هى فين منارة الاسكندرية و ايه قلعة قايتباي دى 🤔 روحتوا القلعه قبل كدة 🤔 طب يلا اربط حزامك 🎽 عشان هنروح اسكندريه 🏄🏻‍♀️ موضوعنا النهاردة عن ( قلعة قايتباي 🏰 ) فى سنة 880 ه‍ انشأ " الملك الأشرف قايتباي" قلعة فى غرب ميناء الإسكندرية فى شرق جزيرة فاروس 🏝️ ------- فلاش باك ⏳ لما كانت مصر تحت حكم البطالمه جى بطلميوس الثانى و أنشأ منارة الاسكندريه ، و مع الوقت حصل زلزال سنة 702 ه‍ فى عهد الملك " الناصر محمد بن قلاوون " و المنارة اتهدمت بسبب الزلزال ده 🥲 بس الناصر محمد امر بترميم المنارة ، و بعد كام سنه اتهدمت جميع اجزاء المنارة للاسف سنة 777 ه‍ -------- باك ⏳ الاشرف قايتباي بقى بنى القلعه مكان منارة الاسكندريه عشان تكون حماية للساحل الشمالى المصرى 🏰 و لمراقبة طريق الملاحه ف البحر المتوسط 🚢 --------- القلعه اتبنت على مساحة 17550 م² و بنيت اسوار القلعه الخارجيه و هى عبارة عن مجموعة من الاسوار اتبنت لزيادة تحصين و حماية القلعه 🏰 ، و هى عبارة عن سورين كبيرين من الاحجار الضخمه اللى بتحيط القلعه من الداخل و الخارج لحماية القلعه ، و البرج الرئيسى للقعه موجود بالناحيه الشمالية الغربية من مساحة القلعه 🏰 و بيتكون من 3 طوابق و هو واخد شكل المربع 🟫 و بيخرج من كل ركن من اركانه برج دائرى🏰 و البرج مبنى من الحجر الجيرى الصلد ، و طبعا القلعه بيتعملها ترميم كتير بسبب عواصف الشتاء و مياه البحر كل شوية لان احجارها الجيرية بتتآكل بسبب ملح البحر و عوامل التعرية 😭😭 و دى كانت نبذة عن قلعة قايتباي و هبقى اتكلم عنها بشىء من التفاصيل.... و بس كدة سلام 🙋🏻‍♀️ ---------- #نجوى_تيمور_صلاح #هنسافر_بألة_الزمن #تاريخ #Egypt #سياحة #فيسبوك #FacebookPage #مرشد #facebookreel #1millionviews