حتشبسوت

 حتشبسوت يا حتشبسوت قفلوا عليكى يا حلوة تابوت 🥺

كانت حتشبسوت شخصية مميزة فى التاريخ المصرى القديم لانها حكمت مصر رغم كونها امراة💪🏻🇪🇬 و من المعتقد انها حكمت اما فى الفترة (1504_1482) او  (1479_1457) ق.م عقب بداية الدولة الحديثة

#حياتها_العائلية🫣

كان للملك تحتمس الاول زوجتان احدهما تدعى احمس و لها بنتان حتشبسوت و نفروبتى و الاخرى تدعو موت نفريت و لها ثلاث اولاد واج موسى و امون موسى و تحتمس الثانى🌝

توفى كل من نفروبتى و امون موسى لما كانو صغيرين🥺 

عاشت حتشبسوت و اخواتها فى قصر منفصل للنساء و بالرغم من ان اخوات حتشبسوت اتعلموا القراية و الكتابة بردو حتشبسوت كان عندها معلم فبالتالى اتعلمت هى كمان القراية و الكتابة🤷🏻‍♀️ و درست بردو علوم السلوك و الاخلاق و الفلسفة و الحكم و الحساب و قواعد الإنشاء و اللغه و كان لازم تجتهد فى تعلم الحكم و الاقوال المأثورة عن الحكماء المصريين😍

اتلقبت جدتها و والدتها بلقب زوجة الاله امون 

اتعلمت حتشبسوت الطقوس و الواجبات الدينية الخاصة بهذا المنصب لان اللى بيتم اختيارها زوجة الاله امون لازم تروح المعبد الكبير للاله امون يوميا🚶🏻‍♀️

 #جلوسها_على_العرش

اتعودت حتشبسوت ان تشارك والدها شؤون الحكم مات تحتمس الاول و هى فى سن العشرين و كان المفروض انها تدير شؤون البلاد لوحدها👑

 بس سطلة الكهنة اجبرتها انها تتجوز اخوها تحتمس التانى رغم انه كان ضعيف و كان معندهوش خبرة فى امور الحكم و السياسة🥴

 وافقت حتشبسوت و اتجوزت اخوها تحتمس التانى عشان ترضى شعبها و الالهة و كان شريكا لها فى الحكم فى ظاهر الامر فقط😏

حتشبسوت  اه كانت ست بس كانت مسيطرة و بتحكم البلد💪🏻🫣  و لما جوزها مات مكنش مخلف ولاد غير تحتمس الثالث اللى طلع عينه مع الست دى🥺

 كانت حتشبسوت وصيه على عرش تحتمس الثالث و كملت حياتها و حكمها عادى زى ما كانت بتحكم💪🏻

 حتشبسوت كان عندها بنتين

_نفرو رع كانت شخصية رئيسية فى تاريخ الفترة اللى حكمتها حتشبسوت 

_مريت رع كانت البنت التانية لحتشبسوت و اتجوزت تحتمس الثالث و انجبت منه امنحتب الثانى اللى اتولى العرش بعد تحتمس الثالث 🤴🏻

 طبعا بقى حتشبسوت حبت الحكم و السيطرة فخدت العرش من تحتمس الثالث 🧐

بس تحتمس الثالث ذكى بردو استغل وقته و فضل يتدرب على فنون القتال و احوال الحرب و ده خلاه قائد عسكرى صعب يتكرر تانى فى اى حرب👊🏻 

#اهم_اعمالها 

_نشطت حركة التجارة مع جيرانها و استخدمت القناة اللى بتربط بين البحر الاحمر و نهر النيل و سهلت الطريق على الاسطول المصرى اتجاه الخليج السويس بعد كدة اتجاه البحر الاحمر

_ فتحت العديد من المناجم و المحاجر اللى كانت مهملة قبل ما تمسك حكم البلاد و خصوصا مناجم النحاس اللى فى شبه جزيرة سيناء

_ بنت جيش قوى و نشيط فى رحلاته البحرية مع المناطق المجاورة

_ امرت بارسال بعثه  ل اسوان عشان تجيب احجار ضخمة عشان تبنى منشأت و انشأت مسلتين عظيمتين من الجرانيت عشان تمجد الاله امون بعد كدة نقلتهم لطيبة

_ ارسلت بعثات تجارية على سفن كتير متحملة بالهدايا و البضائع زى البردى و بذور الكتان الى بلاد بونت و جنوب اليمن و السفن دى رجعت محمله بكميات كتير من الاخشاب و البخور و الحيوانات المفترسة و الحجار الكريمة و العاج و الجلود

_ ساهمت فى ازدهار التجارة عشان كانت بتستورد انواع من الاسماك و ده عن طريق اسطول كبير الى المحيط الاطلسى

 #وفاتها💔

ذكر فى بعض الروايات و مؤرخين كتير قالو ان تحتمس الثالث حطلها سم فى الاكل و حاول يموتها عشان ياخد العرش و يبقى هو الملك بس بعد مرور الاف السنوات لما عملوا مسح طبى للموميا بتاعت حتشبسوت عرفو انها ماتت بسبب مرض السرطان و السمنه المفرطة اللى سببتلها مرض السكر و اخيرا تم تبرئة تحتمس الثالث 

رغم ان تحتمس الثالث و حتشبسوت مش بيحبو بعض بس فى الاخر اتعملهم موكب واحد و اتدفنوا جمب بعض فى متحف الحضارة القومى 😂

 #المصادر

كتاب حتشبسوت_قادة مصر الفرعونية حتشبسوت _ حتشبسوت من ملكة الى فرعون مصر

نبذه عن حتشبسوت بتمنى تكونوا استفدتوا

نجوى تيمور صلاح عبده 🤗♥️