دير سمعان الخراز

 هنتكلم النهاردة عن المعجزة اللى ذكرت فى المصادر القبطية و المصادر المسيحية فقط 🌝

فى الاول كدة احنا عارفين ان اليهود✡️ مش بيؤمنوا ان المسيح عيسى عليه السلام اتولد ف مش بيؤمنوا بالمسيحية ✝️و لا الاسلامية ☪️

فحب اليهود انهم يعملوا خلاف بين المسلمين و المسيحيين 🙆🏻‍♀️

تعالوا نعرف الحكاية مع بعض🌝

#معجزة_نقل_الجبل⛰️

حصلت المعجزة فى عهد الخليفة المعز لدين الله الفاطمى

كان الخليفة فى مجلسه و كان معاه وزيره اليهودى يعقوب بن كلس و صاحبه اليهودى ✡️

و جنبهم الانبا ابرام السريانى بطريرك الاقباط

اليهوديان :- كنا عايزينك يا خليفة فى موضوع مهم كدة 

الخليفة :- قولوا فى اى 

اليهوديان :- احنا عرفنا ان فى ٱيه فى الانجيل بتقول (

لَوْ كَانَ لَكُمْ إِيمَانٌ مِثْلُ حَبَّةِ خَرْدَل لَكُنْتُمْ تَقُولُونَ لِهذَا الْجَبَلِ: انْتَقِلْ مِنْ هُنَا إِلَى هُنَاكَ فَيَنْتَقِلُ، وَلاَ يَكُونُ شَيْءٌ غَيْرَ مُمْكِنٍ لَدَيْكُمْ ) (مت 17: 20).

و بما انك الخليفة عايزينك تخلى الاقباط يثبتوا صحة الاية دى او يكون دينهم دين كذب و يجب ابداتهم و عدم نشر الدين المسيحى ✋🏻

الخليفة فكر كدة شوية مع نفسه 🤔 بعد كدة نده للبطريرك

الخليفة :- انا بطلب منك انك تثبتلى صحة الٱية دى 

البطريرك :- موافق بس ادينى 3 ايام بس 

الخليفة :- طيب ماشى معاك 3 ايام

راح الانبا ابرام الكنيسة و طلب من الناس و شعب الكنيسة انهم يصلوا و يصوموا عشان يتنقل الجبل و يثبتوا صحة الاية 

الجبل متنقلش🙆🏻‍♀️ و جى فجر اليوم الثالث الانبا ابرام نام ف جاتله فى الحلم السيدة مريم العذراء عليها السلام ♥️

السيدة مريم :- عشان تعرف تنقل الجبل لازم تروح الشارع و هتلاقى راجل بعين واحدة و فى ايده جرة ماء الراجل ده هو اللى هتحصل على ايده معجزة نقل الجبل و اسمه ( سمعان الخراز )

صحى الانبا من النوم و راح جاب سمعان الخراز و خد الخليفه و الاقباط و معاهم صلبان و شموع و فضلوا يصلوا و طلب سمعان من الاقباط انهم يرددوا كلمة قبطية ( كيريالسيون ) و معناها يا رب ارحم 🙏🏻

فضلوا يرددوا كلمة كيريالسيون 400 مرة يعنى كل جهة من الجهات الاصلية قالوا عليها يا رب ارحم 100 مرة و بعدها سجد الانبا و الاقباط 3 مرات فى كل سجدة كان الجبل بيتحرك و بكدة اتحققت معجزة نقل الجبل و اتثبت صحة الاية 

و بيقولوا بسبب حركة الجبل كل الستات اللى كانت حامل فى مصر اجهضت بسبب قوة الحركة للجبل و بعد ما الجبل اتنقل اختفى سمعان الخراز و اتنحتت كنيسة فى الجبل و اتسمت دير سمعان الخراز ✝️🫶🏻

و بكدة اليهود معرفوش يوقعوا بين المسيحيين و المسلمين ✝️🫱🏻‍🫲🏻☪️

#نجوى_تيمور_صلاح🌹