قبل دخول الاسكندر لمصر

 #هنسافر_بألة_الزمن  و نرجع بالزمن لسنة 525 ق.م لما مصر سقطت فى ايد الفرس بقيادة " قمبيز التانى " و بقت تابعه للإمبراطورية الفارسية 😡 ، و فى سنة 522 ق.م مات قمبيز ⚰️ و حاول الوالى الفارسى " ارياندس " الاستقلال بمصر 😈 لكن " داريوس الاول " قضى على الوالى🗡️ و رجعت مصر للامبراطورية الفارسية من تانى🙄 ، و اعتنى داريوس الاول بشئون مصر الداخلية 🧾 ،

 و فى سنة 490 ق.م انهزم الفرس على يد الاغريق فى موقعة ( مارثون ) ⚔️ و بسبب الهزيمة دى ضعفت هيبة الفرس فى الولايات التابعة لهم و حصل ثورات ضد الحكم الفارسى 🤭 ،

 و من ضمن الثورات دى الثورة المصرية فى الدلتا سنة 486 ق .م ، و استمرت مصر فى ثورتها لحد ما " اكسيركسيس الاول " بعت حملة تأديبية عشان ينهى الثورة و يقضى على الثائرين 😑 ،

 فضل الفرس محتلين مصر و مستغلين مواردها لحد ما تولى العرش الملك الفارسى " اكسيركسيس الاول " 456 ق.م و كانت بداية عصره فوضى و اضطرابات 🥴 و ده خلى المصريين يقوموا بثورة تانى بقيادة الامير " ايناروس " سنة 460 ق.م  و نجح الامير فى السيطرة على غرب الدلتا 🥹 و بمساعدة اثينا اللى بعتتله اسطول حربى 🛳️ عشان يهزم حملة الفرس اللى اتبعتت لقمع الثائرين فى مصر 460 ق.م ، لكن الفرس مستسلموش للهزيمة و بعتوا جيش قدر انه يحاصر الامير " ايناردس " و حلفائه الاغريق 😡 ف استسلم ايناردس و تم إعدامه فى 457 ق.م 😣،  فضلت مصر مستقلة فى عصر الاسرة 28 ، 29، 30 ، و لكن لما " ارتاكسيركسيس الثالث " تولى عرش الامبراطوريه الفارسية 354 ق.م و اللى كان طموح جدا انه يرجع مصر للامبراطورية الفارسية 😒

 جمع الملك ده جيوش و أسطول ضخم🛳️ و زحف بنفسه لمصر و انتصر انتصاراً حاسماً ⚔️ على المصريين و ملك مصر و اللى اسمه ... خد نفسك كدة الاول 🤌🏻" نخت_حرحب_نيكتانييو الثانى" 🥵 هرب الملك ده لمنف عشان يتحصن فيها🛡️ و بسبب شدة ضربات العدو هرب للصعيد🏃🏻 و فضل يحكم لمدة سنتين و هوب مرة واحدة اختفى اثره 🤷🏻‍♀️ ، و بكدة وقعت مصر مرة تانية فى ايد الفرس🤦🏻‍♀️ و فضلت تحت سيطرتهم لحد ما الاسكندر الاكبر غزاها سنة 332 ق.م⚔️

الاسكندر الاكبر فى مصر ....👀

ج 1

*المصدر ( اشهر القادة فى التاريخ الاسكندر الاكبر ) دكتور " يوسف ابو الحجاج "

#نجوى_تيمور_صلاح