مقبرة كوم الشقافة

 

تفتكر اى هى فايدة الحمار غير انه بيساعد الفلاح و ملهوش لازمة فى مصر 🤔  

تؤتؤ خد بالك من الكلام اللى بتقوله 🤌🏻 الحمار ده مكتشف عظيم 👏🏻 بتسأل انا بقول اى طب خد هقولك انا بقول اى 😂 فى اسكندرية سنة 1900 كان راجل ماشى بالحمار بتاعه هوب الحمار وقع فى حفرة اهى الحفرة دى هى الاكتشاف يا سيدى 💁🏻‍♀️ الحفرة اكتشاف ازاى خد هقولك 😸 لما الحمار وقع اكتشفوا ان الحفرة دى عبارة عن مقبرة من العصر الرومانى 😳زى ما بقولك كدة و تعتبر اكبر مقابر العصر الرومانى 💁🏻‍♀️ ما تيجوا نتعرف اى هى المقبرة دى 🤔 المقبرة دى بتقع فى منطقة كوم الشقافة فى حى كرموز غرب الاسكندرية 🥱 و اتسمت بالاسم ده عشان  فيها بقايا فخارية كتير فى المكان ده 🏺و تاريخ المقبرة دى بتعود للفترة من القرن الاول و الثاني الميلادى 👀 تيجوا نوصف شكل المقبرة 🤔 المقبرة عمقها حوالى 20م تحت سطح الارض

 و هى عبارة عن ثلاث مستويات اى هما بقى👇🏻 

مدخل فوق سطح الأرض ثم سلم حلزوني🪜يفضي إلى

• (المستوى  الأول) ويتكون بدوره من دهليز يتصل بصالة مستديرة الشكل يتوسطها بئر (ROTUNA) ويجاور هذه الصالة المستديرة (صالة مستطيلة) الشكل متسعة مزودة بثلاثة أرائك هي صالة المأدب. وفي نهاية الصالة المستديرة يوجد سلم🪜يؤدي إلى 

• (المستوى الثاني) وهو الطابق الذي يوجد فيه الجزء الرئيسي للدفن في المقبرة، وهو عبارة عن حجرة ذات ثلاث فتحات في الحائط ودهليزين يمتد لف في زوايا قائمة حول حجرة الدفن ونجد في هذين الدهليزين فتحات وحجرات صغيرة للدفن ثم نصل بعد ذلك إلى

• (المستوى  الثالث)🥵 وتغمره المياه حاليا. استعمل للدفن في عصر لاحق وكان ضمن التخطيط الأصلي للمقبرة ويُعتقد أن هذا الطابق كان يحتوي على ممرات تؤدي إلى (السيرابيوم) ولكن هذا غير مؤكد.🧐 

ما تيجو نشوف المقابر دى فيها ايه 🤨 

1_ فيها مقبرة شارع تيجران 👇🏻

و المقبرة دى لقوها عند بناء احدى العمار فى منطقة كليوباترا و كانت حالتها صعبة خالص🥺 ف قرروا اعادة بناء المقبرة فى الفناء المكشوف فى منطقة كوم الشقافة 🥳  مع تثبيت الطبقة الجصية التى كانت تغطى اجزاء من غرفة الدفن على جدران الغرفة 😮‍💨 

2_ مقبرة سلفاجو 👇🏻 

و اتسمت كدا نسبة الى سلفاجو اليونانى و سلفاجو ده كان صاحب الارض اللى عثر على المقبرة فيها 👈🏻👉🏻 وانقاذا للمقبرة جرى نقلها و اعادة بناؤها فى منطقة كوم الشقافة 💃

3_مقبرة الورديان 👇🏻

 بيقولوا ان المقبرة دى بترجع لعام 300 ق.م و هى جزء من مقابر جبانة الورديان ، و جرى نقلها الى منطقة كوم الشقافة انقاذا للمقبرة 🤷🏻‍♀️ 

تفتكروا فيها ايه تانى 🌚

فيها توابيت مزينة باكليل من اوراق العنب و عناقيد العنب 🍇و روؤس الميدوسا ( المرعبة 👻) + اللوكلى ( نيشات صغيرة للدفن مستطيلة و منحوتة فى الجدران المستخدمة فى الدفنات ) + ( نيشات اخرى مربعة صغيرة منفذة فى الجدران حيث تم وضع الاوانى التى تحتوى على بقايا ادمية ) 🥵 

لسه لسه 🤌🏻😂

المنطقة دى فيها 502 قطعة اثرية نادرة منها 39 تابوتا ⚰️ و 17 تمثالا  لابو الهول 🦁🧍🏻‍♂️ ( اعتبروا الاسد و الراجل دول كناية عن ابو الهول 👉🏻😂)  و 156 قواعد و اعمدة و تيجان👑 و 7 ميازيب و ما يقرب من  300 قطعة اثرية غير مصنفة🤷🏻‍♀️ و القطع و المقابر دى تجمع بين العصرين الفرعونى و الرومانى ♥️

المقابر دى تشبه فى طرازها مقابر " الكتا كومب " المسيحية فى روما 

و اخر حاجة هنقولها 

ان العادات الجنائزية هى تجمع اهل المتوفى يوم كل اسبوع و قضاء يوم بالمقبرة لعدم زيادة المتوفى خوفا من الاحساس بالوحدة ( و ده كان رأى الديابى )

♥

نجوى تيمور صلاح عبده🤗♥️