اعاح مس ( احمس )

 احموووووووووس🤬

كلنا فاكرين ان كلمة احمس دى شتيمة 🤦🏻‍♀️

تعالى انا هقولك مين احمس ده 🤌🏻😂

هو ملك من الاسرة ال 18 اسمه ( اعاح _ مس ) و معناها ابن القمر 🌕

تقريبا كدة معملش حاجة فى حياته غير انه طرد الهكسوس من مصر 😂

احمس ده حكم حوالى ٢٢ سنه و كمان حمل لواء الحرب ضد الهكسوس 🐎

و اثار احمس مذكرتش غير حاجات بسيطة عن حربه ضد الهكسوس 

فى بقى كام مصدر حكولنا شوية حاجات عنه 👇🏻

1️⃣ نص امير البحار ( احمس بن إبانا ) 

و كانت مقبرته فى الكاب و دون عليها قصة حياته

تعالى نعرف قصته 🤷🏻‍♀️

قال انه كان شغال أمير لاحدى سفن الاسطول اللى كانت بتحارب الهكسوس🛳️⚔️🐎

و اسمها كان ( الفحل البرى ) و قال انه اشترك فى حروب المصريين ضد الهكسوس و ان الملك اعجب بشجاعته و حسن تصويبه فرقاه الى امارة سفينة تسمى ( المشرق فى منف )💃🏻

و حارب فى المياه المحيطة ب أواريس و القريبة منها فقتل و غنم ثم يذكر سقوط اواريس

و تقريبا كدة ان القتال مكنش شديد و اضطر الهكسوس انهم يسيبوا اواريس و يمشوا فخدوا طريقهم فى الصحراء الشرقية باحثين عن حليف ليهم فى اسيا😁

بس ملكنا ذكى بردو 😎

راحلهم احمس لمدينة شاروحين اللى اتحصنوا بيها و حاصرهم لمدة 3 سنين تقريبا لحد ما خلاهم يسيبوا الحصن و يتشتتوا 🫣

2️⃣ اخبار مانيتون و اللى نقلها عن المؤرخ اليهودى ( يوسفوس ) و اللى بيقولنا فيها عن خروج الهكسوس من مصر🇪🇬🐎

بس يوسفوس ده اصلا يهودى و كان عايز يخلى لليهود مكانة تاريخية فنسب الهكسوس الى اليهود و جعل جلائهم عن مصر على ايد التحامسة بدون قتال 🙎

بس طبعا فى ادلة ان كلامه مش صح🫣 

و ثانكس جاد فى اثباتات تاريخية ان الهكسوس جلوا فى عهد احمس 😌

جهود احمس ضد النوبيين

طبعا جدنا احمس ملحقش يخلص من طرد الهكسوس 🤦🏻‍♀️

لقى اقاليم النوبة استغلت فترة كفاح مصر ضد الهكسوس و انشقت على الدولة المصرية و خربوا الحصون و منازل الموظفين المصريين فى النوبة😰

طيب امير البحار قالنا ايه بقى 🤔

 اللى هو احمس بن إبانا 

قال انه راح مع الملك فى رحلته على بلاد النوبة و قالنا عن ضرب الخارجين عن طوعه من زعماء النوبة😒

عمل ايه تانى 🤔

طور احمس الجيش المصري و هو اول من حارب بالعجلات الحربية اللى كان بيستخدمها الهكسوس وهي سبب تغلب الهكسوس على مصر وكان بيجرها الخيول 🐎 وطور الأسلحة الحربية فاستخدام النبال المزودة بقطعة حديد على الأسهم🏹 و بدأ بمحاربة الهكسوس

و درب الشعب بكفاءة لحد ما بقوا محاربين اقوياء و عندهم مهارة 💪🏻♥️

فى بقى شخصية واحدة ست كدة 

اسمها ( احمس نفرتارى ) كانت متجوزة من ( كامس ) و لما كامس ده مات اتجوزت من احمس اخوها 🫶

الست دى بقى من القابها ( الام الملكية _ الاخت الملكية _ الابنه الملكية )

و طبعا كان ليها مكانه القداسة هى و ابنها ( امنحتب الاول ) من ساعة الاسرة 19 و 20 🙏🏻

بنولها معبد فى طيبة و كانوا بيرسموها ع جدران المعابد🎨

و بردو كانوا بيقدسوا احمس بس تقديسه كان مشهور فى منطقة ابيدوس اكتر من منطقة طيبة🫣و لما مات احمس تولى بعديه امنحتب الاول🤷🏻‍♀️

نبذة سريعه عن اعاح مس 🌹

#نجوى_ تيمور_صلاح♥️🌹