Kingdom of history👑📖📜

 كهف عمره 40 مليون سنه 😳 #هنلف_مصر و نروح بنى سويف و نشوف مع بعض كهف واد سنور 🤩 اللى بقى مزار سياحى بسبب تفاعلات كيميائية للمياه الجوفيه المختلطه بالحجر الجيرى🧪 تحت سطح الارض  و التفاعلات دى انتجت رخام ( الالباستر ) 🥳 الكهف فيه صواعد و هوابط و ستائر و اعمده رائعه نتيجة الجيولوجيا 🤩  لما عمال المحاجر كانوا بينقبوا عن رخام الالباستر راحوا هووب اكتشفوا الكهف الفريد من نوعه و الجامد ده 🔦 و بيعتبر الكهف محمية طبيعية لانه اتنحت بفعل الطبيعه 🌊 طب ليه قولت انه كهف فريد من نوعه 🤔 لان مفيش زيه تانى فى العالم الا كهف واحد فى ولاية ( فيرجينيا ) عشان كدة هو فريد من نوعه ✌🏻 كهف وادى سنور اترسم على الخريطة المصرية السياحية ك مكان جاذب للسياح  و الكهف موجود فى شرق مدينة بنى سويف و اللى بيمتد 700م تحت الارض و عمقه 15م🪜 مصر كل الاماكن فيها جميلة اذا كانت طبيعية او بشرية 🇪🇬❤ #هنسافر_بألة_الزمن  #نجوى_تيمور_صلاح

 طبعا انا لو سالتك مين هو مايكل انجلو / ميكيل انجيلو هتقول السلحفه ابو شريطه برتقالي اللى ف سلاحف النينجا 🙂😂 بس اللى متعرفهوش ان ابداع مايكل انجلو ده من ضمن مظاهر النهضة الايطاليه 😲 و ده بسبب انه ابدع فى النحت و هندسة البناء و الشعر و الرسم 🤩  و اهم اعماله هى رسمة ( يوم الحساب ) و رسمة سقف كنيسة ( سستين ) فى الفاتيكان ⛪ و رسمها فى 8 سنوات 🥵 وصف الرسمه 👇🏻 تصور البشر و هما خارجين من القبور مفزوعين من العقاب😰  و السيد المسيح قاعد على عرشه و غضبان من شعبه بسبب اخطائهم 😡 #هنسافر_بألة_الزمن  #نجوى_تيمور_صلاح

 ابداع المصرى القديم فى انه ينحت تمثال ضخم للملك رمسيس الثانى مع المعبود حورون 🤩 هنلاقى ان الملك فوق راسه قرص الشمس ( رع ) و متمثل فى شخصية طفل لانه حاطط صباعه فى بوقه و خصلة شعره على الجنب و دى كانت مظاهر الطفولة ف مصر القديمة اللى كان اسمها ( مس ) و ماسك فى ايده نبات ( السو )  لو لاحظنا ان من نحت قرص الشمس ( رع ) و مظاهر الطفولة ( مس ) و نبات ( سو ) اتجمع اسم الملك ( رع مس سو ) 👈🏻 ( رمسيس ) 🌹☺️ #هنسافر_بألة_الزمن #نجوى_تيمور_صلاح