تحتمس الثالث

أنا تحتمس الثالث.. أعظم ملوك مصر 👑 أنا تحتمس الثالث، ابن الملك تحتمس الثاني، ملك مصر العظيم، وجنرالها الأول اسمي محفور في جدران المعابد، وأعمالي لا تزال تُحكى عبر الأجيال. لو سمعت عني، فاكيد عرفت إني مش ملك عادي.. أنا الملك اللي عمل إمبراطورية مصرية لا مثيل لها 🏛️ لما كنت صغير، حتشبسوت مسكت الحكم مكان أبويا، وفضلت تحكم مصر لمدة 20 سنة، وأنا كنت مجرد أمير صغير بيتعلم في القصر. لكن متخيلش إن السنين دي ضاعت عليّ بالعكس، أنا كنت بدرس فنون الحرب، وبتعلم القيادة، ومستني اللحظة اللي أمسك فيها زمام الأمور ⚔️ لما حتشبسوت ماتت، مسكت الحكم وأنا جاهز تمامًا، ومستعد إني أحقق اللي محدش قبلي قدر يعمله 🛡️ حروبي.. ومجد مصر اللي أنا بنيته أنا مش بس كنت ملك.. كنت قائد عسكري عبقري، وده مش بكلامي أنا، ده بشهادة التاريخ ، أول حاجة عملتها لما بقيت ملك إني طلعت على كنعان، عشان أواجه تمرد الإمارات اللي هناك. المعركة الأشهر في حياتي كانت *معركة مجدو* لما استخدمت خطة عبقرية وفاجأت الأعداء بهجوم غير متوقع، وحققت نصر ساحق خلاني أفرض سيطرتي على كنعان بالكامل ⚔️ بعدها، خرجت في 17 حملة عسكرية، وسّعت فيها حدود كيميت لحدودها العظمى، من نهر الفرات في الشمال لغاية الشلال الرابع في الجنوب. بفضل حروبي، كيميت بقت إمبراطورية عظيمة، والكل بقى يخاف من اسمها 👊🏻 أنا مش بس كنت محارب شجاع، كنت كمان راجل بناء وعاشق للفن. أمرت ببناء معابد ضخمة، زي معبد الكرنك، وخصوصًا *القاعة العظمى* اللي فيها أعمدة ضخمة، وأضفت كتير من المسلات اللي بتشهد على انتصاراتي. 🤺 وأنا اللي طورت جيش كيميت ، خلتُه أقوى وأكتر تنظيمًا، واستخدمت تكتيكات عسكرية مبتكرة، زي العربات الحربية السريعة. بعد موتي، فضلت ذكرايا خالدة، وأعمالي محفورة في كل ركن من أرض مصر. المؤرخين بيسموني "نابليون العصر القديم"، بس أنا مش محتاج تشبيهات.. أنا تحتمس الثالث، أعظم ملك حكم كيميت، وصانع مجدها 💪🏻 ------ #اربط_حزامك_ايها_المحارب_الزمني عشان #هنسافر_بألة_الزمن مع #نجوى_تيمور_صلاح و هنعرف اكتر عن #تاريخ #مصر ❤️🇪🇬