الهيروغليفية

 طيب هنتكلم النهاردة عن الهيروغليفية 🤗

بدأت الكتابة الهيروغليفية زماااااااااااااااااان من حوالى سنه 3400 ق.م 🥵

اسطورة نشأة الهيروغليفية 🫣

المعبود اتون خلق العالم و خلق ريشة عشان يكتب اقدار الخلق بيها 🪶

ف هوب جى حد سرق الريشة دى 🙆🏻‍♀️  

جى بقى البطل بتاعنا المعبود ( چحوتى ) 🦤 اعتبروا الطائر ده ابو منجل👉🏻😂

جى بقى چحوتى و فضل يدور على الريشة دى لمدة 1000 سنه 🥵

لحد ما نزل للعالم السفلى و لقاها هناك فخدها و رجعها للمعبود اتون تانى ف طبعا اتون فرح بيه 🕺🏻 و حب يكافئه

ف انعم عليه انه يبقى اله الكتابة و انه يكتب اقدار الخلق و خلاه اله الحكمة و كاتم اسرار المعبودات و غير كدة خلاه برأس ابو منجل و جسم انسان قوى 🧍🏻‍♂️🦤

#هيروغليفى 

هنقسمها نصين 

 Hiero 👉🏻 مقدس 

Glypho 👉🏻 نقش / كتابة 

 Hieroglyphic👉🏻 الكتابة المقدسة 

طب ليه اسمها الكتابة المقدسة لان زى ما قولنا ان فى اعتقاد المصرى القديم ان الكتابة دى نزلت من السما و ان المعبود چحوتى هو اللى كتبها 🪶🦤

تعالوا بقى نعرف شوية حاجات عن الهيروغليفية و نشأتها بعيد عن الاسطورة🤗

طبعا احنا كلنا عارفين ان المصرى القديم كان متنقل و غير مستقل يعنى كان من مكان ل مكان كل شوية ( انا رايح فين انا راجع تانى 🕺🏻 )

لحد ما لقى قصاده نهر النيل اوباااااااا اى المكان الجامد جمودة ده 😳 انا هستقر هنا بقى عشان فى هنا ماية نشرب و فى اكل كمان يبقى خلاص هنعيش هنا 🧎🏻‍♂️🧎🏻‍♀️

و فى ظل الاستقرار بدأ الانسان يخطو خطواته الاولى بثقة و رسوخ نحو الفن عمل ايه بقى🫣

بدأ يشكل المواد اللينه زى الطين على شكل تماثيل لكائنات فى الطبيعة اهو بيشغل يومه و بيتسلى و بدأ يسجل على الصخور بعض المناظر و ده معروف باسم ( المخربشات )

و لما عدد السكان ازداد و ازدادت انشطته اليومية ابتدى يدور على وسيلة ثابتة عشان يعبر عن افكاره و يسجل احداث حياته اليومية

و طبعا كان بيستخدم الاشارات و الرموز

التصويرية

بس طبعا المصرى القديم عرف ان الرموز و الاشارات دى مش هتفى بالغرض🤦🏻‍♀️ لازم يفكر فى طريقة تانية يعبر بيها عن اللى هو عايزه

و لما المصرى القديم لما ابتدى يخطو خطوات واسعه فى مجال العقائد الدينية و الانشطة المدنية و العسكرية عرف انه لازم يسجل كل حاجة بتحصل👌🏻

و طبعا المصرى القديم كان مؤمن بالبعث و الخلود فكان لازم يكتب اسمه و يرسم جسده على جدران مقبرته و على تمثاله و اثاثه الجنائزى عشان الروح تتعرف على الجسد بسهوله🤩

و من هنا نجح المصرى بعد جهد كبير فى انه يلاقى وسيلة ثابتة للتعبير عن فكره و هى الكتابة التصويريه اللى نقلت نقله عظيمة من عصور ما قبل التاريخ للعصور التاريخية اللى بدأت فى مصر قبل الاسرة الاولى

المصرى القديم ابتدا ياخد الكتابة التصويرية من اصوات الطبيعة 

و كتب الاف العلامات التصويرية و الاف المخصصات

طيب هقول دلوقتى مراحل الكتابة فى مصر القديمة🤗 

1 الخط الهيروغليفى 👈🏻 هو اقدم الخطوط اللى كتب بيها المصرى القديم و كانت تستخدم للكتابة على جدران الاماكن المقدسة زى المعابد و المقابر 🏛️و كانت تكتب على الاحجار و التماثيل و اللوحات و الصلايات بأسلوب النقش البارز او الغائر

الكتابة الهيروغليفية فى منها 3 مجموعات 

1️⃣ علامات بتطنق بصوت واحد 

2️⃣ علامات بتطنق بصوتين 

3️⃣ علامات بتطنق بثلاث اصوات

2 الخط الهيراطيقى 

و معناه ( كهنوتى ) و معظم اللى كان بيستخدم الخط ده الكهنه 

3 الخط الديموطيقى 

و معناه ( الشعبى ) و استخدم فى تسجيل المعاملات زى العقود التجارية و المراسيم الحكومية

4 الخط القبطى

و ده اخر خطوط اللغه المصرية و تعنى ( مصرى ) و مظهرتش الكتابة دى غير بعد معرفة المصريين باللغة اليونانية مع دخول الاغريق للاراضى المصرية

طبعا انا متكلمتش عن كل حاجة تخص الهيروغليفية و نشأتها و تطورها عشان دى كتابة حوارتها كتير🫶🏻😂

📌 و طبعا متنسوش ان الهيروغليفية مقاطع تصويرية مش لغة 👀

#نجوى_تيمور_صلاح🌝♥️