المشاركات

عرض المشاركات من أغسطس, ٢٠٢٤

معبد حتشبسوت

-
 يا ولاد حارتنا توت توت احنا فى معبد حتشبسوت 🤗 ده بقى يا سيدى المعبد الجنائزى للملكة حتشبسوت 🏛️ اللى متشيد على الضفه الغربيه لنهر النيل🌊 فى منطقة الدير البحرى ، شيد المعبد باشراف من الوزير و المهندس " سنموت "👷🏻  المعبد فريد من نوعه اه بس اصبر بس ده متاخد من تصميم معبد الملك منتوحتب الاول 👈🏻 الاسرة 11 اللى كان موجود بردو ف الدير البحرى بس للاسف اندثر و ملقيناش منه حاجة غير شوية احجار و مدافن للجنود و مقابر لاسرة الملك و منها مقابر بناته " عاشيت و كاويت "، 🤷🏻‍♀️  الوزير سنموت👷🏻 بنى لحتشبسوت👑 المعبد ليه 3 مستوايات اول حاجة هو منحدرين بعدين الفناء الارضى للمعبد بعدين فناء اعلى منه و المستوى الاخير ده المعبد الرئيسى🏛️  المعبد بيتميز بمناظر جميلة😍 و اهمها منظر قطع المسلتين اللى حتشبسوت امرت بتشيدهم ف الكرنك و نقلهم فى احتفال كبير🎆 و منظر لرحلة بلاد بونت🛶 للحصول على المنتجات زى ( شجر المر و البخور 🪔 و الدوم و المواد الراتنجيه و بعض الأشجار اللى زرعتها قدام معبدها 🌳) المعبد الرئيسى بجد جميل جدا🤩 فى تماثيل لحتشبسوت كتير اوى ، و فى تمثالين لحتشبسوت على هيئ
إرسال تعليق
قراءة المزيد

الكنيسة المعلقة

-
صورة
 جاهز 🤌🏻🌝 يلا اربط حزامك 🎽 عشان هنروح مصر القديمه 😍 المعنى الحقيقى لجملة ( مصر هى مجمع الاديان و الوحدة الوطنية ✝️🫱🏻‍🫲🏻☪️🫱🏻‍🫲🏻✡️ )  لانها بتضم مسجد عمرو بن العاص 🕌 و السبع كنائس ⛪ و المعبد اليهودى🕍 و كل ده جنب بعض 😍♥️  بس هنتكلم النهاردة عن معلم منهم و هو ( الكنيسة المعلقة ⛪ ) و زى ما قولت هى موجودة فى مصر القديمه ، اتبنت فى اواخر القرن الرابع الميلادى عشان تبقى رمز للتسامح الدينى 💙 و رمز الانتصار على الديانه الوثنية ✌🏻 ، و اتسمت بالمعلقة لانها اتبنت فوق البرج الجنوبى القريب لحصن بابليون 🤷🏻‍♀️ و الكنيسة دى اتبنت ( للسيدة مريم ) ❤️  ---------- الكنيسة اتشهرت لان الانبا " خرستودلوس " 👈🏻 البطريرك ال ٦٦ ، نقل الكرسى المرقصى ليها من الاسكندريه فى القرن ال 11 م ، و اللى صلى بها اول صلاة قداس لما وصل مصر 🛐  فضل الكرسى المرقصى فى الكنيسة المعلقة لمدة طويلة لحد ما اتنقل لكنيسة ابى سيفين فى القرن 14 م ⚔️ ---------- مساحة الكنيسة حوالة 23.5 م فى 18.5 م و ارتفاعها حوالى 9.5 م ، اتصممت الكنيسة على الطراز البازيليكى ، و بتحتوى على صحن بينقسم الى 4 اقسام بيفصل بينهم
إرسال تعليق
قراءة المزيد

تمثالى ممنون

-
صورة
 ( يمكننى ان أسلم بأى شىء ماعدا الايمان بأن كتلة من الصخر يمكنها ان تحدث صوتا ) 🥱 تعالوا احكلكم قصة الصوت اللى بيطلع منهم 🙈  دول تمثالين للملك امنحتب التالت و دول اللى اتبقوا من المعبد الجنائزى بتاعه 🏛️ طول التمثال الواحد 19.20 م مصنوع من الحجر الرملى 🤩 طيب حلو اوى  فى تمثال منهم متكسر شوية فكان بيطلع صوت بسبب تغير العوامل الجوية و خصوصا وقت الفجر 🥳 عشان كدة اليونانيين سموه " ممنون " 👀  طب مين ممنون ده اذا كان دول تمثالين لامنحتب التالت ؟؟؟ 🤯 ممنون ده يا سيدى يبقى ابن معبودة الفجر اليونانية " ايوس " و ممنون ده كان صوته حلو اوووى 🗣️ لكنه للاسف اتقتل فى حرب طروادة ⚔️ ، فكان بينادى لامه كل صباح و هى بتفضل تعيط عليه 😭 و دموعها هى قطرات الندى 💧 ، و بسبب الصوت ده فى ناس كتير من انحاء العالم كانت بتيجى و تزور التمثالين و منهم المؤرخ " سترابون " اللى قال ( يمكننى ان أسلم بأى شىء ماعدا الايمان بأن كتلة من الصخر يمكنها ان تحدث صوتا ) 🤷🏻 طب انتى بتقولى كان كل يوم بيصدر صوت طب ما احنا بقالنا كام قرن اهو مش بيطلعله صوت ليه 🤔 هقولك ان الزوار لما كا
إرسال تعليق
قراءة المزيد

