رادوبيس سندريلا الحقيقية

 وقعت حذائها الزجاجى و خده الامير عشان يعرف صاحبته 🥿و الحذاء مجاش على مقاس اى بنت فى المملكة كلها غير سيندريلا 👑

عمرك سألت نفسك فكرة كرتون سندريلا جت منين ؟

تعالى هقولك 🤫

قصة الاميرة سندريلا مستوحاه من التاريخ المصرى القديم

بتقولى اى 😳

زى ما بقولك كدة 🤓

 فى سنة 570 ق.م حكم مصر الملك ' احمس التانى ' من الاسرة 26 و فى السنين الاولى من حكمه مراته ماتت 🥲

و الملوك المصريين كانوا متحالفين مع اليونانيين و سمحوا للاغريق ببناء بعض المدن الاغريقية فى مصر منها مدينة ( نقراطيس ) 

و فى مدينة نوقراطيس كان في بنت اسمها " رادوبيس " البنت دى من أصول يونانية والدتها صنعت لها حذاء من جلد الغزال الذهبى و عليه احجار كريمة رائعه و ادتهولها و قالتلها ان الحذاء ده هيكون سبب سعادتها و بعد كدة والدها و والدتها ماتوا و اشتغلت خدامه عند مرات والدها

حصل فوضى بداية حكم احمس التانى و قدر انه يستعيد استقرار الامن فى كيميت و عمل حفلة كبيرة عشان يحتفل بالاستقرار و عشان يختارله زوجه . و طبعا لما " رادوبيس " سمعت ان فى حفلة جهزت نفسها و لبست الحذاء اللى والدتها عملته 🥿 و جاية تروح الحفلة راحت مرات والدها حبستها و خدت بناتها و راحوا الحفلة 

 رادوبيس زعلت جدا و مسكت الحذاء و قالت فين ده اللى هيبقى سبب سعادتى راحت رمته و ف نفس الوقت كان فى نسر طاير و شاف الحذاء راح خد فرده منه و طار و لما عدى من فوق الحفلة اتفزع من صوت الطبول فوقع منه الحذاء و نزل بين ايد احمس التانى

اعجب احمس بالحذاء اوى و قال اكيد صاحبته جميلة جدا فبعت رجال عشان يدوروا على صاحبته لحد ما لقوا " رادوبيس" و عجبت احمس التانى اوى و فعلا اتجوزها 

القصة اتذكرت فى بردية ( شيستر بيتى ) و البردية موجودة فى المتحف البريطانى الوطنى و جى شارل بيرو الروائى الفرنسى و عمل منها رواية الاميرة سندريلا اللى كلنا عارفينها سنة 1647 و حرف فيها كتير اوى و حولها من التاريخ المصرى القديم ل رواية اوروبيه 😡