التقويم الشمسى

 عشان تعرف مهارة و عبقرية المصرى القديم فى علوم الفلك و ان هما اساس كل العلوم زى الفلك و الطب ....... 🫶

هنتكلم النهاردة على عبقرية المصرى القديم فى علم الفلك  

التقويم الشمسى ☀️

التقويم ده اتعمل من حوالى سنة 2773 ق.م 🫣 تقريبا كدة اتعمل فى عصر الملك زوسر صاحب الهرم المدرج 🫶🏻

الكهنة قسمت على اساسه ان السنه الواحدة فيها 365 يوم و 12 شهر و خلوا كل شهر 30 يوم و اليوم 24 ساعه 12 ساعه للنهار🌤️ و 12 ساعه لليل 🌕

و خلوا اخر 5 ايام إضافية ( ايام النسئ ) اعياد المعبودات 🥳( اوزوريس _ ايزيس_ ست_ نفتيس _ حورس ) و زودوا يوم سادس كل 4 سنين و ده هدية للمعبود چحوتى🦤 عشان هو اللى علمهم الحروف وهو الكلمات و الحكمة و التقويم ( اسطورة نشأة الهيروغليفية )🪶

و خلوا السنه 3 فصول 

برت 👈🏻 الشتاء و ده بيبقى من نص شهر نوفمبر لنص شهر مارس ⛈️

شمو👈🏻 الصيف و ده من نص شهر مارس لنص شهر يوليو🌞 

ٱخت 👈🏻 الفيضان و ده من نص شهر يوليو لنص شهر نوفمبر🌊

كانت السنه بتبدأ بفصل الفيضان و السنه بتبدأ باليوم اللى بيحصل فيه فيضان🌊 و اللى كان بيبقى معاه ظاهرة فلكية و هو ظهور نجم ( الشعرى اليمانية ) و اللى المصرين سموه ( سوبت )💫

بس طبعا الكهنة غلطوا فى حاجة هما حسبو السنه ب 365 يوم و نسيوا الربع يوم 🤦🏻‍♀️

و دى حاجة خلت فى اختلاف كبير🙆🏻‍♀️ و بكدا اتأخرت السنه الشمسية من بداية الفيضان الفعلى شهر كل 121 سنه💔 و بعد كدة رجعت اتفقت السنه الشمسية مع بداية الفيضان بعد 1456 سنه 🙃

اتفقت السنة الشمسية مع بداية الفيضان الفعليه 4 مرات فى تاريخهم☀️🌊

اتفقت فى عام ( 2773 عام بداية العمل بالتقويم الشمسى ) و عام ( 1317 العام اللى قعد فيه سيتى الاول على العرش ) و عام 1595 م

و عام 139 

و التاريخين الاخرنين ملهمش علاقة بالتاريخ الفرعونى لان دول ميلادى 🌹

عرف المصريين القدماء غلطهم لما لقوا فى فوارق بين التقويم المدنى و التقويم الفلكى بس محدش صلح الغلط ده 🤦🏻‍♀️

و فضلوا فى نفس الغلط لحد ما جى بطليموس الثالث سنة 237 ق.م و امر ان هما يزودوا يوم على ايام السنة الخامسة 😮‍💨و اطلق عليه نظام السنة الكبيسة🧐 و عمل كدة عشان اعياد الصيف متجيش فى الشتاء و اعياد الشتاء متجيش فى الصيف 🤩 ذكى بردو 👈🏻👉🏻😂

و فضلوا على التقويم ده لحد ما ظهر التقويم اليونانى سنة 708 م و اللى اتعدل بعد كدة فى القرن ال 16 م و اللى اتسمى ب ( تقويم جوريجورى ) 🌞

#نجوى_تيمور_صلاح🌹