم بردو بجنوب البلاد ف بنى على جزيرة الفنتين ( معبد للمعبودة " ستات ") و دى من معبودات اسوان و زوجة المعبود ( خنوم ) اللى هو بردو معبود اسوان😍

هنيجى بقى لاهم اثار الملك👇🏻

معبده الجنائزى 🤩 اللى بيضم مقبرتين 

1️⃣ المقبرة العلوية 👈🏻 يحتمل ان الملك اتدفن فيها 🤷🏻‍♀️

2️⃣ المقبرة التانية و اللى معروفة ب 👈🏻 ( مقبرة باب الحصان ) و دى مقبرة رمزية و لقينا فيها تمثال الملك اللى موجود حاليا فى المتحف المصرى 🤩

طيب تعالوا نشوف الملك وحد البلاد ازاى 🫣

و من هنا هنستعين ببعض الاثار 👈🏻👉🏻

1️⃣ نقوش و كتابات فى مقصورة الملك فى منطقة الجبلين فى جنوب الاقصر 👇🏻

 النقش ده مصور الملك و هو بيضرب عدو 👊🏻 و تقريبا كدة العدو ده مصرى و ذو شأن 🤵🏻‍♂

و كان متصور معاه فى النقش ده شخص ( نوبى_اسيوى_ليبى ) بيضربهم بردو 👊

و الكتابات المصاحبة للنقش ده بتشير ان الملك بيعيد النظام للارضين💪🏻

2️⃣ نقش فى الدير البحرى بيمثل حاكمين من اهل الدلتا و اللى بيطلق عليهم اسم ( حكام الارض الشمالية ) 🗣️ و كانوا متصورين و هما بيحنوا راسهم للملك و بيبينوا ولائهم و خضوعهم للملك🧎🧎‍♂️

3️⃣ اخبار احد الجنود النوبيين اللى كان بيخدم منتوحتب التانى 👇🏻

كان بيصف فيها حملة قام بها الملك ضد كل المقاطعات الشمالية و ده تقريبا بيشير لعملية التطهير اللى عملها الملك عشان يقضى على بقايا اعوان البيت الاهانسى 👊🏻

فى عهد الملك منتوحتب التانى ظهر لقب جديد و هو ( المشرف على مقاطعات مصر السفلى ) و اللى اشتغل فى الوظيفة دى احد افراد البيت الطيبى زى 👇

 ( مرى_تتى ) و لقينا نقش ليه فى اسوان و بيؤرخ بالسنه ال 41 من حكم منتوحتب التانى و ذكر فى النقش انه حكم فى اقصى البلاد 🫣

و مستشار ( مرو ) اللى كان بيشرف على الصحراء الشرقيه🏜️

( اختوى ) 👈🏻 كان مشرف على النوبة السفلى و الجنوب 🧐

و اغلبهم بنوا مقابرهم قريب من مقبرة الملك بالدير البحرى⚰️

و بالسياسة دى نجح الملك فى انه يوحد البلاد و اعادة الاستقرار 🥳

س 1 👇🏻

تفتكر اى معنى لقبه معطى الحياة لقلب الارضين ؟ 

س 2 👇🏻

تفتكر اى معنى لقبه رع هو سيد الدفه ؟

س 3 👇🏻

تعرف مين هما الملوك اللى وحدوا مصر العليا و مصر السفلى فى مصر القديمة ؟

#نجوى_تيمور_صلاح 

#تاريخ