الدولة العباسية

 يعنى مطالبوش بالخلافة و فى الاخر عملوا دولة من اهم دول التاريخ الاسلامى 😲

_ هما مين دول ؟ 

: العباسيين 😰

طب ما تيجى نشوف الكلام على اى 🫣

: اولا كدة اسمهم عباسيين نسبة لل ( عباس بن عبد المطلب ) عم الرسول و اللى اتأخر اسلامه لحد ما الرسول دخل مكة 8ه‍ 🕋

و لما الرسول مات كان لازم يبقى فى خليفة للمسلمين فجى العباس و تنازل عن حقه بالخلافة و شاف ان ( على بن ابى طالب) هو احق بيها

بس جى ابو بكر و بقى هو الخليفة و طبعا العباس مبايعش ابو بكر غير لما ( على ) بايعه لحد ما جى الدور على ( علي بن ابى طالب ) انه يكون الخليفة

و فضل العباس و ابنائه بيأيدوا على بن ابى طالب و وقفوا جنبه ضد اطماع معاوية بن ابى سفيان 😡

_ طيب كلام جميل كدة معناه ان على بن ابى طالب و ابنائه هما اللى تولوا الخلافة و اسمهم العلويين فين بقى العباسيين فى الموضوع 😑

: مهو ابناء ( عبدالله بن العباس ) هما اللى طلبوا بحقهم فى الخلافة 

تعالى هقولك ازاى🫣

عبدالله بن العباس كان عنده 5 اولاد و كان ابنه الصغير ( على بن عبدالله بن العباس ) هو اللى تولى امر الدعوة لبنى العباس و قيام الدولة العباسية

_ طيب بردو تولوا الخلافة ازاى 🤌

: فى واحد اسمه ( ابا هاشم عبدالله بن محمد بن الحنفية ) و ده اتنازل عن الامامة لابن عمه ( محمد بن على بن عبدالله )

هنسافر بألة الزمن و نرجع بالتاريخ لسنه 96 ه‍  ⏳

- راح ابا هاشم لدمشق لمقابلة الخليفه ( سليمان بن عبد الملك ) 

* الاسماء كتير بس فوق كدة و ركز معايا 👈🏻👉🏻

المهم ان الخليفة الاموى ( سليمان بن عبد الملك) امر رجاله انهم يقتلوا ابا هاشم و سمموه راح ابو هاشم جرى على منطقة ( الحميمه ) اللى كان عايش فيها ( محمد بن على بن عبد الله ) و اتنازله عن الدعوة لان والده وصاه بكده

و اداله كتاب مكتوب فيه ان الخلافة من حق ( محمد بن على بن عبدالله بن العباس )

و ده كان سنة 97 ه‍

طبعا العباسيين لما صدقوا فبسرعه بعتوا دعوات سرية لمناطق كتير عشان يأيدوا الدولة العباسية بس بذكاء 😎

استخدموا رمز او شعار ليهم بأسم ( الرضا من آل البيت / آل البيت ) و طبعا الشعار ده بيشمل ( العلويين و العباسيين ) لان الاتنين من آل بيت رسول الله ( آل 👈🏻 اهل )

و الناس كانت فاكرة انهم كدة بيأيدوا العلويين لأن هما الخلفاء 🤡

فضلوا يدعوا بالسر و كانوا بيتنكروا على هيئة تجار

و جى واحد اسمه ( بكير بن ماهان ) و انضم للدعوة سنة 105 ه‍ و دفع فلوس كتيرررررر عشان الدعوة و بكدة يبقى حصل تطور و نشاط كبير فى الدعوة العباسية

_ فى سنه 107 ه‍ ارسل ( بكير بن مهان ) وفدا كبيرا إلى خرسان لنشر الدعوه هناك بس هيكتشف أمرهم وهيقبض عليهم أمير خرسان اللى اسمه ( اسد بن عبدلله ) 😈

تعبوا من الدعوة السرية و قالوا خلاص نجهر بالدعوة بقى

و مرحلة الجهر بالدعوة خدت حوالى 8 سنين ( 124 👈🏻 132 ه‍ )

و المرحلة دى هى اللى ادت لقيام الدولة العباسية و كان هدف العباسيين القضاء على ( الدولة الاموية و اقامة دولتهم )

و جى بقى بطل اسمه ( ابى مسلم الخرسانى )

اللى الدعوة نشطت جامد على ايديه و غير كدة انتشرت على نطااااق واسع كمان و قدر انه يسقط الخلافة الاموية 132 ه‍

و بعد حوارات و حروب قدروا اخيرا انهم يقيموا دولتهم و هى 

الدولة العباسية 🫣

#نجوى_تيمور_صلاح