دخول الاسكندر مصر

 #هنسافر_بألة_الزمن و نرجع بالتاريخ لسنة 332 ق.م ⏳

  وصل الاسكندر الفرما 👈🏻 بوابة مصر الشرقيه 332 ق.م و ملقاش اى مقاومة من المصريين ولا من حامية الفرس اللى على الحدود فقدر انه يدخل مصر و يفتحها بسهولة 💪🏻

 بعد كدة راح لعاصمة البلاد ( منف ) عن طريق النيل و راح عامل بارتى 🎊 كدة ثقافى و ترفيهى على نمط الحفلات الاغريقية ، طبعا بيحتفل انه احتل بلاد الغلال 🤷🏻‍♀️

 ________ 

فلاش باك ⏳

 ليه الاسكندر اختار مصر و احتلها ؟ 🤔

 الاول كدة خلينا عارفين ان الفرس كانت محتله مصر و ان فى عداوة بين الفرس و بين ابو الاسكندر "فيليب المقدونى " 😡 

 هو فى المصادر مكتوب ان محدش يعرف سبب العداوة دى و فى نفس الوقت كاتبين اسباب 🤡 ، منها ان الفرس احتلوا ولايات اليونان و غزو بلاد اليونان نفسها و أن الفرس كانت مكونه امبراطوريه كبيرة بسبب توسعهم فى اسيا الصغرى و قيام الثورات المصرية ضد الفرس زى ما قولنا ف الجزء الاول 👊🏻

 طبعا فيليب مات و مسك الاسكندر و احتل مصر عشان اكتر من سبب منها 🫣 

 ان اليونان مكنتش مكفيه الغلال و القمح و طبعا مصر كانت ام الغلال كانت غنية بالقمح و كانت بلد زراعية 🌾 ف هتكفى حاجة الجيش اليونانى ، و فيها ورق بردى 📃 عشان يكتبوا عليه نهضة الثقافة فى العصر الكلاسيكي و غير كدة وفرة الفضة🩶 بكثرة فى مصر 

______ 

باك 🤗

 دخل مصر الاسكندر 332 ق.م و طبعا المصريين لما صدقوا حد يجى يخلصهم من بطش الفرس 😩 و استغلالهم لموارد مصر 😩 ف اعتبروا الاسكندر هو مخلصهم من الفرس 😘 

______

احتلال الاسكندر لمصر بيعتبر نقطة تحول كبيرة فى تاريخ مصر القديم 🔃 لان من هنا بينتهى تاريخ مصر الفرعونية عشان يبدأ تاريخ مصر اليونانية 🙍🏻‍♀️

كان الاسكندر سياسى ماهر و قائد بارع 🫡

عامل المصريين كويس اوى و بكدة قدر انه يكسب المصريين لصفه 🤗

و طبعا بما ان المصريين اصحاب دين بمعنى انهم بيحترموا الدين ف دخلهم من الناحيه الدينيه 🛐

 عمل ايه بقى 🤔

* لبس اللبس الفرعونى و راح معبد بتاح و قدمله القرابين و احترم الكهنه 🛐

* عمل مهرجان موسيقى رياضى يونانى عشان يرضى اليونانيين اللى عايشين فى مصر و عشان يرضى جنوده اللى تعبوا معاه مع حروبه و فتوحاته و عشان يعرف المصريين الحضارة الإغريقية و ينشرها 🎊

* بعدها راح شمال مصر راح قرية اسمها ( راقودة ) و بنى الاسكندرية عشان تكون عاصمة مصر 🏛️

* بعدها راح واحة سيوة و زار معبد وحى امون و ده عشان يثبت نسبه للمعبود امون و اول ما وصل المعبد الكاهن قاله اهلا ب ابن امون ،،،، حتى الاسكندر 🥲 و دخل قدس الاقداس 

 و طبعا الاسكندر فرح لانه كان عايز يأله نفسه بناء على نصيحة معلمه ارسطو 😼 ، دار بين الكاهن و الاسكندر حوار 🗣️ محدش يعرفه خالص لانه المفروض يكون سر 🤫 و الاسكندر مقالش لحد عليه ، و انا بصراحه فضولى هيموتنى و اعرف ايه هو 🥲

_______ 

تعالوا بقى نعرف فى الجزء التالت رحلة الاسكندر لواحة سيوة و اى المعجزات اللى حصلت فيها 👀

_______

#نجوى_تيمور_صلاح