قلعة قايتباي

-
صورة
 هى فين منارة الاسكندرية و ايه قلعة قايتباي دى 🤔 روحتوا القلعه قبل كدة 🤔 طب يلا اربط حزامك 🎽 عشان هنروح اسكندريه 🏄🏻‍♀️ موضوعنا النهاردة عن ( قلعة قايتباي 🏰 )  فى سنة 880 ه‍ انشأ " الملك الأشرف قايتباي " قلعة فى غرب ميناء الإسكندرية فى شرق جزيرة فاروس 🏝️  -------  فلاش باك ⏳   لما كانت مصر تحت حكم الرومان جى بطلميوس الثانى و أنشأ منارة الاسكندريه ، و مع الوقت حصل زلزال سنة 702 ه‍ فى عهد الملك " الناصر محمد بن قلاوون " و المنارة اتهدمت بسبب الزلزال ده 🥲 بس الناصر محمد امر بترميم المنارة ، و بعد كام سنه اتهدمت جميع اجزاء المنارة للاسف سنة 777 ه‍  --------  باك ⏳  الاشرف قايتباي بقى بنى القلعه مكان منارة الاسكندريه عشان تكون حماية للساحل الشمالى المصرى 🏰 و لمراقبة طريق الملاحه ف البحر المتوسط 🚢 --------- القلعه اتبنت على مساحة 17550 م² و بنيت اسوار القلعه الخارجيه و هى عبارة عن مجموعة من الاسوار اتبنت لزيادة تحصين و حماية القلعه 🏰 ، و هى عبارة عن سورين كبيرين من الاحجار الضخمه اللى بتحيط القلعه من الداخل و الخارج لحماية القلعه ، و البرج الرئيسى للقعه موجو
إرسال تعليق
قراءة المزيد

جبانة البجوات

-
صورة
 تعرف يعنى اى بجوات 🤔 طب سمعت قبل كدة عن جبانة البجوات 🤷🏻‍♀️ اربط حزامك 🎽 عشان #هنسافر_بألة_الزمن ⏳و نرجع للقرن الرابع و الخامس الميلادى 🕟  دى جبانه مسيحيه موجودة خلف معبد " هيبس " بواحة الخارجه 🏛️ و اسم بجوات ده نطق اهل الوادى لكلمة ( قبوات ) 👈🏻 جمع ( قبو ) و دى اشارة لان كل مقابر الجبانه تعلوها قباب  ________  الجبانه مبنية من الطوب اللبن و ليها اهميه لانها بترجع لأوائل العصر المسيحى ✝️ لان ف الوقت ده فر اقباط مصر بدينهم خوفا من اضطهاد الرومانيين للمسيحيه و المسيحيين ✝️ استقر المسيحيين فى الصحراء 🏜️ بعيد عن اباطرة الرومان، و الجبانه اشبه بمدينه مهجورة 🧟 ، فيها حوالى ٢٦٣ هيكل معظمهم مزخرفين من الخارج و القباب مزينة بمناظر مختلفه من التوراة 🤗 و مناظر مسيحيه بتتميز بالوانها الزاهيه المرسومه بطريقه الفريسكو 🤩 ( الفريسكو 👈🏻 خلط الالوان بالماء للرسم 🖌️) و دى طريقة سريعه التآكل و الاندثار 🥺  و طبعا بسبب الجو الجاف للمنطقة اللى فيها الجبانه 🌞 فضلت موجودة و منهارتش طول القرون دى ✌🏻  و فى كام هيكل من الهياكل فيها الاف الكتابات مكتوبة باللغه الإغريقية و اللاتينية
إرسال تعليق
قراءة المزيد

