امنمحات الاول ( وحم_نسوت )

 ما تيجوا نرجع بالزمن للاسرة ال 12 🫣

هنتكلم النهاردة عن الملك اللى بدأ حكمه بأسمه الحورى ( وحم نسوت ) اللى معناه ( مكرر الولادات ) و يقصد هنا انه بدأ فترة جديدة فى تاريخ البلاد و هى بداية الاسرة ال 12🤩

الملك ( امنمحات الاول ) 🫣

اول ملوك الاسرة ال 12 و اللى بتعتبر من الاسر القوية اللى حكمت البلاد اكتر من 200 عام 😯

امنمحات الاول اظهر حكمته لما نقل العاصمة من طيبة لمكان جديد فى وسط البلد و سمى المكان ده ( إثت تاوى ) و معناه ( القابضة على الارضين )

و تقريبا كدة مكانها قريب من اللشت ( مصر الوسطى ) 

جى بقى ( امنمحات الاول _ سنوسرت الاول ) و بنوا اهرامهم فى اللشت و بنوا معابد جنائزية شبه المعابد المعروفة فى الاسرة السادسة 🏛️

علشان يظهروا انهم بيتبعوا العادات الملكية القديمة 😍

جى بقى المعبود امون و ابتدت قوته تزداد فى الاسرة دى بعد كدة اندمج المعبود امون مع المعبود رع و بقى اسمه ( امون-رع ) ( Imn Rc ) 🫡 ملك الالهة

و طبعا احنا عارفين ان سلطة حكام الاقاليم زادت فكان اهم الاهدف لملوك الدولة الوسطى هى الحد من سلطة حكام الاقاليم بس حكام الاقاليم كانوا بيحاولوا يحتفظوا بالمكاسب اللى اتوصلولها فى الفترة اللى فاتت و ثانكس جاد ان غرض الملوك هيتحقق شوية بس فى اخر الاسرة ال 12 😮‍💨

و فى اخر سنوات حكم امنمحات الاول خلى ابنه معاه شريك فى الحكم و دى عادة اتبعها ملوك الاسرة ال 12 و دى كانت عادة كويسة 🫶

لان العادة دى ساعدت على استقرار البيت المالك😌

#سياسة_الملك_الخارجيه

*علاقته ببلاد الشام 

اهتم امنمحات بالحدود الشرقية عشان يوقف قوة بدو الصحرا 🛖و بنى حيطة اتسمت باسم ( حائط الامير ) و ده كان حيطة حراسة و مش مجرد حيطة ممتده على كل الحدود 🌉

*علاقته بالنوبة 

تقريبا من نهاية الدولة القديمة خلال عصر الانتقال الاول فى قبائل جديدة ابتدت تظهر

و القبائل دى اثرت على سكان النوبة لدرجة انهم استقلوا عن مصر فى عصر الانتقال الاول 🙆🏻‍♀️

بس مفيش اى اثر ذكر ان ملوك الاسرة ال 11 استولوا على النوبة بس رجعوا يتوصلوا مع النوبة تانى 😮‍💨

و استوردوا منها موارد طبيعية عشان كدة كان صعب ان النوبة ترجع تحت الحكم المصرى تانى فى عصر الاسرة ال 12

موت الملك💔

امنمحات الاول اتقتل 😱

و عندنا مصدرين بيقولوا كدة

خلونا نشوف 👀

1️⃣ ( تعاليم الملك امنمحات الاول لابنه ) و تقريبا كدة اتكتبت فى عصر سنوسرت الاول 🫡

و تقريبا كدة كانت دعاية سياسية و بقت قطع ادبيه محببه فى عصر الدولة الحديثة 🥰

و التعاليم دى كان بيحذر امنمحات الاول ابنه من الوثوق فى اى تابع ليه بعد كدة حكاله حدث حصله شخصيا 🫣

بيقول ايه بقى 

امنمحات : انه بعد العشاء عندما حل الظلام و عندما طلب الملك لنفسه ساعه من الراحة لانه كان تعبان🤕 هوووب سمع صوت اسلحة و حد بيقول اسمه 😨

الحرس الخاص _امنمحاااااااااااات 😡

امنمحات : اى ده حرسى الخاص 😳

بعدها قال : ( بقيت فى مكانى كحية الصحراء و لم استطع ان احارب ولانى كنت بمفردى و لانه هجوم من حرسى الخاص و لو انى اسرعت و سلاحى فى يدى لقضيت على الجبناء و لكنه ليس هناك قوى فى الليل )

2️⃣ دى بقى قصة ( سنوهى ) لا مش سنوحى الكرتون ركز معايا الله يباركلك 🤌🏻😂 

بدأت القصة دى بتقول ان الملك امنمحات مات فى السنه ال 30 من حكمه و كان ابنه و شريكه فى الحكم ( سنوسرت الاول ) راجع مع الجيش من ليبيا و هووووب حصل هجوم على الملك🙆🏻‍♂️

فبعتوا من القصر رسول ل ابنه سنوسرت الاول عشان يقوله على الهجوم ده و لما سنوسرت سمع الاخبار رجع العاصمة بسرعة اوى و عبر عن سرعته المصرى القديم لما قال ( و طار الصقر )🦅 رجع سنوسرت مع اتباعه من غير ما يقول للجيش ايه اللى حصل🤫

بس فى شب من شباب القصر اللى بيشتغلوا فيه و هو ( سنوهى ) و لما سمع الخبر جاتله حالة ذعر و هرب بسرعه لفلسطين بس هو مقالش ايه هو سبب هروبه ولا قال مين اللى هجم على الملك 😏

و ممكن يكون اللى هجموا على الملك فرد من البيت المالك القديم او ابن واحدة من سيدات القصر

بس مؤامرة الهجوم على الملك منجحتش عشان سنوسرت الاول رجع بسرعه للقصر و رجع الامور زى ما كانت

 #نجوى_تيمور_صلاح🌹♥️