جوهر الصقلى

 اللي بنى بنى مصر كان في الأصل حلواني !! 👨🏻‍🍳

دى مش جملة بنقولها ولا جملة بنسمعها ف اغنية لان ببساطه اللى بنى مصر فعلا حلوانى ☺️

_____

طب مين الحلوانى ده ؟؟

حكايتنا ابتدت بالحملات الفاطمية على مصر ⚔️ ، طبعا الفاطميون كانوا ديما بيحاولوا يفتحوا مصر ، و قامت الدولة الفاطمية و وصلوا لعرش الخلافة زى ما هما عايزين ✌🏻، بس بردو هدفهم الاكبر لسه متحققش و هو ( تقويض دعائم الخلافة العباسية السنية فى الشرق و الفوز بإرثها و زعامتها للعالم الاسلامى ) 🙎🏻، ففكر الخليفة الفاطمى " عبيد الله المهدى " فى غزو مصر 💡، و فعلا حصل اربع حملات فاطمية على مصر ⚔️ 

_____

   اول حملتين كانت بقيادة " القائم بن المهدى " 🗡️ بس الحملتين فشلوا ، و جت الحملة التالته فى عهد الخليفة " القائم " و فشلت بردو 🤷🏻

 جت بقى الحملة الرابعه فى عهد الخليفة الفاطمى " المعز لدين الله " بقيادة " جوهر الصقلى " 🗡️

 دخل جوهر الصقلى الفسطاط فى 17 رمضان 358 ه‍ و بلغ المعز لدين الله انه خلاص فتح مصر ،و بكدة الحملة الفاطمية الرابعه على مصر نجحت 💪🏻 

_____

قبل ما نعرف جوهر الصقلى بنى مصر ازاى خلينا الاول نعرف مين هو جوهر الصقلى ؟

  جوهر الصقلى قبل ما يتباع كمملوك للخليفة 

 " المنصور بالله " والد المعز لدين الله " كان شغال حلوانى هو و اسرته و لما اتباع للخليفة المنصور دخله الخليفة الجيش و بقى اشهر رجاله ✌🏻

طيب الحلوانى بنى مصر ازاى ؟

 1️⃣ اسس القاهرة :- و اللى كانت عبارة عن السهل الرملى اللى فى شمال شرق الفسطاط و كان مكان مفهوش اى بناء غير شوية مبانى كدة بتاعة بستان او حدائق كافور و دير مسيحى ( دير العظام ) ⛪ و حصن صغير ( قصر الشوك ) 

 بنى جوهر قصر الخليفة و اللى عرف بالقصر المعزى و بعدها بأسم القسم الشرقى الكبير 🏡 ،

و لما بنى القصر بنى حواليه سور كبير من الطوب اللبن و السور ده كان فيه 7 ابواب 

1 زويلة المزدوج الاقواس 👈🏻 الجنوب

2 الفرج و السعادة 👈🏻 الغرب 

3 البندقية و القراطين 👈🏻 الشرق 

4 الفتح و النصر 👈🏻 الشمال 

و بعد ما خلص سماها بمدينة المنصورية ( نسبة للخيفة المنصور والد المعز ) 

_____ 

 بعدها باربع سنين جى المعز لمصر و سماها بالقاهرة ( تفاؤلاً بأنها ستقهر الدنيا و تقهر بنى العباس ) 😈

و طبعا جوهر بنى القاهرة بسبب تقاليد الولاه المسلمين فى مصر اللى هو كل خلافة تبنلها عاصمة ، زى الفسطاط و القطائع و القاهرة المعزية .

طبعا القاهرة كانت مدينة حربية خاصة ⚔️ بمعنى ان عامة الشعب و السكان مكنش مسموح لهم انهم يدخلوا القاهرة من غير اذن او تصريح 📃 و فضلت القاهرة كدة لحد عهد الخليفة " المستنصر الفاطمى " لما حصلت فى البلد ازمات اقتصادية و سياسية و المعروفة باسم الشدة المستنصرية / الشدة العظمى و اللى اتحرقت فيها مدينة الفسطاط 🔥 فى الوقت ده دخل عامة الشعب مدينة القاهرة و سكنوا فيها 🌇

_____

2️⃣ بناء جامع الازهر الشريف:- ابتدا جوهر بناء جامع الازهر 24 جمادى الأول 359 ه‍ و تم بنائه فى سنتين 🕌 و اول صلاة فيه كانت فى رمضان 361 🌛و اتسمى ف الاول بجامع القاهرة و فضل اسمه كدة طول فترة الخلافة الفاطمية 

كانت اقامة شعائر صلاة الجمعه و الاعياد تقام فى الجامع ده ، و خد الازهر صفة تعليمية و بقى مركز لنشر المذهب الشيعى و اتحول لمركز علمى كبير 📚 و اول حد فكر فى جعل الازهر معهد علمى للدراسة هو الوزير " يعقوب بن كلس " و فضلت الصفه التعليمية تميز الازهر طول فترة الخلافة الفاطمية 

_____

ده طبعا غير ان جوهر حارب الغلاء و المجاعات 😡 بانه عاقب التجار الجشعين و اشهر بهم فى الاسواق و جمع سماسرة الغلال و القمح فى مكان واحد و سد عليهم جميع الجهات الا جهة واحدة عشان يخرج الغلال و القمح تحت اشرافه 💁🏻 

وطبعا لغى الخطبة للخليفة العباسى و اقامها للخليفة الفاطمى و منع لبس اللون الاسود ( شعار العباسيين )🖤 و قرر لبس الون الاخضر ( شعار العلويين ) 💚 و زودا فى الاذان و الاقامة بعد حى على الفلاح جملة ( حى على الخير و العمل )🗣️ 

و بكدة مصر يا ولاد حلوة الحلوات 😍

#نجوى_تيمور_صلاح 

#هنسافر_بألة_الزمن