اكتشاف طريق رأس الرجاء الصالح

-
صورة
 اكتشف طريق جديد للتجارة بالصدفه 😳 #هنسافر_بألة_الزمن ⏳ و نرجع ل اغسطس 1487 م لما " بارتولومو دياس " البرتغالى خرج لرحله بحريه استكشافيه 🕵🏼‍♂️ عشان يوصل لطريق بحرى مختصر للمحيط الهندى عشان يقدر يجيب ( التوابل - الحرير ) من اسيا ، بدل طريق الحرير اللى كان بيمشى منه ، و فى سنة 1488 م وصل " بارتولومو دياس " لاقصى الجنوب الغربى لأفريقيا 🌍 و فضل ماشى ناحية الغرب على اساس انه يلاقى ارض من القارة الأفريقية بس ملقاش اى ارض 🌊 ، و مكنش يعرف انه وقتها مر من خلال مضيق معين يوصله للمحيط الهندى ثم لاسيا  المنطقة اللى هو كان فيها هبت فيها رياح و عاصفة شديدة 🌬️ و البحارة اللى معاه قالوا احنا هنرجع بلدنا لحسن ده احنا تعبنا اووووى و بسبب سوء الأحوال الجوية 🌪️، و هو راجع بقى اكتشف انه مر من خلال مضيق معين و بسبب العاصفه سماه ( مضيق العواصف ) 🌬️ ، و لما رجع و قال لملك البرتغال 🤴🏼 عن اكتشاف مضيق العواصف ده راح الملك قاله لا الاسم ده مش حلو احنا عايزين اسم تانى ف انا هسميه ( طريق رأس الرجاء الصالح ) 👌🏻 طبعا " بارتولومو دياس " 🕵🏼‍♂️ قال فى سره يعنى انا اكتشف و ان
إرسال تعليق
قراءة المزيد

قائمة منقولات العروسة

-
صورة
 قائمة العروسة يا سيدى 👰🏻‍♀️ اى شب لما يروح يتقدم لبنت أهلها بيقولوله القايمة ؟! ( قائمة المنقولات ) و طبعا ظهر تريند على الفيس ( مبروك القايمة سقطت يا رجاله ) 🕺🏻 طب ايه هى القايمه دى اصلا و جت منين 🤔 اجهز كدة معايا عشان #هنسافر_بألة_الزمن ⏳ و نروح لسنة 1160 م و نشوف اقدم قائمة فى مصر 👀 لما اليهود استقروا فى مصر و اندمجوا مع المصريين ، و طبعا بما ان الدين الاسلامى حلل للشباب زواج ٤ سيدات و من مختلف الطوائف ف كان الشاب المسلم بيتجوز يهوديه و مسلمه عادى 🫣 ف طبعا اليهودية و اهلها خافوا على بنتهم لحسن جوزها يتجوز مسلمه و يسيبها 🙅🏻 ف كانوا حابين يضمنوا حق بنتهم 🤷🏻‍♀️ ف خلوا الشباب يكتبوا قائمه منقولات كبيرة فيها تفاصيل اثاث بيتها عشان يقيدوا جوزها بيها و تمنعه انه يتجوز مسلمه عليها 🤐 و بعد ثورة 1952 م رحل اليهود من مصر بس مع ذلك فضلنا نكتب قايمه و العادة دى اتورثتلنا و بقى المسلمين بيكتبوها 📃 و دار الافتاء احلت الموضوع شرعا بس بشرط نستخدمها صح 🙄 و اقدم قائمة منقولات موجودة دلوقتى فى دار الجنيزة بالمعبد اليهودى بالقاهرة ✌🏻 و بس كدة ... سلام 🙋🏻‍♀️ ____________ #نجوى_تيمور_صلا
إرسال تعليق
قراءة المزيد
-
 #هنسافر_بألة_الزمن ⏳ و نرجع ليوم 28 يونيه 1389 م و اليوم ده كان عيد المسيحيين ✝️ هنروح منطقة حقل الطيور السوداء فى بلد كوسوفو 🇽🇰 حيث التقى جيش الدولة العثمانية بقيادة السلطان " مراد الاول " و الجيش المسيحي من دول البلقان بقيادة الامير الصربى " لازار " ...... و طبعا الجيش العثمانى كان عدده اكتر بكتير من الجيش المسيحي ، حصلت معركة شديدة ⚔️ بدأت برمى الرماح العثمانية على الجيش المسيحي 🏹 فتراجع الجيش المسيحى تدريجيا ... و فى الليل 🌛تسلل جندى من الجيش المسيحي و دخل معسكر العثمانيين و هوب قتل السلطان " مراد الاول " 🗡️ و بعد مراد الاول خلفه " بيازيد الاول " و اللى قدر انه يهزم الجيش المسيحي اشر هزيمه 👊🏻 و قدر انه يقتل امير الصرب " لازار " و قطع راسه 🥱 ___________ من نتائج المعركه ان العثمانيين قدروا يسيطروا على مملكة الجيوش المسيحيه لمدة 4 قرون . و بس كدة سلام 🙋🏻‍♀️ ___________ #نجوى_تيمور_صلاح #تاريخ #Egypt #FacebookPage #فيسبوك
إرسال تعليق
قراءة المزيد