زيوس

 ملك الالهة اللى بيتحكم بالمناخ و اقوى سلاح ليه صعقة البرق و الرعد 🌩️

هنتكلم النهاردة عن جامع السحب و صانع الرعد ⛈️

المعبود زيوس 🤗

ابن المعبود كرونوس و المعبودة ريا 👨‍👩‍👦👑

هنتكلم الاول عن كرونوس ده كان معبود انانى قتل ابوه ( اورونوس ) عشان يستلم العرش ف كان كل ما بيخلف بياكل عياله عشان خايف ان حد من عيال يقتله زى ما قتل ابوه 😏

فلما المعبودة ريا خلفت زيوس خافت عليه من كرونوس فخبته فى كهف🌄 و ادت لكرونوس حجر ملفوف بقماش راح كرونوس بلع الحجر ده على اساس انه بلع ابنه 🫄🏻

هنرجع بقى لزيوس

لما ريا سابت زيوس فى الكهف طبعا كان لوحده و كان طفل و كان عايز حد يرعاه 🥰

شوف بقى اللى حصل🤌😂

فى معزة اسمها ( اماليتا )🐑 المعزة دى رضعته و راعته و ساعدها حوريتين ( اديا _ ادراسيتا ) 🧜🏻‍♀️🧜🏽‍♀️

لما كبر زيوس و بقى فى سن الشباب كان قوى جدا 💪🏻 و قرر انه يواجه ابوه الانانى ( كرونوس ) تخيل ليه 🤌😂

هقولك ليه👇🏻

عشان زيوس كان شهم و كان عايز يخرج اخواته من بطن كرونوس عشان كرونوس بلعهم و هما صغيرين 😃

طيب مين اخواته دول ( بوزيدون _ هيديس _ هيرا_ ديميتر _ هيستيا )

فعلا حارب زيوس كرونوس بمساعدة ناس اسمهم ( السايكلوبيون ) و ادو لزويوس الصواعق و استخدمها فى الحرب و من ساعتها و الصواعق هى سلاح زيوس ⚡

استمرت الحرب بين زيوس و كرونوس لمدة 10 سنين و بعد كدة زيوس شق بطن كرونوس و خرج اخواته من بطنه 🤨

و بعد ما الحرب انتهت استلم زيوس العرش بس مكنش انانى حكم هو السماء و الهواء💨☄️ بس و خلى كل واحد من اخواته يحكم حاجة 🤗

زيوس كان متجوز حوالى 120 واحدة و خلف حوالى 150 طفل 🙂

#نجوى_تيمور_صلاح🌹