خريطة الادريسى

 عرف مكان يأجوج و مأجوج 😳

هنتكلم النهاردة عن ( ادريس ) ، اكبر جغرافى فى العالم الاسلامى و مش العالم الاسلامى بس لا ده اكبر جغرافى ف العالم 🌍 لحد عصر الكشوف الجغرافية الأوروبية ،

خد نفس كدة و تعالى نعرف اسمه ( ابو عبدالله محمد بن محمد بن عبدالله بن ادريس الحمودى الحسنى ) 😇 ،

اتولد فى المغرب سنة 1100م و توفى سنة 1166 م ، 

#هنسافر_بألة_الزمن و نرجع لسنة 1154م و اللى انتشر فيه كتاب ادريس ( نزهة المشتاق ) و الكتاب حقق نجاح كبير فى أوروبا 😍 ، و بسبب الكتاب عرف الاوروبيون معارفهم الجغرافيه عن قارتهم و عن العالم على مدى عدة قرون 🌍 ، انتشر ملخص الكتاب فى نهاية القرن 16 م و اترجم للاتينيه ،

ادريس كتب كتابه من مصادر اغريقية و اسلاميه ، و ضاف لكتابه معلومات كتير من خبراته الشخصية و تقاريره عن اسفاره و رحلاته الواسعه و الكثيرة ،

الكتاب بقى موسوعه شاملة تجمع بين الجغرافيا الوصفيه و الجغرافيا الفلكية و الجغرافيا الرياضية ،

و هنلاقى فى الكتاب العالم و الأقاليم المناخية السبعه للارض و اللى صورهم فى خريطته ، و بيوصف البلاد و جبالها و أنهارها و اجنادها البشرية و انشطتها الاقتصادية و ثقافتها ⛰️ ،

و قدر انه يوصف البحر المتوسط و البلدان اللى حوليه و قارة اوروبا و اقاليمها بدقه 👌🏻 ،

رسم ادريس ( خريطة الادريسى ) و فى الخريطة دى قسم ادريس النص الشمالى للكرة الارضية لسبع مناطق متباينه ، و قسم كل منها لعشر قطاعات متساوية فى عدد خطوط الطول ، و رسم لكل الاقطاعات دى خريطة شاملة للعالم ، و اعتبرت أدق و اعظم ما وصله علم الجغرافيا و فن رسم الخرائط لحد دلوقتى ،

خرائط الادريسى مبنيه على معرفة راسخه بكروية الارض و اللى استمد اصولها من المصادر الأوروبيه و الإسلامية ، و صحح شوية حاجات فى المصادر على حسب خبرته الشخصية و المعلومات اللى جمعها من رحلاته ، و خرائط الادريسى بقت خرائط اساسية فى رسم الخرائط بعد كدة فى عصر النهضة ، و بقت بمثابة نقطة البداية للكشوف الجغرافية 🚢 .

الخريطة فيها حاجة غريبة جدا 😳

مكتوب يأجوج و مأجوج و قدامهم سد ، هل فعلا ادريس قدر يوصل لمكانهم ؟

#هنسافر_بألة_الزمن 

#نجوى_تيمور_صلاح