عودة رأس نفرتيتى

 ايه اللى هيحصل الفترة الجاية ؟؟ 

فى الفترة الجاية و خصوصا فى الاماكن السياحيه و الاثريه هتلاقى متطوعين كتير من مؤسسة دكتور زاهى حواس واقفين بيطلبوا منك طلب 🤔

-------

الاول خلونى اعرفكم بنفسى 🤗

انا نجوى تيمور صلاح صاحبة بيدچ مملكة التاريخ kingdom of History على الفيس بوك 🌷

-----

طبعا كلنا عارفين ان فى اثار مصرية كتير خارج مصر سواء خرجت بطريقه شرعيه او بطريقه غير شرعيه و بطريقه شرعيه و غير شرعيه فى نفس الوقت مثل تمثال ( رأس نفرتيتي ) و هدفنا فى المبادرة رجوع الاثار المصرية الى ديارها من تانى ( لمصر ) 🫂

------ 

لما تنزل المتاحف او الاهرامات هتلاقى متطوع بيكلم حضرتك و بيطلب من حضرتك ت Scan QR code و تمضى عريضة رجوع ( رأس نفرتيتي ) و طبعا ده مجانى تماما

------ 

طب احنا بنعمل كدة ليه ؟ 

تمثال رأس نفرتيتي من القطع الاثرية المهمه و الرائعه فى نفس الوقت و تمثال مهم زى ده لازم يكون فى بلده و احنا محتاجين مليون توقيع عشان نرجع التمثال 

طب هنستفاد ايه لما يرجع ؟ 

لا هنستفاد كتير اوى 👇🏻

1️⃣ ان احنا احق بالتمثال من غيرنا 

2️⃣ نشاط السياحه فى مصر 

3️⃣ مفيش ملكة مصرية وجهها معروف مثل الملكة نفرتيتي 

طب هينشط السياحه ازاى ؟؟ 

خلينى الاول اقولك قصة التمثال ده 

الملكة نفرتيتى من الاسرة ال 18 و زوجة اخناتون معنى اسمها " الجميلة اتت " ، تمثال رأس نفرتيتى عثر عليه العالم الالمانى " لودفيج بورشارت " فى " 6 ديسمبر 1912 م " فى ورشة النحات تحتمس فى تل العمارنه ، طبعا " بورشارت " عرف ان التمثال ده مهم جدا و انه روعه من روائع النحات المصرى القديم ، عمل خدعه قال ان التمثال ده منحوت من الجبس رغم ان التمثال من الحجر الجيرى الجيد ، و صور التمثال بإضاءة سيئة و عرضها على " لوفيفر " 👈🏻 مدير تفتيش اثار مصر الوسطى ، و طبعا لوفيفر لما لقى ان التمثال مش مهم و من الجبس و اضاءة سيئه اخفت جمال هذا التمثال مضى على اتفاق ان هذا التمثال هيروح المانيا خلاص ، و طبعا وزارة الاثار وافقت على انه يروح المانيا لما شافت الصورة ذات الاضاءة السيئه ، و فى سنة 1913 م التمثال وصل المانيا ، و بكدة يكون تمثال رأس نفرتيتي خرج من مصر بطريقة شرعيه لموافقة الاثار المصرية و بطريقة غير شرعيه لخدعة بورشارت فى عرض التمثال .

ايوة فين بردو اهمية التمثال ؟ 

الاول مسألتش نفسك ليه المانيا متمسكه بالتمثال ده ؟؟ 

انا هقولك ، لان فى سنة 2022 / 2023 م التمثال ده دخل لالمانيا 300 يورو فى خلال السنتين لان السياح و الزوار كانوا بيروحوا المتحف مخصوص علشان يشوفوا جمال و ابداع و مهارة النحات المصرى من خلال تمثال رأس نفرتيتي، مش احنا اولى بال 300 يورو دول و بالنشاط السياحى ؟؟ يبقى التمثال مهم يرجع مصر ولا لا ؟ 

-------

ادخلوا وقعوا على العريضة مجانا 👇🏻🌝 

https://www.change.org/?fbclid=IwY2xjawGOc8ZleHRuA2FlbQIxMQABHasRkmvEmqfGMx6sjI3nlbeMQF9ZgZCcGTUv-8WxdY42XeMPw-0jRDfWQQ_aem_P2syHcuTZxvJBy3qICwPxg  

-----

نجوى تيمور صلاح متطوعه فى مؤسسة دكتور زاهى حواس 🤗♥️

------

#هنرجع_رأس_نفرتيتي #نجوى_تيمور_صلاح #هنسافر_بألة_الزمن