Kingdom of history👑📖📜

 طول عمرى اسمع ان الكوارث الطبيبعه تدمر البلاد لكن اول مرة اسمع عن طوفان ينقذ البلاد 🤔 من بداية القرن 13 م ازداد نفوذ المغول و اتحولوا من قبيلة بدوية بأسيا لاصحاب اكبر امبراطوريه شهدها التاريخ و امتدت من اوروبا عبر اسيا ، فى سنة 1264 م قدروا انهم يسيطروا على بكين عاصمة الصين ده غير انهم هددوا مملكة سونج ، و بعد كدة حطوا فى مخططهم غزو اليابان ، اسطول من المغول اتجه لكوريا و وصلوا لميناء ( هاكاتا ) فى احدى الجزر اليابانية ، قابلوا هناك جنود السامورى اللى كانوا مستنينهم لكن المغول هزموهم ، و مرة واحدة تهب رياح شديدة و امواج عالية دمرت عدد كبير من سفن المغول ، و بعدها بيوم حصل طوفان بالبحر غرق حوالى 4000 سفينه و قتل 600 الف جندى ، و بكدة وقف الزحف المغولى و اضطروا للعودة لبلادهم . و بكده انقذ الطوفان اليابان من الغزو المغولى سنة 1281 م و بعد كدة اكتشف علماء الاثار ان سفن و قوارب المغول كانت بدائية تصلح للانتقال فى الانهار لكنها متتحملش الرياح و الامواج البحرية القوية ، و سمى اليابانيون الرياح دى ب ( الرياح المقدسة ) و فضلوا يحتفلوا بالانتصار ده لحد الحرب العالمية الثانية .

 دكتور زاهى حواس فى البث المباشر على مساء dmc  _ فى خلال 3 او 4 شهور سوف يتم الكشف عن مقبرة الملكة نفرتيتى  _ 64 مقبرة تم الكشف عنهم فى وادى الملوك على ايدى اجانب ، طب فين المصريين ؟ مكتشفناش غير مقبرتين بس  _ 2024 هتكون سنة مليئة بالاكتشافات  ناشيونال جيوغرافيك مولت المتاحف بقدر نص مليون دولار _ انا كنت طالب فاشل فى الجامعه و مكنتش بحب مجالى و كان دكاترة الاثار مكرهنى فى الاثار  _ اتخرجت بتقدير مقبول  _ بعد مذاكرة دامت 6 شهور سقطت فى الاختبار الشفوى لوزارة الخارجية _ مكنتش اعرف حاجة فى الحفاير ف اتدربت على ايد واحد اسمه الريس دكتور و قالى امسك الفرشة و نضف التمثال و كان تمثال المعبودة افروديت و ساعتها حبيت الاثار اوى و المجال _ سافرت و عشت فى امريكا 7 سنين اتعلمت حاجات كتير اوى و اهمها ازاى القى محاضرة 60 دقيقه امام 2000 طالب و عينهم متقفلش او ميملوش من المحاضرة  _ لما رجعت مصر دربت طلاب و شباب عددهم 83 طالب  _ بسبب ممر الكباش و موكب المومياوات شعر المصرى بالفخر لكنه ليس مثقف  _ عملت المؤسسة عشان الطلاب يتعلموا و يكتشفوا عشان عيب اوى لما يكون اكتريت الاكتشافات على يد الاجانب  _ اصدرت

 وقعت حذائها الزجاجى و خده الامير عشان يعرف صاحبته 🥿و الحذاء مجاش على مقاس اى بنت فى المملكة كلها غير سيندريلا 👑 عمرك سألت نفسك فكرة كرتون سندريلا جت منين ؟ تعالى هقولك 🤫 قصة الاميرة سندريلا مستوحاه من التاريخ المصرى القديم بتقولى اى 😳 زى ما بقولك كدة 🤓  فى سنة 570 ق.م حكم مصر الملك ' احمس التانى ' من الاسرة 26 و فى السنين الاولى من حكمه مراته ماتت 🥲 و الملوك المصريين كانوا متحالفين مع اليونانيين و سمحوا للاغريق ببناء بعض المدن الاغريقية فى مصر منها مدينة ( نقراطيس )  و فى مدينة نوقراطيس كان في بنت اسمها " رادوبيس " البنت دى من أصول يونانية والدتها صنعت لها حذاء من جلد الغزال الذهبى و عليه احجار كريمة رائعه و ادتهولها و قالتلها ان الحذاء ده هيكون سبب سعادتها و بعد كدة والدها و والدتها ماتوا و اشتغلت خدامه عند مرات والدها حصل فوضى بداية حكم احمس التانى و قدر انه يستعيد استقرار الامن فى كيميت و عمل حفلة كبيرة عشان يحتفل بالاستقرار و عشان يختارله زوجه . و طبعا لما " رادوبيس " سمعت ان فى حفلة جهزت نفسها و لبست الحذاء اللى والدتها عملته 🥿 و جاية ترو