لوحة المجاعه

 تعالوا نتعرف على اثر بطلمى اللى العلماء قالوا انها قصة اخترعها الكهنه 👇🏻

#لوحة_المجاعة 🫣

طيب اللوحة ده منقوشة فى صخر من صخور جزيرة سهيل فى اسوان و اتذكر فيها ان فى العام الثانى عشر من حكم الملك (زوسر) حصلت مجاعة لان النيل منسوبه انخفض لمدة سبع سنين🙆🏻‍♀️

و طبعا ده ادى الى نقص فى المحاصيل و ده خلى فى مجاعة فى البلاد

جى زوسر و نده على الحكيم ( ايمحوتب ) و سأله

زوسر:- هو ليه فى مجاعه فى البلاد اى السبب 🤔

ايمحوتب:- هعرف و اجيلك 

طبعا ايمحوتب جاب شوية كتب و مخطوطات عشان يعرف السبب📚📃 و رجع تانى للملك و قاله 

 ايمحوتب :- ايها الملك 🫡 لقد توصلت لحل 👇🏻 

ينبع النيل من مدينة اسوان و يجب علينا ارضاء الهة هذه المنطقة عشان يرضوا عنا و يرفعوا منسوب نهر النيل تانى 🫶

الملك :- خلاص نشوف الموضوع ده بعدين عشان تعبان و عايز انام 🥱

راح نام الملك😴 ف حلم بالاله ( خنوم ) قاله ايه بقى الاله ده فى الحلم 👇🏻

خنوم :- بص يا عم الملك انا اللى بتحكم فى مياه الفيضان من الاخر كدة هترضينى هرضيك 🧐

صحى الملك و نده تانى على الحكيم ايمحوتب 

الملك:- يالهوى الاله خنوم غضبان علينا 🙆🏻‍♂️ 

ارضى يا عم الاله احنا مش قده 🙃

مهو الملك خلاص عرف ان اهم اله هو الاله خنوم و عرف انه لازم يقدمله القرابين غير كدة خلى للمعبد بتاعه عشر ضريبة صيد الاسماك و الطيور 🐟🦆

ده يا بخت كهنة معبد خنوم هياكلوا لما يشبعوا 🫃🏻🫄🏻

جم بقى العلماء و قالوا ان دى قصة اخترعها كهنة الاله خنوم عشان يقولوا ان المعبد مهم و يجب تقديم القرابين ليه و خصوصا معبد فيلة

و فى بقى علماء تانى قالت ان القصة دى من ايام الدولة القديمة و انها اتكتتبت فى عصر البطالمة و من اصل قديم اتعرض للتلف غير كدة البطالمة امروا بتجديد معبد خنوم فى جزيرة سهيل 🫡

#نجوى_تيمور_صلاح♥️🌹